تحریری نذر
کیا تحریر کے ذریعہ نذر منعقد ہو جاتی ہے ؟
جواب: اشکال سے خالی نہیں ہے ۔
شادی کرنے پر قادر نہ ہونے کی وجہ سے خود کو عقیم کرلینا
اگر کوئی مرد کسی طور پر بھی، شادی کرنے پر قادر نہ ہو، یعنی اس نے اپنی زندگی میں ہمیشہ شکست و ہزیمت اٹھائی ہے یہاں تک کہ کمترین قسم کی شادی کرنے پر بھی قادرنہیں ہے، اور شادی نکرنے سے، اس کے جسم میں اختلاج ہو جاتا ہو، کیا ایسا شخص، دوا کھا کر یا آپریشن کے ذریعہ اپنی مردانہ طاقت کو ختم کرسکتا ہے ؟
جواب:۔ جائز نہیں ہے اس کو صبر کرنا لازم ہے، جب تک خداوند عالم اس کیلئے کوئی گشائش و راستہ فراہم کرے .
حفظان صحت کے اصول کی وجہ سے ملزم کے بالوں کا زبردستی مونڈنا
چنانچہ عدالت کا قاضی تشخیص دے کہ قید خانہ کے حفظان صحت کے قوانین کی خاطر ، جلدی امراض کی روک تھام اور وقوع جرم کا سد باب کرنے کے لئے، مجرم کے سدھارنے کا بہترین طریقہ اس کے بال کم کراناہے، کیا یہ کام جائز ہے؟
جواب : اگر واقعاً راستہ اسی میں منحصر ہو تو جائز ہے۔
وصیت پر عمل کرنے کے بعد ثلث (۳/۱ )سے زیادہ مال کا حکم
ایک شخص نے وصیت کی کہ اس کے باغ کی آمدنی سے بالغ ہونے کے بعد (سے مرنے تک) ہر سال کے لئے نماز وروزہ کی خریداری کی جائے، ابھی تک جتنے سال گذرے ہیں اس پر عمل ہورہا ہے(۱) کیا تکرار عبادت لازم ہے یا اتنی مقدار پر اکتفا کی جائے؟
جواب: اتنی ہی مقدار پر قناعت کی جائے گی اور بقیہ مال وارثین سے متعلق ہے؛ مگر یہ کہ وصیت کی ہو کہ بقیہ مال کو کار خیر میں صرف کیا جائے۔۱۔ مثلاًتکلیف کے بعد وہ دس سال زندہ رہا، دس سال تک اس کی وصیت کے مطابق ہر سال نماز وروزہ کی خریداری ہوتی رہی یعنی اجارہ پر نماز وروزہ انجام دلائے گئے(مترجم)
چوری میں مدد کرنے والوں پر حد جاری کرنا
چوری میں مشارکت کے متعلق فرمائیے:الف) کیا چوری میں شریک ہونا، شریک کا چوری کرنے پر مشروط ہے؟ب) الف کا جواب مثبت ہونے کی صورت میں، کیا سرقت کا اجرائی عمل، فقط ما ل کو حرز سے باہر لانے کوہی شامل ہے؟ یا چوری کے متحقَّق ہونے میں ہر طرح کی مدد موٴثر ہے (جیسے حرز کا توڑنا، یا تجوری کا کھولنا وغیرہ) ج) کیا سرقت میں مشارکت فقط اس صورت میں محقَّق ہوگی جب ہر شخص ایک ہی چیز کو چرائے یا ہر شخص ایک جدا جدا چیز کو چرانے پر بھی سرقت میں مشارکت شمار ہوگی ؟ مثلاً اگر دو شخص ایک ساتھ ایک ہی گھر میں داخل ہوں ، ایک جواہرات اور دوسرا قیمتی آرٹ کو چرائے، کیا سرقت میں مشارکت متحقق ہوجائے گی؟
جواب: جی ہاں، اس کے چوری کرنے پر مشروط ہے۔جواب: اس صورت میں جب سب لوگوںنے چوری میں مدد کی نیت سے چوری کے عمل کو انجام دیا ہو (چاہے بصورت مباشر ہو یا بصورت تسبیب) اور دوسرے شرائط بھی موجود ہوں تو یہ تمام افراد چور شمار ہوں گے۔جواب: جب یہ تمام، ایک سرقت شمار ہوںتو ایک ہی سرقت کا حکم رکھتی ہیں۔
وارثوں کی طرف میراث کے حق کا منتقل ہونا
جن لوگوں کا حق مسلّم طور پر ثابت ہے، حیسے بہن، پھوپی وغیرہ (منقول یا غیر منقول مال میں) لیکن یہ لوگ اپنے حق کا مطالبہ نہیں کرتے ہیں، کیا ان کے انتقال کے بعد ان کے وارث ان کے حق کا مطالبہ کرسکتے ہیں یا نہیں؟
جواب: مطالبہ کرنے کا حق ہے مگر یہ کہ صراحت کے ساتھ انہوں نے اپنا حق بخش دیا ہوتو اس صورت میں مطالبہ نہیں کرسکتے ۔
داماد سے دودھ پلانے (شیر بہا) کی قیمت وصول کرنا
کیا ماں شیربہا(دودھ پلانے کی قیمت) لے سکتی ہے ؟
جواب:۔ماں اس صورت میں شیر بہا لے سکتی ہے کہ جب نکاح میں شرط رکھے اور عقد پڑھتے وقت اس شرط کو بیان کیا جائے .
