سعودی عرب کے سیاسی عہدے داروں سے موقوفہ قرآن کوحاصل کرنا ۔
وہ مہر شدہ قرآن جس پر وقف کی مہر لگی ہو، سعودی عرب کے سیاسی عہدہ داروں سے لینا کیسا ہے؟
جواب: جب بھی وہ آگاہی کے ساتھ لوگوں کو ہدیہ کریں کوئی مانع نہیں رکھتا۔
سزا پوری کرنے کے عنوان سے وثیقہ حاصل کرنا
عدالت کی تاریخوں پر حاضر ہونے کے لئے جورقم ضمانت کے طور پر تیسرے شخص سے لی جاتی ہے، جبکہ یہ بھی فرض کرلیا جائے کہ اس ضمانتکی حقیقت، عادلت میں حاضری کے عہد کے علاوہ، قرض کا بھی عہد کرنا ہے ۔ یہ بات بھی ملحوظ رہے کہ یہ کام شریعت کے کسی بھی معین شدہ عقود جیسے ضمانت، کفالت اور رہن وغیرہ میں سے کے تحت درج نہیں ہوتا، لہٰذا حضور فرمائیں اس کا کیا حکم ہے ؟
حقیقت میں یہ کام عقد کفالت اور عقد ضمانت سے مرکب ہے اور اس میں کوئی اشکال نہیں ہے ۔
حضور قلب نہ ہونے کی وجہ سے دوبارہ نماز پڑھنا
کیاانسان ، نماز میں حضور وقلب یا نما زمیں توجہ نہ ہونے کی وجہ سے ، نماز کو دوبارہ بجالاسکتا ہے ؟
جواب:۔ اگر نما زمیں ظاہری طور پر کوئی کمی نہیں ہوئی ہے تو اعادہ نہ کرے، بلکہ تعقیبات کے ذریعہ اس کی کمی کو پورا کرے۔
دائی کا حاملہ کو متخص طبیب کے پاس نہ بھیجنے کی وجہ سے حاملہ کا مرجانا
قانونی ڈاکٹر نے ایک حاملہ عورت کی موت کی وجہ کومعین کرنے میں یہ نظر دی ہے ”چونکہ دایہ کو چاہئے تھا قانون کے مطابق حاملہ کو متخصص ڈاکٹر کے پاس بھےجے لیکن اس نے یہ کام نہیں کیا ہے لہٰذا وہ ۲۰/ فیصد مقصِّر ہے“کیا عدالت کو حق ہے دائی کو حاملہ کے متخصص ڈاکٹر کی طرف راہنمائی نہ کرنے کی وجہ سے محکوم کرے؟ جواب کے مثبت ہونے کی صورت میں کیادائی جنین کی دیت کو بھی اسی نسبت سے ادا کرے گی؟
جواب: دائی فقط تعذیر کی مستحق ہے، ممکن ہے مالیتعذیر کا انتخاب کیا جائے۔
زوجہ کے لئے کام کاج کا سامان فراہم کرنا
میں نے اپنی زوجہ کے لئے، سلائی کا کام کرنے کے لئے ضروری انتظامات کئے، مشین خرید کر دی، جگہ، لائٹ اور ضروری سامان فراہم کیا ہے کیا اس سلائی کی آمدنی میں، میں بھی شریک ہوں؟ نیز کیا وہ میری اجازت کے بغیر یہ کام کرسکتی ہے؟
اگر آپ نے وہ سب چیزیں اپنی زوجہ کو بخش دی ہیں تو اس صورت میں آپ کو اس کی آمدنی میں کوئی حق نہیں ہے اور اگر نہیں بخشی ہیں تب طے شدہ معاہدے کے مطابق عمل کرنا ہوگا اور وہ آپ کا حصّہ ادا کرے گی ۔
باپ کا بیٹا ثابت کرنے کے لیے ڈاکٹر کی سند۔
اگر جج یا قاضی کی طرف سے کیس عورت کو معاینہ کے لیے پیش کیا جائے کہ اس کے رحم میں جو نطفہ ہے وہ اس کے شوہر کا ہے یا کسی اجنبی کا، اور اسے اس کام کے قانونی پیروی کرنے والے سرکاری ڈاکٹر کے پاس بھیجا جائے، اس صورت میں ڈاکٹر قطعی طور پر یہ معین کر سکتا ہے کہ یہ نطفہ اس کے شوہر کا نہیں بلکہ کسی اجنبی کا ہے لیکن اس کے ایسا کرنے سے معلوم ہو کہ اس کے رشتہ دار اسے جان سے مار دیں گے اور اگر اس کے بر خلاف گزارش دے تو بچہ اس کے شوہر سے ملحق ہو جائے گا اور قانونی و میراث و محرمیت وغیرہ کے دوسرے مسائل اور مشکلات پیش آئیں گی، ایسی صورت میں اس ڈاکٹر کا شرعی فریضہ کیا ہے؟
