خواتین کا اجتہاد
کیا عورت اسلامی علوم کو حاصل کرکے اجتہاد کے درجے تک پہنچ سکتی ہے ؟
جواب : کوئی حرج نہیں ہے اور ممکن ہے کہ اجتہاد کے درجے تک پہنچ جائے ۔
کسی ایک غسل میت کا بھول جانا
اگر کسی میت کو ، تین واجب غسلوں میں سے، بھولے سے کوئی ایک غسل نہ دیا جائے تو اس کا کیا حکم ہے ؟
جواب: اس صورت میں اگر نبش قبر ، میت کی بے احترامی کا باعث نہ ہوتو جائز ہے کہ قبر کھول کر میت نکالیں اور غسل کا مل کریں ، لیکن ایسا کرنا واجب نہیں ہے ۔
پیشاب کی تھیلی کا نجاست سے آلودہ ہونا
وہ شخص جس کا پائخانہ یا پیشاب بے اختیار نکل جاتا ہو اور ایک تھیلی کے ذریعہ بدن تک پہنچنے سے روکے رکھتا ہو ، اب اگر نماز سے پہلے وہ تھیلی آلودہ ہوجائے تو کیا اس کو بدلنا واجب ہے؟اگر تھیلی پاک ہو اور نماز کے دوران پائخانہ یا پیشاب بے اختیار خارج ہوجائے تو کیا حکم ہے؟
جواب: وہ شخص جس کا پائخانہ یا پیشاب پے در پے نکلتا ہو اسے چاہئے کہ ہر وضو کے بعد فوراً نماز میں مشغول ہوجائے اور نماز احتیاط اور بھولے ہوئے سجدے اور تشہد کے لئے وضو کرنا لازم نہیں ، بشرطیکہ نماز اور ان کاموں کے درمیان فاصلہ نہ ڈالے، نماز کی حالت میں نجس تھیلی ساتھ رکھنے سے نماز باطل نہیں ہوتی۔
احتیاط واجب میں دوسرے مجتہد کی طرف رجوع کرنا
سوال ۱۴۔ حضرت عالی سے درخواست ہے کہ آپ کے جن مسائل میں احتیاط بیان ہوئی ہیں ان احتیاط میں کس مجتہد کی طرف رجوع کریں؟
جواب : جو مراجع تقلید علمی نشستوں میں مشہور ہیں ان میں سے ایک کی طرف رجوع کرسکتے ہیں ۔
نازک اور باریک لباس کا احرام پہننا
اگر خواتین کے احرام کا لباس اس قدر باریک ہو کہ ان کا بدن نمایاں ہو جائے کیا ان کے مناسک حج میں کوئی نقص آجاتا ہے ؟
جواب :۔ یہ کام حرام ہے لیکن اگر طواف اور نماز طواف کے علاوہ ایسا ہو تو حج کے باطل ہونے کا باعث نہیں ہوگا۔
میراث کا نہ ملنا
پچھتر (۷۵) سال پہلے دو بھائی بنام سید سلیمان وسید خداداد، زندگی بسر کرتے تھے باپ کی موت کے بعد انھوں نے اس کی جائداد اور ترکہ کو اپنے درمیان بطور مساوی تقسیم کرلیا، سید خداداد اپنی مرضی سے اپنے حصہ کو بیچے یا اجارہ پر دیئے بغیر، اس جگہ سے کسی دوسری جگہ منتقل ہوجاتا ہے، اس کا بھائی سید سلیمان ایک شخص بنام سید عبدالله (کہ جو اس زمانے میں اس علاقہ کا بانفود اور مشہور ومعروف شخص تھا ) اور دوسرے چند لوگوں کی مدد سے سید خداداد کے حصے کو بہ شرط بیع قطعی فروخت کردیتا ہے، سید خداداد جب اس چیز سے مطلع ہوتا ہے تو وہ اس علاقہ میں آتا ہے اور اپنے حصے کا مطالبہ کرتا ہے ، اس کا بھائی اور دیگر افراد اس کو دھمکاتے ہیں اور اس کا حق نہیں دیتے، اس وقت سے لے کر آج تک سید خداداد کے وارثوں میں سے کوئی بھی اپنا حق نہیں لے پایا، لہٰذا فرمائیں کہ کیا سید خداداد کے وارثین اپنے حق کا مطالبہ کرسکتے ہیں؟
