ایڈز کے مریضوں کی شادی
کیا ایڈس کی بیماری میں مبتلا مسلمان شخص کسی مسلمان لڑکی سے شادی کرسکتا ہے ؟
جواب:۔ خطرہ پیدا کرنے کی صورت میں جائز نہیں ہے .
اس شوہر و زوجہ کی میراث جن کا نکاح صحیح نہیں تھا
اگر نکاح خوان نے کسی کا نکاح پڑھتے وقت، صیغہ نکاح میں غلطی کی ہو تو کیا ان کے بچے ماں باپ کی میراث حاصل کریں گے؟ اور کیا یہ دونوں شوہر وزوجہ ایک دوسرے کی میراث لیں گے یا بچوں کے انتقال کی صورت میں، بچوں کی میراث میں حصہ دار ہوں گے یا نہیں؟
جواب: بچوں کو ماں باپ کی اور والدین کے بچوں کی میراث ملے گی لیکن میاں بیوی کو ایک دوسرے کی میراث نہیں ملے گی ۔
قرائت کے بعد کذالک اللہ ربی، کہنا
دوسری رکعت میں امام جماعت کے سورہ تو حید ( قل ھو اللہ احد) پڑھنے کے بعد، کیا ماموم کے لئے” کذا لک اللہ ربیّ“ کہنا جائز ہے؟
جواب ۔مطلق ذکر کی نیت سے کو ئی حرج نہیں ہے۔
اداروں کے عہدہ داران کا بیت المال کے سامان میں تصرف کرنا
ایسا دیکھا جاتا ہے کہ بہت سے حکومتی اداروں اور تنظیموں کے عہدہ داران اور مدیران کسی مصلحت کی بناپر حکومت کے اموال میں سے بہت سے اموال کو کچھ خاص کارکنان کے اختیار میں دے دیتے ہیں، اس کام کا شرعاً کیا حکم ہے؟
بیت المال کے سامان کا قانون کے دائرہ سے باہر، ہر طریقے کا استعمال حرام ہے ۔
گواہوں کی عدالت کے ثابت ہونے کا ضروری ہونا
کیا اسلامی قوانین میں اصل قاعدہ یہ ہے کہ عدالت میں آنے والا ہر گواہ، ہ عادل ہے؟ یا شاہد کی عدالت کا ثابت کرنا لازم ہے؟
جواب: شاہد کی عدالت کا ثابت کرنا لازم ہے؛ لیکن اسی کام کے لئے اتناہی کافی ہے کہ اس کے ساتھ نشست وبرخاست رکھنے والا شخص اس سے کوئی غلط کام نہ دیکھے، اس طرح اس کی عدالت ثابت ہو جائے گی۔
رد مظالم کے حساب کتاب کا معیار
اگر انسان ارادہ کرے کہ اپنے والد مرحوم کی طرف رد مظالم کے عنوان سے کچھ پیسا ادا کرے گا تو مظالم کی قیمت موجودہ زمانہ سے حساب ہوگی یا گزشتہ زمانہ سے؟
اگر مظالم مثلی ہوں جیسے گیہوں، جو وغیرہ تو دونوں فریق کے توافق کی صورت میں سامان یا پیسے کو موجودہ زمانہ کے حساب سے ادا کرے گا اور اگر مثلی نہ ہو تو جیسے مختلف قسم کے حیوانات ہوں تو ان کی قیمت کو گزشتہ زمانہ کے حساب سے ادا کرے گا۔
سیادت ماں کی جانب سے
کیا ماں کی جانب سے، فرزند کی طرف سیادت، منتقل ہوسکتی ہے؟
جواب: سیادت کے بعض احکام منجملہ، خمس لینا، منتقل نہیں ہوتے اور اس کی وجہ بھی فقہی کتابوں میں بیان ہوئی ہے۔
مقتول کے بدن کو جلانے کی صورت میں اعضاء کی دیت