جواب: مہم یہ ہے کہ ڈاکٹر کا قول اور اس کا یقین جج اور قاضی کے لیے اس طرح کے موارد میں حجت نہیں رکھتا اور حتی کے اگر خود قاضی کا یقین جو اس روش سے حاصل ہوتا ہے وہ بھی حجت نہیں رکھتا بلکہ محل اشکال ہے، لہذا ضروری نہیں ہے کہ ڈاکٹر اپنے یقین کو اس طرح کے موارد میں پیش کرے اور نتیجہ کے طور پر بچہ حکم ظاہری کے مطابق اس کے شوہر سے ملحق ہو جائے گا اور اس طرح کے احکام ظاہری سے کوئی مشکل پیدا نہیں ہوتی۔
س شخص کا حکم جس کا جرم عمدی اور بطور آگاہی نہیں تھا
ان موارد میں جہا ں مجرم بلوغ شرعی کو تو پہنچ گیا ہو لیکن ثابت ہوجائے کہ اولا : اس کی تشخیص خام اور ناکافی تھی۔ثانیا : اس کے جرم کا ارتکاب ، ایک جدی، عامدانہ اور آگاہانہ نہیں تھا۔ثالثا : اس کے شخصی اور خانوادگی اوضاع واحوال کو مد نظر رکھتے ہوئے ، اس کے ارتکاب عمل سے کوئی مجرمانہ قصد ثابت نہیں ہوا ہے . کیا ایسی صورت میں ملزم عدالتی ذمہ داری رکھتا ہے اور مقررہ سزا کا مستحق ہے؟
جواب : اس صورت میں جب کہ اس کی وضع ایسی ہو کہ عنوان عمد اس پر صادق نہ آئے، جرم عمدی کے احکام اس کو شامل نہیں ہوتے اور ان موارد میں جب تعذیر پر محکوم ہوا ہو تو حاکم شرع اوضاع واحوال فوق کو بعنوان عوامل مخفّفہ تلقّی کرسکتا ہے۔
اپنی زوجہ کا عمومی جگہوں پر بوسہ لینا
اگر ایک مرد انظار عمومی میں اپنی زوجہ کا بوسہ یا اس کے جیسی حرکت کا اقدام کرے ، کیا یہ عمل گناہ اور موجب تعذیر ہے؟۔
جواب : ایسا عمل گناہ شمارنہیں ہوگا اور اس پر تعذیر بھی نہیں ہے مگر یہ کہ قاضی تشخیص دے کہ ایسے اعمال پردہ دری اور جامعہ میں فساد کے شایع ہونے کا سبب ہوجائیں گے ، اس صورت میں مناسب تعذیر بجا ہے۔
ملزم کا حدّنصاب سے کم اقرار کرنا
حدمحاربہ (رعب ووحشت پھیلانے کے لئے کھلے عام اسلحہ لے کر چلنا) اور فساد فی الارض حد کے علاوہ، ہر حدکے ثابت کرنے کے لئے تعدّداقرار شرط ہے، اگر کوئی ملزم حد نصاب سے کم اقرار کرے ، کیا اس کو تعذیر (تنبیہ کے لئے حد سے کم سزا دینا) کیا جائے گا؟
جواب: اس صورت میں تعذیر کرنا اشکال رکھتا ہے۔
سب کے اقرار میں توارث
خصوصاً نسب کے اقرار کے بارے میں فرمائیں:الف) اگر نسب کا محقق ہونا برحسب معمول ممکن ہو اور وہ شخص جس کے نسب کا اقرار ہورہا ہے وہ بھی تصدیق کرے، کیا مُقرّ اور مُقرٌلہ میں توارث ایجاد ہوجاتا ہے ؟ ورثا کا عدمِ وجود، مقرّ کے لئے توارث کے ایجاد کی شرط ہے۔ب) اس صورت میں کہ جب مُقر ، مشہور اور معلوم ورثہ نہ رکھتا ہو اور مقرّلہ بھی اس کی تصدیق کرتاہو کیا ایسا اقرار توارث کا سبب ہوتا ہے؟ج) اس صورت میں کہ جب اقرار، کسی وارث کو ارث سے محروم نہ کرے، کیا مُقرّ کا اقرار شرائط کے محقق ہوجانے کے بعد، قابل قبول ہے؟ کیا وارثین کا وجود ، فقط اس اقرار سے مانع ہے جو مُقر اور مقرّلہ میں توارث کا سبب بنے؟
جواب: ان تمام موارد میں اقرار قابل قبول ہے ؛ اگر کوئی اور وارث موجود ہو، تو فقط اقرار کو مُقر کے حصے کے مورد میں قبول کیا جائے گا ، باقی وارثین کے حصے میں سے کوئی چیز کم نہیں ہوگی۔
