حج کے موقع پر اہل سنت امام جماعت کی اقتداء
موسم حج میں لوگ اہل سنت جماعت کی اقتداء کرتے ہیں ، اگر وقت میں وسعت ہو تو کیااعادہ کرنا واجب ہے ؟
جواب : ان کی نماز صحیح ہے اور اعاد ہ لازم نہیں ہے ۔
زانی یا محارب کی شہر بدری کی مدت اور اس کا خرچ
اگر نفی بلد، شہر بدری کے معنی میں ہے تو فرمائیں:الف:کیا تبعید کی مدت کو چند مرحلوں اور قسط وار جاری کیا جا سکتا ہے؟ب: محارب اور بکر زانی (جس نے پہلی مرتبہ زنا کیا ہو) کے لئے نقی بلد کی مدت کتنی ہے؟ج: مجرم کے تنگدستی اور کشادہ دستی کے فرضوں میں، اس کی شہر بدری کی مدت میں اس کے ضروری خرچ کی ذمہ داری کس پر ہے؟جواب: الف: جائز نہیں ہے۔
ب: اس کی حد ایک سال ہے۔ج: اگر کشادہ دست ہو تو خود اس کے ذمہ ہے اور اگر تنگدست ہو تو بےت المال کے ذمہ ہے۔
نوحہ و مرثیہ پڑھنے والوں کو پیسہ دینا
ایسے مرثےہ خوانوں کو پیسا دینا جائز ہےجو اپنی گفتگو اور اشعار کے درمیان مصائب کی کچھ ضعیف یا غیر مستند روایات نقل کر دیتے ہیں ہیں؟یا ترنّم (غنا)کے ساتھ پڑھتے ہیں اور کیا ایسے مطالب کو بیان کرنا عزاداری کو نقصان نہیں دیتا ؟
جواب۔ پیسوں کو ان مشروع (صحیح)کام کے عوض دیں اور غلط کام کی نسبت انکو نہی عن المنکر کریں ۔
باپ یا داد کا اولاد کی چوری کرنا
اگر سارق ، صاحب مال کا باپ یا اس کادادا ہو ، کیا یہ سرقت فقط حد نہیں رکھتی ہے یاکوئی اور مجازات جیسے تعذیر بھی اس پر جاری نہیں ہوگی ؟
جواب:نہ حد رکھتی اور نہ تعذیر ، مگر یہ کہ یہاں پر عناوین ثانویہ آجائیں ۔
بچے کے ذریعہ وجود میں آئے قتل کا حادثہ
جواد نامی بچہ نے آگ جلانے کے تمام وسائل منجملہ کاغذ، ماچس، پیٹرول فراہم کیئے اور پیٹرول کو کاغذ پر ڈال کر جلدی سے تیلی جلانے لگا لیکن ہوا کی وجہ سے تیلی بجھ جاتی تھی، جواد کے ہاتھوں میں کیونکہ پیٹرول کا ڈبہ تھا اس لئے اس نے تیلی جلانے کومصطفی سے کہا، مصطفی نے جیسے ہی تیلی جلائی جواد کے بکھیرے ہوئے پیٹرول نے فورا آگ پکڑ لی اور چونکہ بکھرا ہوا پیٹرول ہوا میں موجود تھا اس میں بھی آگ لگی اور مصطفی کے ہاتھ میں پیٹرول کے ڈبہ تک پہنچ گئی، مصطفی نے آگ کے خوف سے اس پیٹرول کے ڈبے کو ایک تیسرے بچہ بنام سید حسن کی طرف پھینک دیا، پیٹرول اس کے چہرہ پر پڑا اور وہ جلنے کے نتیجے میں فوت ہوگیا، مرحوم بچے کی دیت کے بارے میں حضور کی کیا نظر ہے؟
جواب: اس صورت میں جب وہ سب بالغ ہوں یا سب بالغ نہ ہوں ، وہ بچہ جس نے جلتے ہوئے پیٹرول کا ڈبّہ دوسرے بچے کی طرف پھینکا اور اس کے جلنے کا سبب ہوا، ضامن ہے۔
انکم ٹیکس کا زیاده آنا
میری ایک دو کاان ہے اور میرے علاوہ میرے خاندان کے دیگر افراد بھی اس میں شریک ہیں اور کام کرتے ہیں اور میں الحمداللہ بچپنے سے ہی خمس دینے کا پائند ہوں اور ہر سال وجوہات شرعی ادا کرتا ہوں ۔ انقلاب اسلامی کے بعد ہر رقم میں سے کچھ، کسی نہ کسی بھی بہانے سے نکالتا ہوں ، خمس اور دیگر وجوہات شرعیہ کے لئے تو ایک مقدار معین ہے اور ہر مسلمان پر اس کا نکالنا واجب ہے اب رہا ٹیکس تو اس کی ادائیگی ہر با شندے کا قومی وظیفہ ہے اور اس کو بھی ادا کرنا چاہیے لیکن اس سے زیادہ کا وصول کرنے پر کوئی شرعی دلیل اور شرعی حجت نہیں ہے ۔ کیا ملک کی رونق کے لئے زیادہ کام کرنے کی جزاء جریمہ کا ادا کرنا ہے؟ اگر زیادہ کام نہ کرنا چاہیے اور زیادہ محنت نہ کرنا چاہیے تو کیوں علماء کرام، معصومین علیہم السلام کے اقوال سنا کر ہماری تشویق کرتے ہیں؟