جواب: چنانچہ بھائیوں نے اس مرحوم کا حق ضائع کیا ہے لہٰذا اس کے وارثین شرعاً اپنا حق واپس لے سکتے ہیں۔
مشترکہ جائداد کا کرایہ
کیا ایسے مکان کے مشترکہ مالکان، کہ جس کی دو منزلیں ہیں اور ہر منزل مستقل ہے اور دو منزلہ مکان کی ایک منزل ایک حصّہ دار کے تصرّف میں ہے، اپنے حصّہ کا مکان (جس میں وہ نہیں رہتے) کسی دوسرے کو کرایہ پر دے سکتے ہیں؟ نیز اگر کوئی ایک حصّہ دار دوسرے کے حصّہ کا مکان کرایہ پردینے سے منع کرے تو اس کا نقصان کس کے ذمہ ہوگا؟
دونوں حصّہ دار اپنا اپنا حصّہ دوسرے شخص کو کرایہ پر دے سکتے ہیں اور دوسرا حصّہ دار منع کرنے کا حق نہیں رکھتا، وگرنہ ضامن ہے مگر یہ کہ دوسرے حصہ دار کے لئے نقصان کا باعث ہو ۔
امام زادہ (وقف) کی زمین پر دکانیں بنوانا اور ان کا کرایہ
دو مومن آدمی جو جہرم کے مقام پر واقع مسجد کے روزانہ کے کام انجام دیتے ہیں اور امام زادہ اسماعیل کے مرقد کے انتظامات دیکھتے ہیں ، امامزادہ اسماعیل کے مرقد کے متروکہ قبرستان کے ایک گوشہ وکنارے پر اپنے پیسہ سے دو دکانیں بنواتے ہیں ، اس کے بعد ان دونوں دکانوں کو ، سستے دام پر بیچنے والی کمپنی کے ذمہ داروں کو کرایہ پر دیدیتے ہیں ، انھوں نے کرایہ کی رقم کو مسجد اور امام زادہ کے مرقد کے اخراجات کے لئے منظور کیا ہے ، اب اس بات پر توجہ رکھتے ہوئے کہ مسجد اور امام زادہ کے مرقد کا متولی ، شرعی نہیں ہے اور ان کا وقف نامہ بھی موجود نہیں ہے ، مندرجہ ذیل سوالوں کے جوابات عنایت فرمائیں :الف ) کیا دکانیں بنوانا اور خصوصاً ان کو کرایہ پر دینے کے لئے ، مجتہد جامع الشرائط سے اجازت لینا ضروری ہے ؟
جی ہاں اجازت کی ضرورت ہے ، اور چنانچہ مذکورہ زمین ، متروکہ رہی ہو ، تو ہم اس میںعمارت بنانے کی اجازت دیتے ہیں ، اور انھیں کرایہ پر دینا اس صورت میں جائز ہے جب مذکورہ عمارت ( دکانیں ) مسجد اور امام زادہ کے کاموں کیلئے ضروری نہ ہوں ، اور کرایہ کی رقم امام زادہ اور مسجد میں خرچ کی جائے۔
مسجد کے ظاہر کو پاک کرنا
جو مسجد ، نجس مصالحہ سے بنائی گئی ہے ، کیا اس کے ظاہر ی حصہ کو پاک کردینا ، کافی ہے ۔
جواب: کافی ہے اور مومنین کے دلوں میں وسوسہ نہ ڈالیں ۔
بدن کے لیے پانی کا استعمال مضر ہونے کی صورت میں تیمم کرنا
جس شخص کو ( بیماری کی وجہ سے ) پیشاب کے ساتھ ہمیشہ منی کے اجزاء خارج ہوتے ہوں ،اور صحتیاب ہونے کی امید بھی نہ ہو، کیا وہ تیمم سے اپنے اعمال بجالاسکتا ہے ؟ چونکہ مفروض یہ ہے کہ ہمیشہ غسل جنابت کرنے سے اس کو ناقابل تلافی جسمانی ضرر ہوسکتاہے ؟
