جامع المسائل، مرکز پاسخگویی به احکام شرعی و مسائل فقهی

مسئلہ878۔ اگرشک ہوکہ تکبیرةالاحرام کہی ہے کہ نہیں تو اگرحمدکے پڑھنے میں مشغول ہوگیاہے تواپنے شک کااعتنانہ کرے اوراگرابھی حمدشروع نہیں کی توضروری ہے کہ تکبیرةالاحرام کہہ لے۔ اگرتکبیرةالاحرام کہه لی هو مگر شک کرے کہ صحیح کہی ہے کہ نہیں تواگرتکبیرکہنے کے بعدشک ہواہے توپروہ نہ کرے۔

مسئلہ571 تکبيروں اور دعاؤں کو يکے بعد ديگرے اس طرح پڑھے کہ نماز اپني صورت سے خارج نہ ہوجائے.اور احتياط واجب يه هے که نماز کے بيچ ميں کسي سے بات نه کرے.

مسئلہ 1181 : اگر تیس دن ایک ہی جگہ پر قیام نہ ہو تو کافی نہیں ہے اس بنابر اگر ایک جگہ بغیر قصد بیس دن ٹھہر جائے اور اس کے بعد وہاں سے چند فرسخ دور چلا جائے اور بیس دن وہاں قیام کرے تو اس کی نماز قصر ہوگی۔

مسئلہ 750 : نمازی کا لباس اس مردہ حیوان کے اجزا کا نہ ہو جو خون جہندہ رکھتا ہے۔ بلکہ احتیا ط واجب یہ ہے کہ ان مردہ حیوانوں کے اجزاء کے لباس سے بھی پرہیز کرے جوخون جہندہ نہیں رکھتے (جیسے مچھلی سانپ)۔

ايسي جگہ نمازپڑھے جہاں واجبات کوانجام دے سکےمسئلہ 809۔ ایسی جگہ نمازپڑھنی چاہئے جہاں واجبات کوانجام دے سکے، اس لیے اتنی نیچی چھت کے نیچے نمازباطل ہے جہاں ادمی کھڑانہ ہوسکے یاجگہ اتنی تنگ ہوکہ رکوع وسجودنہ کرسکے۔

مسئلہ 918 : تین رکعتی اورچار رکعتی نماز کی تیسری و چوتھی رکعت میں اختیار ہے چاہے صرف حمد پڑھے(بغیر سورہ)یاتین مرتبہ تسبیحات اربعہ یعنی سبحان اللہ والحمد للہ و لا الہ الا اللہ و اللہ اکبر۔ بلکہ ایک مرتبہ بھی کافی ہے۔ یہ بھی کرسکتا ہے کہ ایک رکعت میں حمد اور ایک میں تسبیحات پڑھے۔

مسئلہ 1258 : اگر امام کي تيسري يا چوتھي رکعت ہو اور ماموم جانتا ہو کہ اگر ابھي شريک ہو کر حمد پڑھے گا تو امام کو رکوع ميںنہيں پائے گا تو احتياط واجب ہے کہ صبر کرے جب امام رکوع ميں جائے تو نيت کرکے شريک ہوجائے.

مسئلہ 660 : جو شخص تيمم سے نماز پڑھتا ہو وہ اس حال ميں قضا نماز بھي پڑھ سکتا ہے ليکن اگر يقين ہو کہ عذر بہت جلد ختم ہوجانے کي اميد ہو تو تاخير کرے.

مسئلہ 661 : جو شخص وضو يا غسل نہيں کرسکتا اس کے لئے تيمم سے مستحبي نمازيں پڑھني جائز ہے بلکہ اگر نماز شب کا وقت تنگ ہے تو تيمم سے پڑھ سکتا ہے.

مسئلہ 657 : تيمم کرچکنے کے بعد اگر شک ہو کہ صحيح کيا تھا کہ نہيں تو اعتناء نہ کرے ليکن اگر تيمم کرنے کے درميان ميں شک ہوجائے تو بناء بر احتياط واجب پلٹ کر مشکوک حصے کو دوبارہ بجالائے.

مسئلہ 648 : تیمم کے لئے پہلے نیت کرے پھر دونوں ہاتھوں کی ہتھیلیوں کو کسی ایسی چیز پر جس پر تیمم صحیح ہو مارے پھر بناء بر احتیاط واجب دونوں ہتھیلیوں کو پوری پیشانی اور اس کے دونوں طرف سر کے بالوں کے اگنے کی جگہ سے لیکر ابرو تک اور ناک کے اوپر تک کھینچے او راحتیاط واجب ہے کہ دونوں ابرووں پر بھی مسح کرے اس کے بعدبائیں ہاتھ کی ہتھیلی کو داہنے ہاتھ کی پوری پشت پر پھیرے اور اس کے بعد داہنے ہاتھ کی ہتھیلی کو بائیں ہاتھ کی پوری پشت پر پھیرے۔

مسئلہ 653 : بناء بر احتياط واجب تيمم کے اعضاء او رہتھيلياں پاک ہوں البتہ اگر ہتھيلي نجس ہو اور اس کو پاک نہ کرسکتا ہو تو اسي طرح تيمم کرے.