کافر کا بلاد مسلمین میں زمین آباد کرنا
جب بھی کوئی کافر بلاد مسلمین میں کسی زمین کو آباد کرلے، کیا اس زمین کا مالک ہوجاتا ہے؟
جواب: حکومت اسلامی کی موافقت کی صورت میں مالک ہوجائے گا بشرطیکہ مسلمانوں کو ضرر نہ پہنچائے۔
دوا سے علاج کی خاطر حمل کا سقط کرنا
ایک حاملہ عورت جو رحم کے کینسر کی مریضہ ہے، جس کا معالجہ شعاعوں کے ذریعہ ہوتا ہے جو بچے کے ناقص الخلقت (عیب دار) ہونے کا باعث بن سکتا ہے تو کیا ایسی حالت میں اس کے لیے بچہ کو سقط کرانا جائز ہے؟
جواب: اگر بچے کے ناقص الخلقت (معیوب) ہونے کا یقین ہو اور حمل ابتدائی مراحل میں ہو اور اس نے انسانی صورت اختیار نہ کی ہو، مزید علاج اس راہ پر منحصر ہو تو ایسا کرانے میں کوئی حرج نہیں ہے ۔
میراث کے حصّہ پر ہبہ کا اثر نہیں ہوتا
کیا حالت حیات میں، ہبہ کردینا، میراث سے محروم ہونے کا باعث ہوگا؟
جواب: جو مال انسان اپنی زندگی میں اپنے وارثوں کو بخشدیتا ہے، وہ مال ترکہ میں سے ان کے محروم ہونے کا باعث نہیں ہوگا ۔
بچوں اور شیرخواروں کا طواف
اگر طواف یا سعی کے دوران چھوٹے بچے سوجائیں یا طواف کے دوران نوزاد بچہ اپنے کپڑوں میں پیشاب کرلے تو اس کا کیاحکم ہے ؟
جواب :۔ دونوں صورتوں میں صحیح ہے انشاء اللہ ۔
ہمسر کی توہین کرنا
زوجہ کا شوہر کی توہین اور شوہر کا زوجہ کی توہین کرنے کا کیا حکم ہے ؟
جواب:۔کسی کو بھی دوسرے کی توہین کرنے کا حق نہیں ہے یہاں تک شوہر و زوجہ کو بھی نہیں .
زنا ہونے کے یقین کی وجہ سے زنا کار کو قتل کردینا
ایک شخص نے اس یقین کے ساتھ کہ اس کے داماد نے اس کی زوجہ (یعنی اپنی خوشدامن) کے ساتھ زنا کیا ہے، عمداً اس کو قتل کردیا ہے، کیا زنا کا جاننا، قتل کا جواز ہے؟ اور کیا قاتل کا یقین واعتقاد، قتل کی نوعیت میں اثر رکھتا ہے اور مقتول کے مہدور الدم (جن کا خون رائگاں اور قصاص نہ ہو) ہونے کے اعتقاد سے ملحق ، موضوع ہے؟
فقط زنا سے واقف ہونا، قتل کرنے کا جواز نہیں ہوسکتا مگر یہ کہ اس کو اپنی زوجہ سے زنا کرتے ہوئے دیکھ لے کہ اس صورت میں اس کا قتل جائز ہے لیکن جب تک عدالت میں ثابت نہ کرے، عمدی قتل شمار ہوگا اور ان موارد میں کہ جہاں ثابت ہوجائے کہ قاتل، مقتول کے مہدور الدم ہونے کا یقین رکھتا تھا اور اسی یقین سے اُسے قتل کردیا ہے، تب یہ قتل، قتل شبہ عمد شمار ہوگا ۔
جواب۔ جب بھی کھیلونوں کی شکل میں ہو تو کوئی ممانعت نہیں ہے لیکن بہتر ہے ہے کہ انکو زینت کے لئے استعمال نہ کیا جائے
