Cümə günü zöhr namazını ucadan qılmaq
Cümə günü zöhr namazının qiraətini ucadan oxumaq caizdir?
Səfərdə olmasa ucadan oxumaq müstəhəbdir. Səfərdə olarsa camaatla qılan halda (ucadan oxumaq) müstəhəbdir, fürada halda isə yox.
Meyitlə namaz qılan şəxs arasında maneənin olması
Tabutla namaz qılanlar arasında maneənin olması işkal yaradırmı?
Eybi yoxdur. Lakin namaz qılanla meyyit arasında divar və ya pərdə olmamalıdır.
Məscidin üçüncü mərtəbəsində olan şəxsləri iqtidası
Məscidin üçüncü mərtəbəsində camaat namazına iqtida edən şəxslərin namazlarının hökmü nədir?
Aşağımərtəbədə bərpa olunan camaat namazı ilə bir camaat sayılarsa, eybi yoxdur.
Zəkatın düşdüyü yerlər
Zəkat verilməsi vacib olan 9 yerdən başqa, zəkat düşən digər şeylər də varmı?
Zəkat yalnız deyilmiş 9 yerdə vacibdir. Müstəhəb zəkat isə bunlardan qeyrisinə də aid olur.
Dövlət rüsumları ilə zəkatın əlaqəsi
İslam respublikasında vergiləri ödəmək şəri vergilərin əvəzində kifayət edirmi?
Vergi sair iş və qazanc xərcləri kimidir ki, şəri maliyyənin yerini tutmur.
Qadın, yoxsa kişi olması məlum olmayan şəxsin meyit qüslü və namazı
Bir şəxs vəfat etmişdir. Lakin qadın və ya kişi olması məlum deyil. Bu şəxsin namaz və qüslü necə olmalıdır?
Əgər məqsəd xonsadırsa (həm kişilik, həm də qadınlıq əlamətləri olan adam), gərək ona məhrəm olanlar qüsl versinlər. Məhrəmi olmasa qadın və kişilərdən hər biri ona qüsl verə bilərlər. Namazda da ehtiyata əməl etsinlər.
Suda boğulmuş adama meyit namazı
Fiqhi kitablarda, hətta fəqihlərin əməliyyə risalələrində, "Ürvətül-vusqa"dan tutmuş "Təhrurül-vəsilə"yə kimi araşdırmalardan sonra məlum oldu ki, həzrətlər “qəriq namazı” (suda batan adamın meyyit namazı) ünvanında heç bir namaz bəyan etməmişlər. Əgər bir kəs dənizdə və ya çayda batsa, meyyiti də tapılmasa, nə etmək lazımdır? Namazı var, yoxsa yoxdur? Namazı varsa, onu necə yerinə yetirmək lazımdır?
Belə bir kəsin cəsədi tapılmayana qədər namazı yoxdur. Lakin alimlərin sözlərində "Qəriq namazı" ünvanında bir namaz vardır. Bu namaz boğulan halda olan, təkbirlərdən və işarələrdən artıq heç bir iş görməyə imkanı olmayan insanın yövmiyyə namazıdır.
Vətənində namazını şikəstə qılan şəxs
Birisi müsafir olduğunu güman edib namazını şikəstə qılmış və ya müsafir olmadığını düşünüb namazını tamam qılmış və oruc tutmuşdur. Bir müddət sonra öz səhvini başa düşmüşdür. Onun oruc və namazlarının hökmü nədir?
Ehtiyat vacibə görə hər iki halda yenidən (vəzifəsinə uyğun) yerinə yetirsin.
İki namazı dalbadal (fasilə olmadan) qılmaq
Nə üçün şiələr zöhrlə əsr, habelə məğriblə işa namazlarını bir yerdə qılırlar, amma digər müsəlmanlar bu namazları ayrı şəkildə - beş vaxtda qılır?
Namazları ayrılıqda qılmaq bizim nəzərimizcə də müstəhəb və sünnətdir. Lakin onları birlikdə qılmaq da caizdir. Hətta əhli-sünnə hədislərində də bunu caizliyinə sübut vardır. Buna görə də bunları bir qılmaq rüxsətdir (icazədir) və ayrı qılmaq fəzilətdir.
Zəkat almaq üçün fəqirliyin meyarı
Fəqir kimlərə deyilir?
İllik xərclərini adi halda təmin edə bilməyən şəxs, fəqirdir.
Xüms ilinin hesablanması
Alimlər deyirlər ki, insanın illik hesabı olmalıdır. Əgər bir kəsin qazancı xərclərindən azdırsa, yenə də illik hesabı olması vacibdirmi?
Alimlər qazancından artıq qalmayan və pul (ehtiyat) yığa bilməyənləri yox, gəlirindən artıq qalan və əlində pul yığılan kəsləri nəzərdə tutmuşlar.
Təharətsiz namaz
Müsəlman şəxs fəzada vəzifəsini yerinə yetirərkən yer kürəsinin atmosferindən kənara çıxsa, hava boşluğunda olduğu üçün ayaq üstə durmaq, sabitlik mümkün olmayacaqdır. Heç dəstəmaz almaq da mümkün olmayacaq. Çünki orada su da asılı vəziyyətdədir. Habelə kosmik gəminin cihazlarının həssaslığına görə azacıq toz belə yoxdur ki, təyəmmüm etsin. Olsa da o da asılı vəziyyətdədir. Üfüqün də onun üçün heç bir mənası yoxdur. Heç qiblə də yoxdur. Onun vəzifəsi necə olacaqdır?
Öz namazını həmin halla qılsın. Əgər bu müddət qısadırsa, sonradan ehtiyat olaraq qəzasını yerinə yetirsin. Müddət uzundursa, qəzası yoxdur.
Qadının namazda örtüyü
Qadının namazda örtüyü elə olmalıdır ki, heç bir tərəfdən bədəni görünməsin? Namazda əl və üzdəki zinət əşyalarını və bəzəkləri naməhrəm olmayan yerdə örtmək lazımdırmı?
Namazda üz, əllər biləyə kimi və ayaqlar bükülən yerə kimi istisna olmaqla, tamam bədəni dörd tərəfdən örtmək lazımdır. Bəzək əşyaları paltarın üstündə olarsa namaz üçün eybi yoxdur.
Sahibinin icazəsi olmadan zəkatın verilməsi
Bir şəxs zəkat verməsə, oğlu zəkat hissəsini ayırıb atası başa düşmədən xəlvətcə müstəhəqlərə verə bilərmi?
Şəri hakimin icazəsi ilə bu işi edə bilər.
Məscidin zirzəmisində ticarət obyektinin inşası
Bir məscid yerdən bir neçə metr hündürlükdə yerləşirsə və zirzəmisi də yoxdursa, məscidin altında mağaza tikib icarə vermək və sərqufli haqqını satıb pulunu məscidə xərcləmək olarmı?
Caiz deyil. Lakin vəqf edən əvvəlcədən bu işi görsəydi caiz olardı. Amma bu iş məscidin nəzdində olan məqsədlər üçün (məsələn, kitabxana və s.) görülərsə, maneəsi yoxdur.
