مسئلہ 1230: جس امام جماعت نے ايک جماعت کو نماز پڑھا دي ہو اس کے لئے دوسري جماعت کو دوبارہ نماز پڑھانا جائز ہے البتہ دو بار سے زيادہ ميں اشکال ہے اس بناء پر ايک امام جماعت دو مسجدوں ميں جماعت پڑھا سکتا ہے اور نماز کو دومرتبہ پڑھ سکتا ہے.
مسئلہ 1231 : جس کو نماز ميں وسواس ہوتا ہواور اس کا وسواس نماز ميں اشکال کا سبب بنتا ہو اگر اسے معلوم ہو کہ جماعت سے نماز پڑھنے ميں وسواس سے چھٹکارا مل ہي جاتا ہے تو اس کو نماز جماعت ہي سے پڑھني چاہئے.
مسئلہ 1232 : کسي بھي مستحب نماز کو سوائے نماز استسقاء (جو طلب باراں کےلئے ہوتي ہے) اور نماز عيدالفطر و عيد قربان کے(جو غيبت امام زمانہ(عج)ميں مستحب ہيں)جماعت سے نہيں پڑھا جا سکتا.
مسئلہ 1233 : نماز یومیہ کی ہر نماز کو امام کی ہر نماز کے ساتھ اقتداء کرکے پڑھا جا سکتا ہے مثلا اگر امام نماز ظہر پڑھ رہا ہے اور یہ شخص ظہر پڑھ چکا ہے تو نمازعصر کو امام کے ساتھ با جماعت پڑھ سکتا ہے البتہ اگر امام احتیاطا نماز کا اعادہ کر رہا ہو تو اس میں اقتداء نہیں کی جاسکتی۔ لیکن یہ کہ دونوں از لحاظ احتیاط ایک جیسے ہوں تو اقتدا ہوسکتی ہے۔
مسئلہ 1234 : اگر امام جماعت قضا نماز پڑھ رہا ہو تب بھي اس کي اقتدا کي جاسکتي ہے ليکن اگر وہ اپني نماز کو احتياطا قضا کررہا ہو تواس کي اقتداء ميں اشکال ہے.
مسئلہ 1235 : اگر يہ معلوم نہ ہو کہ امام جو نماز پڑھ رہا ہے وہ واجب نماز ہے يا نافلہ والي نمازہے تو امام کي اقتدا نہيں کرسکتا.
مسئلہ 1249 : اگر امام کے حمد و سورہ کے بعد کسي عذر کي وجہ سے ماموم الگ ہوجائے اور فرادي کي نيت کرے تو حمد و سورہ کا پڑھنا ضروري نہيں ہے ليکن اگر حمد و سورہ کے ختم ہونے سے پہلے فرادي کي نيت کرے تو جتني مقدار رہ گئي ہے اس کو پڑھے.
مسئلہ ۱۲۵۰ : اگر کسی عذر کی بنا پر اثنائے نماز میں فرادی کی نیت کرلے تو پھر دوبارہ جماعت میں نہیں آسکتا اسی طرح اگر مردد ہوجائے کہ فرادی کی نیت کرے یا نہ کرے اور پھر آخر میں طے کرلے کہ جماعت ہی سے پڑھوں گا تو اس کی جماعت میں اشکال ہے لیکن اگر شک ہو کہ فرادی کی نیت کی تھی کہ نہیں تو یہ بنا رکھے کہ فرادی کی نیت نہیں کی تھی۔
مسئلہ ۱۲۵۲ : پہلی رکعت کے علاوہ ، دوسری رکعتوں میں بھی اپنے کو امام کے رکوع سے ملحق کرنا چاہئے ورنہ اس کی جماعت میں اشکال ہے۔
مسئلہ1253 : جس وقت امام رکوع ميں ہے اسي وقت اگر اقتدا کرے اور بمقدار رکوع جھکنے سے پہلے امام رکوع سے کھڑا ہوجائے تو فرادي کي نيت کرے اس کي نماز صحيح ہے اور اعادہ کے بھي ضرورت نہيں ہے.
مسئلہ ۱۲۵۶ : اگر دوسری رکعت میں اقتدا کرے تو قنوت و تشہد امام کے ساتھ ہی پڑھے اور احتیاط واجب یہ ہے کہ تشہد پڑھتے وقت گھٹنوں کو زمین سے بلند کرے صرف ہاتھوں کی انگلیوں کو اور پیروں کو زمین پر رکھے رہے(بالکل اس طرح بیٹھے جیسے اٹھنا چاہتا ہو)اور امام کے تشہد کے بعد کھڑا ہوجائے ، حمد و سورہ پڑھے اگر سورہ کے لئے وقت نہ ہو تو صرف حمد پڑھے اور اپنے کو امام کے ساتھ رکوع میں پہونچادے۔
مسئلہ ۱۲۵۷ : جو شخص امام کی دوسری رکعت میں شریک ہو وہ اپنی دوسری رکعت میں (جو امام کی تیسری ہے)دونوں سجدوں کے بعد بیٹھ کر بمقدار واجب تشہد پڑھے اور اٹھ کر امام کے ساتھ شریک ہوجائے اب اگر تین مرتبہ تسبیحات پڑھنے کا وقت نہ ہو تو ایک مرتبہ پڑھ کر رکوع میں امام کے ساتھ شریک ہوجائے۔