غیر عرفی (بیجا) نذروں کا انجام دینا۔
میری بیٹی نوجوانی کے لطیف احساسات کی بنیاد پر عرف کے برخلاف نذر انجام دیتی ہے؛ مثلاً وہ نذر کرتی ہے کہ اگر اس کی نماز چاہے عمداً بھی قضا نہ ہو اُسی دن بغیر سحری کے روزہ رکھے گی اور دن میں چند رکعتیں مستحبی نماز پڑھے گی، قرآن کوچند بار بوسہ د ے گی اور قرآن کی کچھ آیتوں کی تلاوت کرے گی، صلوات پڑھتے وقت کاملاً حجاب میں رہے گی، اس کے علاوہ جب وہ شک کرتی ہے کہ فلاں کام کے لئے نذر کی تھی یا نہیں، تو اس خیال سے کہ شاید نذر انجام دینے میں اس سے کوتاہی نہ ہوگئی ہو، مشکوک نذروں کو بھی انجام دیتی ہے، ان نذروں کا نتیجہ اتنا افراطی ہوتا ہے کہ اس کی معمولی زندگی میں خلل کا باعث بن جاتا ہے اور کبھی کبھی تو اتنا مضحکہ خیز ہوتا ہے کہ اردگرد کے افراد اس کا مذاق اڑانے لگتے ہیں جو اس کی اجتماعی زندگی کے لئے خطرناک ہے، بصورت دیگر یعنی یہ کہ اگر وہ ان نذروں کو انجام نہیں دیتی تو اس کی نفسیات پر منفی اثر ہوتا ہے اور اس کو آخرت کا خوف ستانے لگتا ہے، مذکورہ وضاحت کو مدنظر رکھتے ہوئے فرمائیں کہ اس کے لئے کس حد تک نذر کا پورا کرنا ضروری ہے؟
جواب: مذکورہ نذ ر جب تک زندگی میں خلل، عسر وحرج اورتمسخر کا سبب نہ بنیں تو معتبر ہیں اور اس کے علاوہ کوئی نذر معتبر نہیں ہے ، لیکن اس قسم کی نذریں جیسے بغیر سحری کے روزہ رکھنا اشکال رکھتی ہے، اسی طرح مشکوک نذروں کے وفا کرنے پر اس کی کوئی ذمہ داری نہیں ہے، البتہ یہ تمام احکام اس وقت لاگو ہوں گے جب نذر کا صیغہ صحیح طریقہ سے پڑھا گیا ہو اور باپ کی اذیت کا باعث بھی نہ بنے اس کے علاوہ دیگر صورتوں میں نذر کو انجام دینا لازم نہیں ہے۔
نوکری کےلئے صنف مخالف کے ذریعہ معائنہ
ڈکٹری تعلیم کی غرض سے، ملازمت کیلئے (پولس یا فوج وغیرہ میں ....) کیا کسی غیر بیمار شخص کا معائنہ کرنا اور اس کی صحت وسلامتی دیکھنا، جبکہ دونوں (یعنی دیکھنے والا اور جس کا معائنہ کررہا ہے) وہ شخص ایک صنف کے نہ ہوں ، جائز ہے ؟
جواب:۔جو امور معاشرے کیلئے ضروری ہیں ان میں جائز ہے -.
