”کارٹل“ اور ”ٹراست“ کی بنیاد پر صنعتی اور تجارتی انجمنوں کی تشکیل
گزارش ہے کہ ذیل کے دو سوالوں کا فقہی حکم بیان فرمائیں:۱۔ کارٹل، کمپنیوں کے درمیان ایک آزاد اور اختیاری یونین ہے کہ جو ایک اقتصادی کام میں مشغول ہے اور یہ کمپنیاں تقریباً ایک جیسے ہی سمامان تیار کرتی ہیں، کارٹل یونین بنانے کا اصلی مقصد یہ ہے کہ ان کے علاوہ کوئی دوسری کمپنی وہ مال نہ بنائے ۔۲۔ ٹراست: یہ اقصادی اکائیوں کی ایک ایسی یونین ہے کہ جس کامال کی تیاری اور فروخت میں ایک ہدف ہے اور اس کی کمان بھی ایک ہی ہے، ٹراسٹ کی تشکیل کا مقصد فقط یہ نہیں ہے کہ ان کے علاوہ کوئی دوسرا وہ مال نہ بنائے بلکہ اس کے علاوہ دوسرے اہداف جیسے پیداوار کی علمی روشوں سے فائدہ اٹھانا، پیداوار کے خرچ کا کم کرنا، اس گروہ کے تعاون سے بہرہ مند ہونا جو یونین کو تشکیل دیتی ہے وغیرہ، بھی مدّنظر ہیں، البتہ ”کارٹل“ اور ”ٹراسٹ“ کے درمیان عمدہ فرق بھی موجود ہے اور وہ یہ ہے کہ کارٹل میں شرکاء کی شخصیت کو محفوظ رکھا جاتا ہے اور ٹراسٹ میں شرکاء کی شخصیت اور استقلال کو ختم کیا جاتا ہے، مہربانی فرماکر کارٹل اور ٹراسٹ کے قالب میں اس طرح کی یونیوں کاشرعی حکم بیان فرمائیں؟
اگر دونوں یونینوں میں اختیارات کے حدو حدود روشن ہوں اور شرائط میں کوئی ابہام نہ پایا جاتا ہو اور معاشرے کے لئے قابل توجہ ضرر کا بھی سبب نہ ہو اور اقتصادی ترقی میں مانع نہ ہو تو کوئی حرج نہیں ہے، لیکن ضرر اور نقصان کی صورت میں ان میں سے کوئی بھی یونین بنانا جائز نہیں ہے ۔
بندہٴ ناچیز ذاتی گھر نہ ہونے کی وجہ سے ( رنج و مقشت میں گرفتار ہے اور بینک ( یا کسی شخص ) سے قرض لئے بغیر ، گھر خریدنے کی ، قدرت نہیں ہے لہٰذا بینک (یا کسی شخص)سے قرض، لیکر میں نے ایک گھر خریدا ہے اس صورت حال میں پہلے تو یہ کہ میرا خمسی سال آنے پر میرے پاس ضروریات کے بعد جو باقی کچھ بچے گا کیا اس پر خمس واجب ہے ؟ اور دوسرے یہ کہ بینک یا شخصی ، قسطیں ، جمع کرتے وقت کیا آپ ان قسطوں کی رقم پرخمس کو واجب جانتے ہیں ؟
جواب:۔ قسطوں پر خمس واجب نہیں ہے ، ہاں اگر تمہارے پاس قسطوں کے علاوہ مزید کچھ باقی ہو تو اس پر خمس واجب ہے ۔
مقتول کو واجب القتل ہونے کے اعتقاد کی وجہ سے قتل کرنا
اگر کوئی شخص اس اعتقاد کے ساتھ کہ ایک شخص بعض اعمال کے ارتکاب یا بعض عقائد کے رکھنے کی وجہ سے واجب القتل ہے اس کے قتل کا اقدام کرے حالانکہ شرعا ایسے اعمال یا عقائد مجوّزِ قتل نہیں ہوتے تو حضور فرمائیں واقع شدہ قتل کس نوع کا قتل ہے؟
جواب : سوال کے فرضمیں یہ قتل شبہ عمد شمار ہوگا۔
دوا سے بچے کا ساقط کرانا
چنانچہ متعدد افراد جیسے ڈاکٹر، دوا کا بیچنے والا، خریدنے والا، انجکشن لگانے والااور بچے کے ماں باپ دوا کے ذریعہ جنین کے ساقط کرانے میں شریک ہوں تو دیت کس کی گردن پر ہوگی ؟
جواب: دیت اس کی گردن پر ہوگی جو دوا کھارہا ہے ۔
جس باغ کو مخمس مال سے خریدا گیاہے
اگر اس رقم سے جس کا خمس ادا کردیا گیا ہو، باغ خرید لیا گیا ہو تو کیا اس باغ پر بھی خمس واجب ہے ؟
جواب:۔ باغ پر خمس نہیں ہے لیکن اس کے پھلوں پر خمس ہے اور جب باغ کو فروخت کیا جائے تو خرید کی قیمت سے ، اگر زیادہ قیمت میں فروخت ہو جائے تو اضافی رقم پر خمس واجب ہے ۔
مقروض کا جیل میں بند ہونے کی وجہ سے، اپنا نقصان وصول کرنا