یہ ملحوظ رکھتے ہوئے کہ جاندار کا مجسمہ بنانا مجتہدین کرام کے اجماع کے مطابق حرام ہے پھر کیوں ہمارے اسلامی ملک میں مجسمہ بناتے ہیں اور شہروں کے چوراہوں پر لگاتے ہیں نیز پارکوں کو ان سے مزین کرتے ہیں مجسمہ بناے میں بیت المال خرچ کرتے ہیں آیا حرام ہونے کا حکم اپنی حالت پر باقی ہے یا اس پر ثانوی حکم لگایا جاتا ہے ؟
جواب۔ مجسمہ بنانے میں اشکال ہے اور مناسب ہے کہ اس طرح کے مجسمہ کو محفوظ رکھنے سے پرہیز کیا جائے
ایسے بینک میں کام کرنا جس کے معاملات فرضی ہوں
میں جنابعالی کا مقلِّد ہوں اور ایک بینک میں کام کرتا ہوں ، افسوس کہ سن ۱۳۷۳ ھ ش کے بعد بینکوں کے سود لینے اور کھاتے میں باقی ماندہ رقم کی بنیاد پر سہولیتیں فراہم کرنے سیایت سبب ہوئی کہ عقود اسلامی پر نظارت نہ ہو ۔ لہذا بہت سے معاملات عمداً یا سہواً با اطلاع یا بغیر اطلاع خانہ پُری کے عنوان سے انجام پاتےہیں ، اور اس کا وضعی اثر ہماری زندگی میں نمایاں ہے ۔ اب اس وقت کہ جب میں جنابعالی کو خط لکھ رہا ہوں مجھے یقین ہے بینکوں کی آمدنی حلال اور حرام سے مخلوط ہے اور ہماری تنخواہ بھی انھیں سہولتوں سے دی جاتی ہے ۔ اس چیز کو مد نظر رکھتے ہوئے کہ میرے نزدیک کوئی بھی چیز رضائے پروردگار سے مہم نہیں ہے ، یہاں تک کہ میں اس تخواہ لینے سے بھی کراہت رکھتا ہوں اور ملازمت کو باقی رکھنے پر آمادہ نہیں ہوں ، لہٰذا میرے دوسوالوں کے جواب عنایت فرمائیں۔۱۔ کیا یہ صحیح ہے کہ میں ان حالات میں اپنی ملازمت کو باقی رکھوں ؟۲۔ ان سوسائٹیوں میں کام کرنے کا کیا حکم ہے جو بینکوں کی نظارت میں ہیں اور ان کا خرچ کسی دوسری جگہ مہیّا ہوتا ہے ؟
جواب: بینک کے اس شعبے میں کام کرنا کہ جو عقود کی خانہ پری کے عنوان سے سود لیتے ہیں ، جائز نہیں ہے ؛ لیکن دوسرے شعبوں میں کام کرنے میں اشکال نہیں ہے اور آپ کی تنخواہ اگر حلال کام کے عوض میں ہے اور آپ کو اس کے عیناً حرام ہونے بھی یقین نہ ہے تو کوئی اشکال نہیں ہے ۔
ایسا مانع حمل جو حرام لمس و نظر کا سبب ہو
ایک خاتون حمل روکنے کے لیے مشین لگانا چاہتی ہے جس کے لگانے کے لیے لیڈی ڈاکٹر کو اس کی شرم گاہ کی طرف دیکھنا اور ہاتھ لگانا پڑے گا ۔ اس بات کے پیش نظر کہ یہ دونوں کام جائز نہیں ہیں اور حمل روکنا بھی معالجہ میں حساب نہیں ہوتا، کیا یہ کام جائز ہے؟
جواب: اگر یہ عمل فردی یا سماجی ضرورت کا حصہ نہ تو ایسا کرنا جائز نہیں ہے ۔ البتہ ضرورت کے وقت (ماہر اور مورد اعتماد ڈاکٹر کی تجویز کے ساتھ) جائز ہے ۔