جب ملک کی مشکلات کے حل کے کے لئے ٹیکس لینا ضروری ہو تو عادلانہ صورت میں لینا چاہیے، تاکہ لوگوں کو زیادہ کام زیادہ کوشش کی ترغیب دلائیں کہ جیسا کہ سنا گیا ہے زیادہ ٹیکس کہ جسکا نا مطلوب ہونا ثابت ہے، اس کی اصلاح کے اوپر تحقیق جاری ہے ۔
تعلیمی نماز
کیاواجب نمازوں کو تعلیم دینے کی صورت میں پڑھا جاسکتا ہے ؟
جواب:۔ جب بھی قصد قربت کے ساتھ پڑھی جائے کوئی حرج نہیں ہے ۔
دو نمازوں ( ظہر و عصر) کو ملا کر پڑھنا
شیعہ حضرات نماز ظہر و عصر اور مغرب و عشاء کو ایک ساتھ کیوں پڑھتے ہیں ؟ جب کہ تمام مسلمان ان نمازوں کو علیحدہ علیحدہ پانچ وقتوں میں ادا کرتے ہیں ؟
جواب: تمام نمازوں کو جدا جدا پڑھنا ہمارے عقیدہ کے مطابق بھی مستحب اور سنت ہے ، لیکن جمع کرنا بھی جائزہے ، اہل سنت کی روایات میں بھی نمازوں کے جمع کرنے پر دلیل موجود ہے ، لہٰذا جمع کرنا یعنی ملاکر پڑھنا ، رخصت ہے ، لیکن جدا جدا پڑھنا ، فضیلت ہے ۔
ربیع الاول کی چاند رات کو مسجد کی پشت پر اجتماع
کچھ سالوں سے بہت سی مسجدوں میں ایک چیز کا رواج بڑھتا جارہا ہے، معلوم ہوتا ہے کہ یہ بھی ایک طرح کی خرافات ہے، داستان اس طرح ہے کہ ربیع الاوّل کے مہینے کی پہلی تاریخ کی رات میں، آدھی رات سے اذان صبح تک، کچھ لوگ، (جن میں اکثر خواتین ہوتی ہیں) ہاتھ میں شمع لئے ہوئے مسجد کے پیچھے جمع ہوتی ہیںاور آہستہ آہستہ مسجد کا دروازہ کھٹکھٹاتی اور دعا وٴمناجات اور کچھ اذکار پڑھتے ہوئے اپنی حاجت طلب کرتی ہیں اور تضرع وگریہ وزاری کی یہ حالت اذان صبح کے وقت اپنی پوری ترقی ہوتی ہے جو بھی اس طرح کا عمل انجام دیتی ہے تو جیسا کہ اس جلسہ میں موجود بعض خواتین سے سنا گیا ہے کہ: یہ کام ہم وغم کے دور کرنے، حاجتوں کے برآوردہ ہونے اور حضرت فاطمہ زہرا سلام الله علیہا کے دل کی تسلّی کا باعث ہوتا ہے ۔لہٰذا حضور فرمائیں:۱۔ کیا ایسے عمل کی بنیاد، کوئی روایت ہے؟۲۔ کیا ایسا عمل(کہ جو پھیلتا جارہا ہے) شائستہ اور اچھے عمل ہونے کی حیثیت سے دوسروں کے لئے پیروی کا باعث ہے ۔۳۔ اگر یہ عمل (خدانخواستہ) خرافات اور ایک طرح کی بدعت ہو تو آئمہ جماعت اور متدین مومنین کا کیا وظیفہ ہے؟
اس بات پر توجہ رکھتے ہوئے کہ یہ عمل معصومین کی روایات میں وارد نہیں ہوا ہے تو اس کو شرعی مسحتب کی حیثیت سے انجام دینا جائز نہیں ہے اور بہتر ہے کہ آئمہ جماعت لوگوں کو اُن توسّلات اور راز ونیاز کی طرف دعوت دیں کہ معصومین علیہم السلام کی روایات میں وارد ہوئے ہیں، ورنہ ممکن ہے کہ منحرف افراد مذہب کی توہین کے لئے ہر روز ایک نئی بدعت ایجاد کریں اور اچانک اس کی طرف دعوت دیں ۔
نماز غریق ( ڈوبنے والے شخص کی نماز میت )
جس قدر بھی فقہی کتابوں میں یہاں تک کہ مجتہدین کی توضیح المسائل عروة الوثقیٰ سے لیکر تحریر الوسیلہ تک ، تلاش کیا گیا، علماء حضرات نے نماز غریق کے عنوان سے ، کوئی نماز، بیان نہیں فرمائی ہے اب اگر کوئی دریا،یا نہر میں غرق ہوجائے اور لاش بھی نہ ملے اس صورت میں کیا کیا جائے ، کیا ڈوبنے والے پر نماز میت ہے ، یا نماز ساقط ہے بر فرض اگر نماز ہوتو کیسے ادا کریں ؟