چنانچہ ، مقروض آدمی ،دیوالیہ ہوجانے کی وجہ سے راضی ہوجائیں یہاں تک کہ اپنا رہائیشی مکان اور اپنے کارو بار کی جگہ ( دکان وغیرہ کو بھی) موجود ہ قیمت میں اپنے قرض خواہوں کو دے دیں ، لیکن قرض خواہان فقط نقد پیسہ لینا چاہتے ہوں اور مقروض کو جیل بھجوا دیں ، آیا اس مدت میں کہ جس میں وہ قید تھا ، اور اس کا وقت برباد ہوا ہے ، اس وجہ سے کیا اس کوقرض خواہوں پر کچھ حق حاصل ہوجاتا ہے کہ اس صورت میں کیا وہ ان لوگوں کے قرض میں سے کچھ کم کرسکتا ہے ؟
مسئلہ کے فرض میں ، وہ شریعت کی رو سے اپنے نقصان کو قرض خواہوں سے نہیں لے سکتا۔
خسارت کو پورا کرنے میں متعدد اسباب کا ضامن ہونا
ضمان کے اسباب کے میزان کے بارے میں نیچے دئےے گئے دوسوالوں کے جواب عنایت فرمائیں:۱۔ جب بھی چند سبب، مختلف فاصلہ زمانی میں کسی شخص پر مالی یا معنوی یا مادی خسارت کا باعث ہوں ، فقہی نقطہ نظر سے اصلی ذمہ دار کو پہچان کرنے اور خسارت پورا کرنے کا کیا را حل ہے؟۲۔ جب بھی چند سبب، ایک ہی فاصلہ زمانی میں کسی شخص پر معنوی یا مادی خسارت کا باعث ہوں، ان میں سے کون ذمہ دار ہوگا اور ذمہ داری ان کے درمیان کس طرح سے تقسیم ہوگی؟
۱۔۲:ہر ایک سبب جس مقدار میں بھی حادثہ کے وجود میں آنے میں موثر واقع ہو ا ہو اسی مقدار ضامن بھی ہے اور اس صورت میں جب تاثیر کی مقدار معین نہ ہوتو پہلے مورد اطمینان ماہر کی طرف رجوع کیا جائے گا، اگر پھر بھی مشخص نہ ہوسکے، خسارت کو ان کے درمیان بطور مساوی تقسیم کیا جائے گا۔
ایسا لباس پہننا جس پر اللہ لکھا ہو
آج کل ایسے لباس بازار میں آ گئے ہیں جن پر اسم جلالہ اللہ لکھا ہوا ہے، اس لباس کے پہننے کا کیا حکم ہے؟ اسے پہننے والے کا وظیفہ کیا ہے؟
اگر وہ ایسی جگہ نہ لکھا ہو جہاں لکھنا بے احترامی کا باعث ہو تو کویء حرج نہیں ہے۔ البتہ اسے اس بات کا خیال رکھنا پڑے گا کہ بغیر وضو اس جگہ کو نہ چھوئے اور اسے نجس نہ کرے۔
جو شخص بیماری کی وجہ سے اعمال بجا لانے میں قادرنہیں ہے
اس شخص کا وظیفہ کیا ہے جوبیماری یا سی طرح کی دیگر وجوہات کی بناپر منیٰ کے اعمال یاطواف، سعی اور مکہ کے اعمال بجالانے پر قادر نہیں ہے ؟
جواب :۔ یہ شخص محصور کے حکم میں ہے لیکن اگر کسی کو نائب بنا سکتا ہے تو یہ کام حج کے اعادہ کے لئے کفایت کرے گا آئندہ سال دوبارہ حج کرنا لازم نہیں ہے ۔
اُس پیسے پر خمس جو بیمہ کمپنی میں جمع کیا گیاہے
وہ رقم جو چند سالوں کے اندر بیمہ شدہ شخص بیمہ کمپنی کو ادا کرتا ہے اور بعد میں تدریجاً اُسے وہ رقم ماہانہ تنخواہ کے عنوان سے دی جاتی ہے، کیا اس پر خمس ہے؟
اس پر خمس نہیں ہے؛ مگریہ کہ کچھ رقم اس کے سال بھر کے خرج سے بچ جائے ۔
اگر وارث بہن کے بچّے اور چچا زاد ہوں
مرحوم زید کے وارثوں میں، ایک بھانجا جو اس کی ماں جائی بہن کا بچہ ہے، اور تین چچازاد بھائی ہیں جو با حیات ہیں، مرحوم زید کی میراث کیسے تقسیم کی جائے گی؟
جواب: بھانجہ کے ہوتے ہوئے، چچا زاد بھائیوں کو میراث نہیں ملے گی اور اگر دوسرا کوئی وارث نہیں ہے تو تمام مال اسی بھانجہ (یا بھانجی) کو دیا جائے گا ۔
شریعت کی نظر میں دکانداری اور پیشہ کا حق دریافت کرنا
دور حاضر میں، دکانداری اور پیشہ کے حق کے نام سے جو حق پیش کیا جاتا ہے اور عدالت بھی اسی عنوان کے تحت کرایہ داروں کے لئے کچھ رقم دینے پر، مالکوں کومجبور کرتی ہے، کیا یہ حق شرعاً جائز ہے؟
اس کے شرعاً جائز ہونے پر کوئی دلیل نہیں ہے اگرچہ بہتر یہ ہے کہ طرفین آپس میں صلح ومصالحت کریں ۔