ایک شخص کو قتل کے بعد اس طرح جلادیا گیا کہ چند ہڈیوں کے علاوہ وہ پورا بدن راکھ ہوگیا ! اس چیز پر توجہ رکھتے ہوئے کہ اس کا پورا بدن نابود ہوگیا ہے کیا اس کے تمام ظاہری اور اندرونی اعضاء و جوارح کے لئے ارش معیّن ہوگا؟ جواب کے مثبت ہونے کی صورت میں ارش، مردے پر جنایت کی کامل دیت سے کتنا زیادہ ہو گا ؟
جواب: اس صورت میں جبکہ بدن کو ایک جگہ جلایا ہو تو اس کی دیت فقط ایک سو ۱۰۰ دینار ہے ؛ لیکن اگر اس کو چند مرحلوں میں جلایا ہو تو اعضاء کی دیت اضافہ ہوگی اور اگر کسی عضو کی دیت معین نہ ہو تو اس کا ارش دینا ہو گا ۔
مدرسوں میں پٹائی ہونا
اسکول اور مدارس کے اساتذہ کبھی کبھی تربیت اور طلباء میں نظم و ضبط پیدا کرنے کی غرض سے انہیں تنبیہ کرتے ہیں کبھی سمچھاتے ہیں، گھورتے ہیں، ڈراتے ہیں، کبھی نمبر کم دیتے ہیں، ان تمام حربوں کے ناکام ہونے کی صورت میں کبھی مارتے بھی ہیں اگر اس مار سے ان کے ہاتھ یا بدن میں نشان پڑ جائے یا لال ہو جائے تو کیا یہ حرام ہے اور مارنے والا ضامن ہوگا؟ جب کہ مارے بغیر نہ معلم انہیں اچھی طرح سے پڑھا سکتا ہے اور نہ ہی وہ ہڑھ سکتے ہیں بلکہ ایسا بھی ہوتا ہے کہ اگر استاد سختی نہ کرے تو لڑکے من مانی پر اتر آتے ہیں اور ان کی من مانی سے پورے مدرسہ کا ماحول بھی خراب ہو سکتا ہے؟
جیسا کہ پہلے بھی بیان کیا جا چکا ہے کہ جہاں تک ممکن ہو مارنے سے پرہیز کیا جائے اور ضرورت کے وقت اس کے ولی کی خاص یا عام اجازت سے ایسا کیا جائے۔ البتہ ایسا کام نہ کریں جس سے دیت واجب ہو جائے اور چونکہ مارنے کے منفی اثرات زیادہ ہیں لہذا اس سے پرہیز کیا جائے۔
حد زنا میں جلاوطنی کے احکام
ایک شادی شدہ شخص دخول سے پہلے زنا کا مرتکب ہوا اور حدّ جَلد (کوڑے) ، سر کے مونڈنے اور ایک سال کی شہر بدری پر محکوم ہوا، شہر بدری کا لفظ ذہن انسانی میں متعدد سوالات پیدا کرتا ہے، ان میں کچھ کے جوابات عنایت فرمائیں:۱۔ چنانچہ شہر بدری مجرم کے زیادہ منحرف ہوجانے اور بگڑجانے کا سبب ہو، کیا پھر بھی اس کو شہر بدر ہی کیا جائے گا؟۲۔ محکوم علیہ (جس کو سزا سنائی گئی ہے) کس جگہ سے شہر بدر ہوگا؟ جائے سکونت، جائے ارتکاب جرم، یا جائے اجرائے حکم سے؟۳۔ شہر بدری کی جگہ سے شہر بدر ہونے کے مقام تک کتنا فاصلہ ہونا چاہیے؟۴۔ اگر اذن کے بغیر شہر بدری کے مقام کو ترک کردے اس کے خلاف کیا ردّعمل ہوگا؟۵۔ اگر دوبارہ شہر بدری کے مقام پر بھی ایسے ہی عمل کا مرتکب ہوجائے ، کیا وہاں سے شہر بدر کیا جائے گا؟