جواب : مذکورہ صورت میں احتیاط واجب یہ ہے کہ جس قدر غسل کرنا باعث ضرر نہیں ہے غسل کرے ، اور جب باعث ضرر ہو تیمم کرنا جائزہے لیکن احتیاط کے طور پر وضو بھی کرلے یہ حکم اس صورت میں ہے جب کہ منی کے ذرّات پیشاب میں مل کر مکمل طور پر ختم نہ ہوئے ہوں ،اور اگر منی کے ذرّے ، پیشاب میں ملکر بالکل ختم ہوگئے ہیں ۔ تو اس پر غسل ضروری نہیں ہے ، اسی طرح اگر اسے شک ہو کہ وہ منی کے قطرے ہیں ( یا دوسری ( مذی وغیرہ) چپکنے والی چیز ہے جو کبھی کبھی پیشاب کے راستہ سے خارج ہوتی ہے ، توبھی غسل نہیں ہے ۔
فوجیوں کا دشمن کے ہاتھ آنے سے پہلے خودکشی کر لینا
ہمارے شہر میں ہر مسجد میں ایک علم ہوتا ہے جسے ایام عزا میں خاص طور ہر روز عاشور حرکت دی جاتی ہے، یہ سارے علم کچھ مینٹ کے فاصلہ سے ایک دوسرے کے شانوں ہر منتقل ہوتے ہیں جس کے شانہ ہر علم جاتا ہے وہ اسے چومنے کے بعد اس میں لپٹے کپڑے میں پیسا باندھتا ہے۔ لوگ کہتے ہیں کہ جسے کوئی در پیش ہو علم اس کے شانہ پر ہو اور اس میں پیسا باندھے تو اس کی منت پوری ہو جاتی ہے۔ وہ یہ بھی کہتے ہیں کہ علم میں حرکت لینے والی کی وجہ سے نہیں ہوتی بلکہ اللہ کی طرف سے ہوتی ہے، اس بارے میں آپ کیا فرماتے ہیں؟
وہ پرچم اور علم جو امم حسین علیہ السلام کی عزاداری میں اٹھائے جاتے ہیں چونکہ ان کی نسبت امام (ع) سے ہوتی ہے لہذا وہ محترم ہیں۔ البتہ انسان کو منت اللہ سے مانگنی چاہیے اور امام حسین علیہ السلام کو وسیلہ بنانا چاہیے علم سے منت نہیں مانگنی چاہیے۔
امر بالمعروف کرنے میں قصد قربت کرنا
کیا امر المعروف اور نہی عن المنکرکرنے میں، قربة الی الله کی نیت کرنا شرط ہے؟
قربةً الی الله کی نیت کرنا شرط نہیں ہے، لیکن اس کے بغیر ثواب بھی نہیں دیا جاتا ۔
امر بالمعروف اور نہی عن المنکر کا سلب ہونا
اسلامی جمہوریہ ایران میں، امر بالمعروف اور نہی عن المنکر کے لئے انجمن یا کمیٹی کے ہوتے ہوئے کیا دوسروں سے امربالمعروف اور نہی عن المنکر کا وظیفہ ختم ہوجائے گا؟ اور اگر ان کے کام آپس میں ایک جیسے ہوجائیں تو کیا وظیفہ ہے؟
جواب: امر المعروف اور نہی عن المنکرایک عام حکم ہے اور سب لوگوں پر اپنی قدرت کے مطابق واجب ہے اور اس قسم کی انجمن یا کمیٹی کے ہونے سے، دوسروں کا وظیفہ ختم نہیںہوتا اور ایک جیسے کام ہونے کی مشکل کو صحیح پروگرام ترتیب دیکر حل کیا جاسکتا ہے ۔
طِبّی تعلیم کی غرض سے شرمگاہ پر نظر کرنا
تعلیم دینے اور سیکھنے کی غرض سے، نبض دیکھنے، معائنہ کرتے اور علاج کرتے وقت ،مرد طالب علم کا عورت کے ہاتھ کو چھونا لمس کرنا جو استاد کی نظر میں ضروری ہے، ضرورت اور غیر ضرورت دونوں صورتوں میں کیسا ہے ؟
جواب:۔ضرورت کے مورد وموقعہ پر جائز ہے اور اگر لباس کے اوپر سے ہاتھ (نبض) پکڑ نا ممکن ہو تو یہی مقدم ہے .
