میراث کے حصّہ پر ہبہ کا اثر نہیں ہوتا
کیا حالت حیات میں، ہبہ کردینا، میراث سے محروم ہونے کا باعث ہوگا؟
جواب: جو مال انسان اپنی زندگی میں اپنے وارثوں کو بخشدیتا ہے، وہ مال ترکہ میں سے ان کے محروم ہونے کا باعث نہیں ہوگا ۔
وقف کے کار کن اشخاص کیلئے وقف کی آمدنی کا استعمال
وقف جیسی سنّت حسنہ کو مزید رائج کرنے کے لئے، ضروری ہے کہ کچھ رقم ادارہ اوقاف کے عہدہ داروں اور کارکنوں پر خرچ کی جائے کہ طبیعی طور پر جس کا تذکرہ کسی وقف نامہ میں نہیں ہوا ہے، کیا موقوفہ چیزوں کی خصوصاً وہ وقف جن کا تصرف کرنے پر متولی، ادارہ اوقاف ہے، آمدنی کے طریقہٴ استعمال میں تھوڑی سی تبدیلی کرکے کچھ رقم کو مذکورہ اخراجات کے لئے استعمال کیا جاسکتا ہے؟
جواب: یہ بات پیش نظر رکھتے ہوئے کہ اس طرح کے کام اگر دقّت اور احتیاط سے کئے جائیں تو اچھے کاموں میں شمار کئے جاتے ہیں، لہٰذا ان اوقاف سے کہ جن کا مصرف، عام ہے، استفادہ کیا جاسکتا ہے مگراس شرط کے ساتھ کہ ادارہ اوقاف کے ذمہ دار حضرات، اپنے وظیفہ پر دقت کے ساتھ عمل کریں۔
دھوپ سے جوش کھایا ہوا انگور کا شیرہ
ہمارے گاوٴں میں انگور کا عرق اس طرح نکالتے ہیں ۔انگور کو توڑنے کے بعد ایک مخصوص حوض میں دھوتے ہیں پھر انگور کو کچل کر اس کا عرق نکال لیتے ہیں اس کے بعداس عرق میںایک خاص مٹی کو ملاکر رکھ دیتے ہیں جب مٹی بیٹھ جاتی ہے تو اس وقت عرق کو مخصوص برتن میں نکال کر آگ پر کھولاتے ہیںتاکہ ایک تہائی یا چوتھائی بھاپ بن کر اڑجائے پھر عرق کو کسی چھوٹے برتن یا لوٹے میں ڈال کر دھوپ میں رکھ دیتے ہیں، تاکہ اس میں سے دو تہائی یا زیادہ بھاپ بن کر اڑ جائے ۔اور وہ سخت ہوجائے ان باتوں کو پیش نظر رکھتے ہوئے یہ فرمائیں -:(۱) کیا اس طرح کے عرق کا پینا حلال ہے ؟ اور اگر حرام ہے تو کیا نجس بھی ہے ؟ جو لوگ اس طرح سے عرق بنا کرایک طویل مدت سے کھارہے ہیں یا بیچ رہے ہیں ان کے سلسلہ میں کیا حکم ہے؟(۲)اگر انگور کے عرق کو آگ پراتنا کھولائیں کہ دو تہائی کم ہوجائے پھر اس کو سخت کرنے کیلئے دھوپ میںرکھ دیں تو اس عرق کا کیا حکم ہے ؟ (۳) آیا ” انگور کا عرق “ استحالہ (یعنی تبدیل) ہوکر ” شیرہ انگور “ ہوجائے تو حلال ہے ؟
اس طرح کا عرق نجس نہیں ہے لیکن کھانے اور اسکے بیچنے میں اشکال ہے ۔اور اس کو آگ کے ذریعہ دو تہائی کرنا ضروری ہے ۔ یہ چیز استحالہ کے حکم میں نہیں ہے ۔
مسجد میں نیا دروازہ کھولنا
اگر دو مسجدیں ایک دوسرے کی برابر میں بنائی گئی ہوں ایک گرمیوں کی ہو اور دوسری سردی کے موسم کے لئے، سردی کے موسم کی مسجد چھوٹی ہو نے کی وجہ سے ضروری موقعوں مثال کے طور پر محرم کے مواقع پر لوگوں کی ضروررت کو پورا نہیں کر پاتی کیا اس صورت میں درمیانی دیوار پیچھے ہٹاکر گرمی کے موسم کی مسجد کو سردی کے موسم کی مسجد میں ملایا جاسکتا ہے ؟