جواب : ایسے شخص پر نماز نہیں ہے ، جب تک کہ اس کی لاش نہ ملے ، لیکن علماء کی تحریروں میں ، نماز غرقیٰ کے نام سے ایک نماز کا تذکرہ ہو اہے اور یہ ان لوگوں کی یومیہ نماز ہے ، جو غرق ہو رہے ہیں ،اور تکبیر اور کچھ اشاروں کے سوا کچھ نہیں کرسکتے ہیں۔
طواف نساء کو عمدا ترک کرنا
ایک میاں بیوی مکہ مکرمہ گئے اور حج کے اعمال بجالائے ، لیکن چونکہ بیوی نے شوہر سے نہیں چاہا کہ طواف نساء بجالائے اور شوہر نے بھی طواف نساء اور اس کی نماز کو ترک کردیا اور اپنے وطن واپس آگئے اب شوہر کے گھر میں محرم ہونے کے لحاظ سے اس عورت کا کیا وظیفہ ہے ؟
جواب :۔ یہ میاں بیوی ایک دوسرے کے لئے اس وقت تک نامحرم رہیں گے جب تک واپس جاکر طواف نساء اور اس کی نماز بجالائیں اور اگر واپس جانا ممکن نہ ہو تو طواف کے لئے نائب بنا نا لازم ہے یعنی جو لوگ مکہ جاتے ہیں ان سے التماس کریں کہ ان کی نیابت میں طواف نساء اور اس کی نماز بجالائیں ۔
مشین کے ذریعہ حمل کو رشد دینا
ڈاکٹروں کے نظریے کے مطابق اگر بچہ ماں کے شکم میں رہے تو اس کی جان کو خطرہ ہو سکتا ہے لیکن اگر اسے باہر نکال کر مشین میں رکھا جائے تو وہ زندہ رہ سکتا ہے تو:الف: اس بارے میں حکم کیا ہے؟ کیا اس کو ماں کے شکم سے باہر نکالا جا سکتا ہے؟ب: کیا اس مسئلہ میں روح پڑنے یا نہ پڑنے کی حالت سے کوئی فرق پڑ سکتا ہے؟
جواب: الف۔ اگر ایسا ہونا قطعی اور یقینی ہو تو نہ صرف یہ کہ ایسا کرنے میں کوئی حرج نہیں ہے بلکہ ایسا کرنا ہی مطابق احتیاط ہے ۔ب: دونوں صورتوں میں کوئی فرق نہیں پایا جاتا ہے ۔
موضوعات میں ضرر کو تشخیص دینا
مناسک حج کے مسئلہ نمبر ۱۳ میں فرمایا ہے : ․․․ اگر واجب کام کی اہمیت یا ترک حرام کی اہمیت زیادہ ہے تو حج کو ترک کرنا ضروری ہے (البتہ اس بات کو معین کرنا مرجع تقلید یافقیہ کی نظر کے مطابق ہے) سوال یہ ہے کہ اگر کوئی شخص موضوعات میں تشخیص دے کہ حج پرجانا اس کے لئے بہت زیادہ نقصان دہ ہے جس کی تلافی ممکن نہیں ہے ، اس طرح کے موضوعات میں کیا اپنے مرجع تقلید سے اجازت لے؟
اپنی تشخیص پر عمل کرسکتا ہے ۔
ناقابل استفادہ قرآن کا جلانا
گل جانے اور ریزہ ریزہ ہو جانے والے قرآن والے کو جلا دینے کا کیا حکم ہے؟ انہیں جلانے کے بعد ان کی خاک کو دفن کرنا جایز ہے؟ ایسا کرنے والے کا کیا وظیفہ ہے؟
جلانا جایز نہیں ہے، اسے کسی دور پاک جگہ پر دفن کیا جا سکتا ہے یا کسی دریا کے حوالہ کر سکتا ہے البتہ وہ دریا کسی نامناسب جگہ پر نہ گرتا ہو، اور اگر کسی نے جلایا ہے تو اسے اس بات کی تاکید کریں کہ وہ آءندہ ایسا نہ کرے اور اپنے اس کام سے توبہ کرے۔
سعی کی شروعات مروہ سے
ایک شخص صفا اور مروہ کی سعی مین ، چند روز کے بعد اور دوسرا احرام باندھنے سے پہلے متوجہ ہوا کہ اس نے سعی کو مروہ سے شروع اور صفا پر ختم کیا ہے ، کیا دوبارہ سعی کرنا لازم ہے ؟
جواب :۔ چنانچہ مسئلہ نہ جانے کی وجہ سے ایسا کیا ہو تو سعی از سرنو بجالائے اور اگر سہواور بھول جانے کی وجہ سے ایسا کیا ہو تو بعید نہیں ہے کہ ایک دور( چکر) صفا سے مروہ تک بجالانا کافی ہو لیکن احتیاط یہ ہے کہ سات دور مافی الذمہ کی نیت سے بجالائے ۔
