اس شخص کی استطاعت جسے ذاتی مکان کی ضرورت ہے
جوشخص ذاتی گھر کا محتاج ہے کیا مستطیع ہو سکتا ہے ؟
جواب :۔ اگر اس کو گھر کی ضرورت ہے تو اس رقم کو گھر کی خریداری میں خرچ کرسکتا ہے اس صورت میں وہ شخص مستطیع نہیں ہوگا ۔
سرکاری چیزوں کا استعمال پیسہ کی ادائگی کے ساتھ
دفتروں اور اداروں کے فون کو اپنے خرچہ پر استعمال کرنا، اسی طرح سے وہاں کی گاڑیاں دفتر کے وقت کے بعد اپنے ذاتی خرچہ کت ساتھ ذاتی کاموں مثلا مریض کی عیادت، تشییع جنازہ، مجالس میں شرکت وغیرہ کے لیے استعمال کرنے کیا حکم ہے؟
جایز نہیں ہے مگر یہ کہ وہاں کے عہدہ داران اس بات کی اجازت دے دیں۔
قصد رجا اور قربت مطلقہ کا فرق
قصد قربت مطلقہ اور قصد رجاء میں کیا فرق ہے ؟
قربت مطلقہ میں حکم ہے لیکن قصد رجاء میں حکم مشکوک ہے ۔
طبیب کا کسی کو بانجھ کردینا
جب بھی کوئی ڈاکٹر کسی مرد یا عورت کو بانجھ کردے، کیا اس کے اوپر دیت دینا لازم ہوگا؟
دیت نہیں ہے، لیکن اگر پلٹنے کے قابل نہیں ہے تو شرعاً جائز نہیں ہے۔
اس مجروح کی دیت کہ جس کا خطا کار فوت ہوگیا ہو
ایک ایکسیڈینٹ کی وجہ سے میرا بایاں پاؤں اور دایاں ہاتھ ٹوٹ گیا ہے، ایک سال سے گھر میں بیٹھا ہوں، کیونکہ پاؤں میں گھٹنے کے حصے میں پلاٹینم کی راڈ ڈالنے کی وجہ سے پاؤں مڑتا نہیں ہے اور ہاتھ میں بھی پلاٹینم کی راڈ پڑنے کی وجہ سے میری انگلیاں حرکت نہیں کرتیں، طبیب حضرات کہتے ہیں کہ دو سال تک پلاٹینم کی راڈیں میرے بدن میں رہنا چاہیے ، جس شخص نے میرا ایکسیڈینٹ کیا ہے وہ فوت ہوچکا ہے ٹریفک پولیس کے ماہرین نے اسی کو خطاوار ٹھہرایا تھا، لہٰذا حضور فرمائیں:۱۔ کیا فوت ہوجانے والا شخص ضامن ہے؟۲۔ اگر مرنے والے کے پاس کوئی جائداد یا میراث ہوتو کیا وارثین اس کو دیت کے عنوان سے ادا کرسکتے ہیں؟۳۔ کیا وارثین بھی ضامن ہیں؟۴۔ میرے نقصانات کی کیا مقدار ہے؟۵۔ دیت کے علاوہ اب تک جو پیسہ میں خرچ کرچکا ہوں کیا اس کو بھی لے سکتا ہوں؟
ایک سے لے کر ۵/ تک : اگر ٹریفک پولیس کے متدین اور قابل وثوق ماہرین کی تشخیص کے مطابق مرنے والا ہی خطاوار تھا تو پاؤں کے ٹوٹنے کی دیت اس کے ترکہ سے ادا کریں اور اگر علاج کا ضروری خرچ دیت سے زیادہ ہو تو وہ بھی ادا کریں اور اگر مرنے والے کے پاس کوئی مال نہیں تھا تو آپ کی نسبت اس کے وارثین پر کوئی ذمہ داری عائد نہیں ہوتی، مفلوج ہونے کی دیت اُس عضو کا ۳/۱ ہوتا ہے لہٰذا اگر ۸۰/ فیصدفلج ہوا ہے ، اسی نسبت سے حساب لگایا جائے گا اور اگر قلج برطرف ہوجائے تو اس کی کوئی دیت نہیں ہے ، بلکہ ارش ہے کہ جو متدین اور آگاہ ماہرین کے ذریعہ معین ہوگا۔
پسلیوں کے ٹوٹنے کی دیت
پسلیوں کے ٹوٹ جانے کی دیت، صحیح یا ناقص جڑجانے میں کتنی ہے؟ پسلیوں کے کامل طور پر ٹوٹ جانے کی صورت میں اُن کی دیت کی کیا مقدار ہوگی؟
وہ پسلیاں جو دل کے اطراف میں ہوتی ہیں ان میں سے ہر ایک کی دیت ۲۵/ دینار ہے، ان کے علاوہ ہر ایک کی دیت ۱۰/ دینار ہے۔
قرض کے مصرف کی تبدیلی کی صورت میں مالی سوسائٹیوں کا وظیفہ
ایک کو پریٹیو (coprative)بینک نے اپنے اہداف اور مقاصد پر عمل کرتے ہوئے کہ جس کا مقصد مستمندان کی مدد اور اقتصادی اور تعمیراتی کام میں شریک ہونا ہے ، گھر کی خریداری یا اس کی مرمّت اور معاملات کی خاطر قسطی قرض کو بیچنے کے لئے قرض جُعالہ کا اقدام کیا ہے۔ اب اگر جس کام کے لئے قرض لیا ہے اس کام میں خرچ نہ کیا جائے (وہ کسی بھی وجہ سے ہو ) تو اس بینک کا کیا کوظیفہ ہے؟ کیا پہلے معاہدے کو توڑ کر جدید موضوع کی بنیاد پر جدید معاہدہ کرے ، یا وقت کے گذر جانے کی وجہ اس بینک پر کوئی ذمِّہ داری عائد نہیں ہوتی اور پہلے معاہدے کے ذریعہ منافع کی در آمد بلا اشکال ہے ؟