جواب: ایسا کرنے میں اشکال ہے ،لیکن ایک مسجد سے دوسری مسجد میں دروازہ کھول سکتے ہیں ۔
پڑوسی کے درخت کی جڑ سے اگنے والی شاخ
ایک آدمی اپنی زمین میں ایک درخت لگاتا ہے اور اس کی جڑیں دوسرے کی زمین میں پہنچ جاتی ہیں اور اس میں سے ایک شاخ اگ آتی ہے کیا وہ شاخ زمین کے مالک کی ہے یا درخت کے مالک کی ؟
درخت کے مالک کی ہے ، لیکن زمین کا مالک یاتو اس کی اجرت لے سکتا ہے ، اور یا یہ کہ صاحب درخت کو اطلاع دے کہ وہ اس کو کاٹ دے۔
وقت ضرورت چھت والی گاڑی میں سوار ہونا
حج کے زمانے میں قافلہ کا ایک کارکن شخص خواتین کے ساتھ ، راننما کی حیثیت سے ، دن کے وقت چھت والی گاڑی میں مکہ مکرمہ جاتا ہے ، کیا اس پر کفارہ لازم ہے ؟
جواب :۔ ضرورت کے وقت سایہ میں جانا جائز ہے ، لیکن کفارہ ہے اوراس کا کفارہ ہر احرام کے لئے ایک بھیڑ( بکری) ہے یعنی مکمل عمرہ کے احرام کے لئے ایک بھیڑ اور مکمل حج کے احرام کے لئے بھی ایک بھیڑ کافی ہے ۔
طواف میں انسان کا مختون نہ ہونا
طواف میں انسان کا ختنہ شدہ ہونا شرط ہے اس بناپر اگر کسی شخص کا ختنہ تو ہوگیا ہے لیکن ناقص ہوا ہے یعنی مکمل طور پر نہیں بلکہ کچھ مقدار میں حشفہ خارج ہوتا ہے اور نعوض ( ایستادگی ) کی حالت میں کامل طور پر خارج ہو جاتا ہے کیا اس شخص کو ختنہ شدہ لوگوں میں شمار اور اس کا طواف صحیح ہو گا ؟ اگر ختنہ شدہ لوگوں میں شمار نہ ہو اور طواف کے لئے اس پر دوبارہ ختنہ کرانا لازم ہو اور وہ شخص سن ر سیدہ ہونے کیوجہ سے ختنہ کرانے سے شرمائے تب طواف کے متعلق اس کا کیا وظیفہ ہے ؟
جواب:۔ احتیاط واجب یہ ہے کہ ختنہ کرانے کے بعد طواف اور اس کی نماز کو دوبارہ پڑھے اور اسی طرح سعی کا بھی اعادہ کرے اس طرح کے مسائل میں شرم کرنے کی کوئی ضرورت نہیں ہے خفیہ طور پر آگاہ ڈاکٹر کے پاس جاکر ختنہ کراسکتا ہے لیکن اس حالت میں طلاق دینے میں کوئی حرج نہیں ہے ۔
ہمسر کی توہین کرنا
زوجہ کا شوہر کی توہین اور شوہر کا زوجہ کی توہین کرنے کا کیا حکم ہے ؟
جواب:۔کسی کو بھی دوسرے کی توہین کرنے کا حق نہیں ہے یہاں تک شوہر و زوجہ کو بھی نہیں .
ناقص و معیوب حمل کو سقط کرنا
اگر احتمال یا یقین ہو کہ پیدا پونے والابچہ معیوب یا ناقص ہوگا اور سقط کے بعد واجب دیت بھی ادا کر دی جائے تو اس صورت میں عمدا (جان بوجھ کر) سقط کرنے کا حکم ہے؟
جواب: اگر بچہ ابتدائی منزلوں میں ہو اور انسانی شکل میں پوری طرح سے نہ ہوا ہو اور اس کا اس حالت میں باقی رہنا والدین کے لیے شدید عسر و حرج کا باعث ہو تو ان شرائط کے ساتھ اسے سقط کیا جا سکتا ہے، البتہ احتیاط کے طور پر دیت ادا کی جائے گی۔
ٹیلیویژن سے بے پردہ عورتوں کو دیکھنا
ایسی فلموں کو دیکھنا جن میں بے پردہ عورتیں سنگار کرکے رول ادا کرتی ہیں اور بعض فلمیں ٹیلیویژن سے نشر ہوتی ہیں ؟
جواب:۔ اگر خاص مفسدہ (گناہ )کا باعث ہو تو حرام ہے .