ترکہ کے تیسرے حصّہ مال کی وصیت کے بغیر ، وصی کو معین کردینا
اگر کسی مرنے والے نے، وصی تو معین کردیا ہو لیکن اپنے ایک تہائی مال کی وصیت نہ کی ہو کیا اس کا ایک تہائی مال، کار خیر میں، خرچ کرسکتے ہیں؟
جواب: وصی کو معین کرنے کا مطلب، ایک تہائی معین کرنا نہیں ہوتا، مگر یہ کہ بعض علاقوں میںوصی کو معین کرنے سے، ایک تہائی مال کی وصیت کرنا مقصود ہو، اس صورت میں اسی وصیت پر عمل کرنا چاہئے ۔
دو مریضوں کی صورت میں ڈاکٹر کا شرعی وظیفہ
اگر دو زخمیوں کو ڈاکٹر کے پاس معالجہ کے لیے لایا جائے اور دونوں کی حالت نازک اور خطرناک ہو اور ان دونوں میں سے ایک کا وہ فیملی ڈاکٹر ہو اور ایک کا علاج دوسرے کو چھوڑ دینے کے مترادف ہو، جس کے نتیجہ میں وہ مر جائے گا، اس حالت میں ڈاکٹر کا کیا شرعی فریضہ ہے وہ ان دونوں میں سے کس کو مقدم کرے اور کس کا علاج کرے، اس بیان کے ضمن میں ذیل الذکر سوالوں کے جواب عنایت کریں:الف۔ اس بات کے مد نظر کہ اس ڈاکٹر نے جن کا وہ فیملی ڈاکٹر ان سے اس نے ایسا کوئی ایگریمینٹ نہ کیا ہو جس کے تحت وہ علاج کے مجبور ہوگا ۔ب۔ اگر ان دونوں میں سے ایک کے گھرانے کے ساتھ اس کا ایگریمینٹ ہو تو اس صورت میں حکم مسئلہ کیا ہوگا؟ج۔ وہ زخمی ڈاکٹر جن کا فیملی ڈاکٹر ہے، اس کی حالت نہایت نازک ہو مگر اس کی موت کا امکان دوسرے سے کمتر ہو تو اس صورت میں اس کا شرعی فریضہ کیا ہے؟
جواب: پہلی اور دوسری صورت میں، اس بات کے پیش نظر کہ دونوں کی حالت ایک جیسی ہے ڈاکٹر کو اختیار ہے جس کا چاہے علاج کرے لیکن اگر اس کا کسی گھرانے سے شرعی معاہدہ ہو تو اسے مقدم کرے گا اور تیسری صورت میں جس کی جان کو زیادہ خطرہ ہو اس کا پہلے علاج کرے گا ۔
نذر کے انجام دینے کی جگہ میں شک کرنا
اس صورت میں جب کہ بھیڑ کی نقد قیمت کسی خاص امام باڑے میں دوں تو کیا ان سے یہ کہنا بھی ضروری ہے کہ حتماً آپ اس پیسے سے بھیڑ خریدیں اور اس کا گوشت عزداران حسینی کو مجلس عزاء میں کھلائیں؟
جواب: جی ہاں، اس مطلب کی یاد دہانی کرانا آپ پر لازم ہے ۔
بے جا چیک کی وجہ سے چیک کے مالکوں کے قید کی دلیل
کچھ عرصہ پہلے عدلیہ کے رئیس نے فرمایا تھا :”فقہ اسلامی کی نظر سے چیک اور قرضے زندان کا سبب نہیں بنتے“ اور یہ بھی فرمایا تھا : ”بہت سی وقتی قیدوں کی کوئی فقہی اور حقوقی دلیل نہیں ہے تو“ کیوں مراجع عظام، علماء کرام اور بزرگان دین نے اس طرح کے مسائل کے مقابلہ میں سکوت اختیار کیا؟ اگر کوئی مسئلہ فقہی اور دینی دلیل نہیں رکھتا تو کیوں اجراء ہوتا ہے؟
جواب : بے جا چیک کے سلسلہ میں ، قید کے مسئلہ کی دو دلیلیں ہوسکتی ہیں :اول : یہ کہ ثابت ہو کہ طر ف مقابل کچھ اموال رکھتا ہے جن کے ذریعہ اپنے قرض کو ادا کرسکتا ہے(مستثنیات دَین کے علاوہ)۔دوم : یہ کہ حکومت اسلامی ثابت کرے کہ بے جا چیکوں کے سلسلے میں کوئی کار وائی نہ کرنا معاشرے کے اقتصادی نظام کو متزلزل کردے گی۔