جواب: پہلے معاہدہ کو فسخ کریں اور جدید معاہدہ منعقد کریں۔ ورنہ جو فائدہ لیں گے وہ ربا (سود) ہے۔
قتل کے خوف سے ناجائز بچے کا ساقط کرانا
ایک لڑکی زنا سے حاملہ ہوئی ہے ۔ گھر والوں کے مطلع ہوجانے کی صورت میں لڑکی کے قتل کا خطرہ ہے ۔ کیا وہ سقط جنین کرسکتی ہے ؟ اس کی دیت کیا ہے ؟
جواب: جبکہ واقعاً اس کی جان کو خطرہ ہو اور بچہ بھی چار مہینے سے کم کا ہو تو سقط جنین جائز ہے اور اس کی دیت بیت المال کو ادا کرے گی ۔
اسلامی نظام کی مصلحت کا خاطر خبرنگار کا جھوٹ بولنا
امام خمینی رحمة الله علیہ فرماتے تھے: ”کبھی کبھی نظام کی حفاظت کے لئے بعض واجبات کو بھی ترک کیا جاسکتا ہے“ کیا یہ موضوع خبر کے سلسلے میں بھی صادق ہے؟ کیا خبر نگار بھی نظام کی حفاظت میں جھوٹ کا سہارا لے سکتا ہے؟
اگر واقعاً کوئی مسئلہ اہم اور مہم کی صورت اختیار کرلے اور جھوٹ لوگوں کے درمیان صلح کرانے کے مانند ہو تو کوئی اشکال نہیں ہے، لیکن چونکہ ممکن ہے کہ یہ حکم سوء استفادہ کا ذریعہ بن جائے اور خبرنگار کسی نہ کسی بہانے سے جھوٹی خبروں کو منتشر کریں، لہٰذا حتی الامکان اس کام سے پرہیز کیا جائے ۔
متجزی مجتہد کی تقلید
کیا مرجع کو مجتہد مطلق ہونا چاہئے یا متجزی بھی ہو سکتا ہے ؟
جواب : متجزی کی تقلید میں اشکال ہے ۔
ایسے زخم لگانا کہ جس کی وجہ سے سر اور چہرہ کے بال نہ اُگ پائیں
چونکہ سروصورت اور ابرو کے بال زائل کرنے کی دیت معین ہے ، چنانچہ ایسا زخم مثلاً متلاحد یا موضحہ ، سر یا صورت یا ابرو کے بال کے زائل ہونے کے نےسبب ہوجائے اس طرح کہ دوبارہ بال نہ اگیں، اس کے علاوہ یہ بھی کہ خوبصورتی میں بھی نقص ایجاد ہوا ہے ، کیا جراحت کی دیت کے علاوہ اور خوبصورتی کا ارش بھی لیا جائے گا؟
جواب: فقط جراحت کی دیت اور بالوں کی دیت(البتہ بالوں کی مقدار کی بہ نسبت) ادا کرنا ہوگی۔
مرتد شوہر سے بیوی کا جدا ہو جانا
اگر شوہر مرتد ہوجائے اور فقط یہ ہی نہیں کہ دین پر کوئی عقیدہ نہ رکھتا ہو بلکہ دین کے خلاف باتیں بھی کرتا ہو، اس صورت میں زوجہ کا اس کے ساتھ زندگی بسر کرنے کا کیا حکم ہے، یہ بات بھی بیان کردینا ضروری ہے کہ امر بالمعروف اور نہی عن المنکر کا بھی اس پر کوئی اثر نہیں ہوتا؟
زوجہ کو اس سے جدا ہوجانا چاہیے، اس پر شوہر حرام ہے اور طلاق کی بھی ضرورت نہیں ہے ۔
غیبت کے گناہ کے خوف سے صلہ رحم کا ترک کرنا
اگر نزدیکی رشتہ دار کے پاس بیٹھنے سے اس بات کا خوف ہو کہ وہ خود بھی غیبت میں مبتلا ہوجائے گا یا دوسروں کو غیبت کرتے سنے گا، اور وہ جگہیں بھی ایسی ہوں جہاں نہی عن المنکر کا مذاق اڑایا جاتا ہو، کیا ایسی صورت میں انسان ان سے قطع رحم کرسکتا ہے؟
جب بھی نہی عن المنکر کی تاٴثیر کی کوئی امید نہ ہو اور آپ کو خود اس گناہ میں پڑنے کا خوف ہو تو آپ رفت وآمد بند کرسکتے ہیں، لیکن کوشش کریں کہ صلہٴ رحم کو خوش کلامی سے امر بالمعروف ونہی عن المنکر کرتے ہوئے ترک نہ کریں ۔
حج پر جاتے وقت، استطاعت نہ ہونا
مثال کے طور پر کوئی شخص پانچ سال پہلے مستطیع ہو گیا تھا اور حج کے لئے ( محکمہ حج میں ) نام بھی لکھوادیا تھا ، لیکن اب فقیر ہو گیا ہے ، کیا ایسے شخص پر حج واجب ہے ؟ اور اگر وہ شخص سید ہو تو کیا اس کو خمس دیا جاسکتا ہے تاکہ مکہ مکرمہ حج کرنے کے لئے چلا جائے ؟
جواب:۔ اگرنوبت آنے کے موقعہ پر اس میں بعض شرائط نہیں پائے جاتے تو اس پر حج واجب نہیں ہے ۔