بیٹے اور بیٹیوں کے درمیان میراث کو برابر تقسیم کرنے کی وصیت
دوسال پہلے میری والدہ محترمہ کا انتقال ہوگیا تھا، جبکہ ان کی اولاد میں سے ہم چار بھائی اور تین بہنیں ہیں، مرحومہ کی میراث میں ایک جگہ ہے جس کی قیمت تقریباً ایک کروڑ تومان ہے ، ہم لوگوں کا ارادہ تھا کہ اس کو فروخت کرکے، سب بہن بھائی اپنا اپنا حصہ لے لیں، لیکن ہماری بہنیں مرحومہ والدہ کی اس مضمون کی تحریر پیش کرتی ہیں کہ میراث تقسیم کرتے وقت میرے بچے، بیٹی اور بیٹے کے حصہ میں کوئی فرق نہ رکھیں اور سب برابر طور پر حصہ وصول کریں ، اب جبکہ ہم سب اپنی ماں کی تحریر کے صحیح ہونے یعنی یہ کہ وہ تحریر ہماری والدہ کی ہے، یقین رکھتے ہیں، لیکن ممکن ہے کہ ہمارے بعض بھائی تہہ دل سے اس بات پر راضی نہ ہوں لہٰذا آپ فرمائیں کہ ہمارا شرعی وظیفہ کیا ہے؟
جواب: اس بات پر توجہ رکھتے ہوئے کہ ماں کو اپنے مال کے ایک تہائی حصہ میں تصرف کرنے کا حق حاصل تھا، لہٰذا جو کچھ انھوں نے تمھاری بہنوں کے حصّوں کے بارے میں لکھا ہے، اس میں کوئی اشکال نہیں ہے، اس لئے کہ مذکورہ فرق ایک تہائی حصّہ سے کم ہے، لہٰذا اس بناپر ماں کی وصیت کے مطابق عمل کریں ۔
وعدہ وفا کرنا
کیا زوجہ سے کیےٴ گئے وعدہ کو پورا کرنا واجب ہے ؟
جواب:۔بہتر یہ ہے کہ مسلمان ہمیشہ اپنے وعدہ کو پورا کرے مگر ان موقعوں پر کہ جب وہ قادر نہ ہو .
ولایت کا حق داماد کی جانب منتقل ہوجانا
کیا باپ بیٹی کے اوپر اپنی ولایت (سرپرستی) کے حق کو، کچھ رقم کے بدلے داماد کو دے سکتا ہے ؟
جواب:۔باپ کی ولایت کا حق دوسرے کو دینے کے قابل نہیں ہوتا، نہ رقم کے بدلے اور نہ بغیر رقم کے .
نماز کی حالت میں چوری کی ہوئی چیز کا ساتھ میں رکھنا
اگر نما زکے دوران ، نمازی کی جیب میں ، چوری کی کوئی چیز موجود ہو ، توکیا اس کی نماز باطل ہے ؟
جواب: اس کی نماز میں کوئی اشکال نہیں ہے ۔
اس جگہ پر امام بارگاہ بنانا جس کے موقوفہ ہونے میں شک ہو۔
گاوٴں کے کنارے ، ایک قدیمی مسجد کے دروازے کے قریب کچھ بنجر زمین پڑی ہے جس سے کوئی استفادہ نہیں کیا جاتا تقریبا ً۳۰ سال پہلے ، بچوں کے چند جنازے وہاں پر دفن کر دئے گئے تھے جبکہ اس زمین کے موقوفہ ہونے پرکوئی سند موجود نہیں ہے لہٰذا انجمن” محبان چہادہ معصومین علیہم السلام “ نے بستی والوں کی رضایت سے ، یہ عزم کیا ہے کہ اس زمین کا حصارکر کے وہاں پر امام باڑہ بنائیں اور قدیمی مسجد کی جو تقریباً گرنے والی ہے ، مرمت کرائیں اور اس کو وسعت دیں ، کیا شریعت کی رو سے یہ کام جائز ہے ؟
جواب:۔ اگر اس زمین کے موقوفہ ہونے پر کوئی سند موجود نہیں ہے نیز امام باڑہ بنانا، نبش قبر کا باعث نہ ہو تو کوئی حرج نہیں ہے ۔