جواب 1: ایسے فرض میں شہر بدری جائزنہیں ہے۔جواب 2: احتیاط واجب یہ ہے کہ ایسی جگہ شہر بدر کیا جائے جہاں پر نہ اس کا وطن ہو اور نہ اس کے کوڑے کھانے کی جگہ ہو۔جواب 3: اتنا فاصلہ ہونا ضروری ہے کہ معمولاً شہر بدری صادق آجائے اور آسانی سے اپنے وطن واپس نہ آسکے۔جواب 4: اس کو دوبارہ اسی مقام پر پہنچادیا جائے گا اور حاکم شرع اس کو تعذیر بھی کرسکتا ہے۔جواب 5: چنانچہ وہاں اس پر حد جاری ہو، تو وہاں سے بھی نکالا جائے گا۔
اس کا جواب بھی وہی ہے جو اس سے پہلے والے مسئلہ کا تھا۔
طباطت کے رشد و ارتقاء اور اس کی وسعت و ہمہ گیری کے پیش نظر بلا شبہ تمام امراض اور ان سے متعلق تمام موثر دواوں اور ان سے لاحق ہونے والے عارضوں کی جان کاری کو ذہن میں رکھنا ممکن نہیں ہے لہذا اگر کوئی ڈاکٹر فراموشی کی صورت میں اپنی یادداشت اور احتمال سے ایمرجنسی میں فوری طور پر مریض کی جان بچانے کی خاطر کوئی دوا تجویز کرے اور اس میں غلطی کر بیٹھے تو کیا بیمار کے جان سے ہاتھ دھونے یا پیسے خرچ ہونے کا ذمہ دار ہے؟ (جبکہ کسی دوسرے ماہر ڈاکٹر کے پاس بھیجنا بھی ممکن نہیں تھا۔
اگر علاج انہیں دواوں پر منحصر تھا تو انہیں تجویز کرنے میں کوئی حرج نہیں ہے ۔ البتہ مریض کو ساری باتیں بتا دینی چاہیے اور اس کی رضایت حاصل کر لینی چاہیے ۔
چیک اور اسٹام پےپر کے ساتھ ، رہن دینا
تجارتی کاغذات(چیک وغیرہ) کے ضروری مسائل میں سے ایک مسئلہ یہ ہے کہ ان کے دوسری طرف نام پتہ تحریر کرنا ہوتا ہے اور اسی تحریر کی بنا پر وہ کاغذات تاجروں میں ایک دوسرے کی طرف رد و بدل ہوتے ہیں لیکن اس حیثیت سے کہ ان کاغذات کی اہمیت تاجروں کے نزدیک ،تجارت کی حیثیت رکھتی ہے یہاں تک کہ نقد معاملہ کے موقعہ پر رد و بدل کئے جاتے ہیں کیا ان کاغذات (چیک وغیرہ) کو مستقل طور پر (نہ یہ کہ انہیں قرار داد کی حیثیت سے بینک میں وثیقہ کے طور پر رکھ دیا جائے)رہن کے مال کے عنوان سے (وثیقہ کے پاس مال گروی رکھنا) وثیقہ اور گروی رکھا جا سکتا ہے یا نہیں؟
اگر چیک یا یة ایک معتبر شخص کی جانب سے ہو تو اس کو وثیقہ کے عنوان سے قبول کیا جا سکتا ہے۔
قتل عمد میں ماں اور جنین دونوں کے قتل کا قصاص
اگر کوئی شخص ماں اور جنین کے قتل کے قصد سے گولی چلائے اور دونوں ہی قتل ہوجائیں ، کیا جنین کا باپ گولی چلانے والے کی جان کے قصاص کی درخواست کرسکتا ہے، یا یہ کہ جنین کے قتل عمد کے لئے دیت ہے؟
جواب: جنین کے قتل عمد کے لئے قصاص نہیں ہے، بلکہ فقط دیت ہے ؛ لیکن و ارثین جنین کی دیت لینے کے بعد ایک کامل دیت کی آدھی کو ماں کے قتل کے سبب قتل کرنے والے کے وارثین کو ادا کرکے اس کو قصاص کرسکتے ہیں ۔