مریض کے مفلوج ہو جانے کے احتمال کے باوجود آپریشن کرنا
ایسا مریض، جو شدید روانی اور عصبی بیماریوں کا شکار ہو، اور ڈاکٹر کے پاس معاینہ کے لیے جاتا ہے تو ڈاکٹر بھی اس کے علاج کو آپریشن پر منحصر قرار دیتا ہے ۔ اور آپریشن میں اس بات کا بھی احتمال ہو کہ وہ ہمیشہ کے لیے ذہنی توازن کھو دے اور مفلوج ہو جائے تو کیا ایسے حالات میں ڈاکٹر آپریشن کر سکتا ہے؟
جواب: اگر اس کی روانی بیماری اور آپریشن کے بعد اس کے صحیح ہو جانے کا احتمال اس حد تک ہو کہ عقلاء آپریشن کو منطقی و معقول قرار دیں تو آپریشن کرنے میں شرعا کوئی حرج نہیں ہے ۔ ہاں اس کے ضمن میں مریض (اگر وہ ان حالات کو سمجھ سکتا ہو) یا اس کے ولی (اگر مریض حالات کو درک نہ کر سکتا ہو) سے اجازت لینا ضروری ہے ۔
حرام گوشت دریائی جانوروں کی خرید وفروخت
وہ دریائی جانور جن کا کھانا حرام ہے ، اگر چہ پانی سے زندہ ہی کیوں نہ پکڑے گئے ہوں ، کیا ان پر مردہ جانور کا حکم جاری ہوگا کیونکہ ان کی خرید و فروخت حرام ہے ؟ (چونکہ ان کا دوسرا استعمال بھی ہے جیسے جانوروں اور پرندوں کی خوراک اور کبھی کبھی صنعتی لحاظ سے بھی استفادہ کیا جاتاہے)۔
جواب: دیگر منافع کے لئے ان کی خرید و فروخت میں کوئی اشکال نہیں ہے ۔
اس زمین کا حکم جسمیں مردے دفن ہوں۔
زمین کے ایک ٹکڑے میں کسی کی طرف سے کوئی اعتراض کیے بغیر مدت دراز سے ، مومنین کی میتیں دفن ہورہی ہیں ، کیا یہ کام، قبرستان کے وقف کا حکم رکھتا ہے؟
جواب: جب تک اس زمین کا مالک صریحاً وقف کے عنوان سے دفن کرنے کی اجازت نہ دے، وقف کا حکم نہیں رکھتی۔
سفر میں نافلہ نمازیں
حالت سفر میں جن نافلہ نمازوں سے منع کیا گیا ہے وہ اس لئے ہے کہ انجام دینے میں ثواب کم ہے یا انجام دینا بد عت ہے ، اگر بدعت ہے تو کس قسم کی بدعت ہے ؟
جواب: ان نافلہ ( نمازوں ) کا ادا کرنا ، مشروع نہیں ہے ۔
جنگی زخمیوں کے متعلق نرسوں کا محرم ہونا
بندہ ناچیز، انقلاب اسلامی ایران کا ایک جنگی زخمی ہوں میری گردن سے نیچے کا حصّہ مفلوج ہے اور کسی صورت سے بھی اپنے کام انجام دینے پر قادر نہیں ہوں اور چونکہ ایک خاتون، محض خوشنودی خدا کیلئے، جنسی مسائل کے علاوہ میرے تمام کام انجام دیتی ہے، تو کیا ہمارے محرم ہونے کا کوئی راستہ ہے ؟
جواب:۔ اگر اس کا عقد متعہ (اگر چہ بہت ہی کم مدّت کیلئے ہو) آپکے والد سے پڑھ دیا جائے تو ہمیشہ کیلئے وہ آپ کیلئے مِحرم ہوجائے گی البتہ اس کا مِحرم ہونا، ماں اور بہن کی طرح محرم ہونا ہے، بیوی کی طرح نہیں .