شوہر کا مستحب اعمال بجالانے سے منع کردینا
اگر زیارہ مستحب کام انجام دینے کی وجہ سے کوئی خاتون اس قدر تھک کر چور ہو جائے کہ شوہر، ضروری لذّت اس سے حاصل نہ کرسکے، کیا شوہر اسکو ایسے مستحب اعمال کرنے پر عمل کرنے سے منع کر سکتا ہے، اور آیا اِن جگہوں پر شوہر کی اطاعت کرنا واجب ہے ؟
جواب:۔شوہر اس کو روک نہیں سکتا مگر یہ کہ کلی طور پر لذّت حاصل کرنا ، ختم ہوجائے، اس صورت میں چونکہ شوہر کے حق سے ٹکراؤ ہوگیا ہے لہذا زوجہ شوہر کی اجازت کے بغیر (مستحب) عمل نہیں کرسکتی .
بچوں اور شیرخواروں کا طواف
اگر طواف یا سعی کے دوران چھوٹے بچے سوجائیں یا طواف کے دوران نوزاد بچہ اپنے کپڑوں میں پیشاب کرلے تو اس کا کیاحکم ہے ؟
جواب :۔ دونوں صورتوں میں صحیح ہے انشاء اللہ ۔
خمس نہ دینے والے باپ کے مال میں تصرف کرنا
میرے والد دینی مسائل کے زیادہ معتقد نہیں ہیں ، فقط روزہ ونماز بجالاتے ہیں وہ بھی سرسری طور سے، لیکن بقیہ واجبات جیسے خمس وزکات وغیرہ کی پرواہ نہیں کرتے، میں نہیں چاہتا کہ ان کا پیسہ میری زندگی کے مسائل میں داخل ہو، لیکن میری مدد کرنے پر مصر ہیں ، مہربانی فرماکر اس سلسلے میں نیچے دیئے گئے چند سوالوں کے جواب عنایت فرمائیں:۱۔ اب مجھے کیا کرنا چاہیے؟ نیز ان کے یہاں کھانا کھانا کیسا ہے؟۲۔ اب تک انھوں نے جو رقم مجھے دی ہے اس نے مجھے ان کا اور زیادہ محتاج بنا دیا ہے، حضور کی رائے میں یہاں پر میرے لئے کیا کام مناسب ہے؟۳۔ فروع دین پر عمل نہ کرنا اصول دین پر اعتقاد نہ رکھنے کا عملی ثبوت ہے ان (میرے والد) سے میل جول رکھنا مجھے دین، حلال، حرام اور واجبات کی طرف سے لاپرواہ کرتا ہے، میں کس طرح انھیں اس مطلب کو سمجھاوٴں کہ وہ ناراض نہ ہوں اور میری طرف سے حجت بھی تمام ہوجائے، یہ بھی ملحوظ رہے کہ میرے والدبہت زیادہ محبّت کرنے والے شخص ہیں ذراسی بات پر ناراض ہوکر رونے لگتے ہیں؟
آپ ان کے پیسے کو استعمال کرسکتے ہیں بشرطیکہ اس کے خمس کو ادا کریں ۔باپ کا محتاج ہونا کوئی مہم نہیں بات ہے، کوشش کریں کہ اچھے اخلاق اور مودّبانہ طریقے سے اپنے والد کو راہ راست پرلے آئیں ۔کوشش کریں کہ آہستہ آہستہ تواضع، انکساری، بردباری اور خوش زبانی سے ان کے دل میں جگہ بنائیں اور ہرگز مایوس نہ ہوں، دھیان رہے کہ اُن کو خلوت میں تذکر دیں ، نہ کہ سب کے سامنے، اور یہ کام خیراندیشی کی صورت میں ہو نہ کہ تنقید اور دشمنی کی صورت میں ، یہ بھی جان لیں کہ فروع دین پر عمل کرنے میں لاپرواہی کرنا ہمیشہ اصول دین پر عدم ایمان کی دلیل نہیں ہوتا ۔
جن کو بچپنے میں دودھ پلایا ہے اُن کے بچوں کے ساتھ محرم ہونا
اگر کوئی خاتون، اپنے دیور (یا جیٹھ) کی بیٹی کو دودھ پلائے ، کیا اس دودھ پینے والی لڑکی کے علاوہ، دونوں بھائیوں کی دیگر اولادیں، آپس میں شادی کرسکتی ہیں ؟
جواب:۔ وہ لڑکی جس نے اپنی چچی کا دودھ پیا ہے، اپنی چچی کی تمام اولاد کے ساتھ محرم ہوجا ئے گی، لیکن ان دونوں بھائیوں کی دیگر تمام اولادیں آپس میں شادی کرسکتی ہیں .
