جامع المسائل، مرکز پاسخگویی به احکام شرعی و مسائل فقهی

مسئلہ 2333:اگر کوئي اپنے لئے چند وصي معين کرجائے اور يہ اجازت ديدي ہو کہ ہر ايک تنہا وصيت پرعمل کرسکتاہے تو ايک دوسرے سے اجازت لينے کي ضرورت نہيں ہے اور اگر اجازت نہ دي ہو (چاہے يہ کہا ہو سب با ہم عمل کريں يا نہ کہا ہو) تو ايک دوسرے سے مشورہ کرکے عمل کريں اور اگر وہ لوگ ايک ساتھ مل کر کام کرنے پر تيار نہ ہوں يا تشخيص مصلحت ميں اختلاف رکھتے ہوں تو اگر تاخير کرنا وصيت پر عمل کرنے ميں تعطل کا سبب بن رہاہو يا تاخير کا سبب ہو تو حاکم شرع اس طرح ترتيب دے کہ وصيت پرعمل کہا جاسکے.

مسئلہ 2333:اگر وصيت کرنے والا اپني وصيت سے پلٹ جائے، مثلا پہلے کہے کہ ميرا ثلث مال خلال کو ديديا جائے پھر کہے کہ نہ دياجائے، تو وصيت باطل ہوجاتي ہے اسي طرح اگر وصيت ميں تغيير کردے مثلا کسي کو نابالغ کے لئے سرپرست معين کيا گاہو اسکے بعد اس کي جگہ دوسرے کو معين کردے تو پہلي وصيت باطل ہوجاتي ہے اسيطرح اگر کوئي ايسا کام کردے جس سے معلوم ہو کہ اپني وصيت سے پلٹ کياہے تب بھي وصيت باطل ہوجاتي ہے مثلا جس مکان کوديئے جانے کي وصيت کرچکا ہو اس فروخت کردے يا کسي کو اس کے بيچنے کے لئے وکيل مقرر کردے.

مسئلہ 2336: اگر کوئي مرض الموت ميں تھوڑا سامان کسي کو بخش دے اور يہ بھي وصيت کرے کہ ميرے مرنے کے بعد ايک مقدار مال دوسرے کو ديدے اور مجموعي طور پر مال ثلث ترکہ سے زيادہ ہو تو جتنا اضافہ ہے الميں احتياط يہ ہے کہ ورثا سے اجازت لے ليں.

مسئلہ 2337: اگر کوئي شخص وصيت کرجائے کہ ميرے ثلث ترکہ کو محفوظ رکھا جائے اور اس سے ہونے والے نفع کو فلاں مقصد ميں خرچ کياجائے تو اس کے مطابق عمل کرنا چاہئے .

مسئلہ 2338: اگر کوئي مرض الموت ميں کہے کہ ميں فلاں شخص کا اتنا مقروض ہوں اور وہ شخص (ميت) متہم نہ ہو کہ ورثہ کو ضرر پہونچانا چاہتا ہے تب تو اس قرضہ کو اصل مال سے دياجائے اور اگر متہم ہو تو ميت کے ثلث تر کہ سے دياجائے گا.

مسئلہ 2339: جن کے لئے وصيت کي جائے اس کا موجود ہونا ضروري ہے لہذا اس بچہ کے لئے وصيت کرنا محل اشکال ہے جو ابھي موجود نہيں ہے اور ہوسکتا ہے بعد ميں پيدا ہوجائےاور احتياط يہ ہے کہ ورثہ سے صلح کرلي جائے البتہ جو بچہ شکم مادر ميں موجود ہے چاہے ابھي اس ميں روح نہ داخل ہوئي ہو اس کے لئے وصيت کرنا صحيح ہے پس اگر بعد ميں وہ بچہ زندہ پيدا ہوا تو جو چيزاس کے لئے وصيت کي گئي تھي دي جائے گي اورا گر مردہ پيدا ہوا تو وصيت باطل ہے اور وہ چيز ورثہ ميں تقسيم کردي جائے گي.

مسئلہ 2340: اگر وصي (جس کے لئے وصيت کي گئي ہے) کو اطلاع ملے کہ کسي نے اس کو وصي بنايا ہے اور وہ وصيت کرنے والے کو مطلع کردے کہ ميں وصيت پر عمل کرنے کے لئے تيار نہيں ہوں اور مرنے والا دوسرے کو وصي بنا سکتا ہو تو پہلي وصيت باطل ہوجائے گي ليکن اگر وصي کو مرنے سے پہلے خبر نہ پہنچے يا خبر نہ ہوجائے مگر وصي ميت کو مطلع نہ کرے کہ ميں وصيت کو قبول کرنے پر تيار نہيں ہوں يا اطلاع ديدے ليکن مرنے والا کسي دوسرے شخص پر دسترس نہ رکھتا ہو تو احتياط واجب ہے کہ وصيت پر عمل کياجائے ہاں اگر عمل کرنے ميں شديد مشقت ہو تو وصيت پر عمل کرنا ضروري نہيں ہے

مسئلہ 2341:وصي کو يہ حق نہيں ہے کہ ميت کے امور کو خود نہ انجام دے کر کسي اور کے حوالہ کردے ہاں اگر يہ معلوم ہو کہ ميت کا مقصد صرف کام کا انجام ديناہے (کوئي بھي انجام دے) تو دوسرے کو اپنا وکيل بناسکتا ہے.

مسئلہ 2342:اگر کسي نے دو ادميوں کو وصي مقرر کياہو کہ دونوں مل کر کام کرے اور ان ميں سے کوئي ايک مرجائے يا ديوانہ ہوجائے يا کافر ہوجائے تو حاکم شرع اس کي جگہ پر دوسرے کو معين کردے گا اور اگر دونوں ہي ايسے ہوجائے تو حاکم شرع دو دوسرے ادميوں کو معين کرے گا.

مسئلہ 2343: اگر وصي تنہا ميت کے امور کو انجام نہ دے سکے اورن ہ کسي کو اپنا مدد گاربنا سکے تو حاکم شرع اس کي مدد کے لئے دوسرے کو معين کرے گا.

مسئلہ 2344:اگر وصي کے ہاتھ ميں ميت کا تمام مال يا کچھ حصہ تلف ہوجائے تو اگر وصي نے اس کي حفاظت ميں کوئي کمي نہ کي ہو اور ميت کے حکم کي خلاف ورزي نہ کي ہو تو ضامن نہيں ہے ورنہ ضامن ہے.

مسئلہ 2345: قرض ، حج واجب، خمس، زکات جيسي چيزوں کو اصل ترکہ سے نکالاجائے گا چاہے ميت نے وصيت نہ بھي کي ہو اس کے بعد اگر ترکہ بچتاہے اور ميت نے ثلث يا اس سے کم وصيت بھي کي ہو اس کو فلاں جگہ پر خرچ کياجائے تو اس کے مطابق عمل کياجائے گا اور اگر وصيت نہ کي ہو تو ثلث مال ميت کا نہ ہوگا بلکہ سب ورثہ کا ہوجائيگا.يعني قرض و غيرہ دينے کے بعد جوبچے گا وہ ورثہ کا ہوجائے گا.