Başqasının yerində ağac əkmək
Bir neçə qardaş bir evdə yaşayırlar. Onların malı-mülkü bölünməmişdir. Qardaşlardan biri bölünməyən, müştərək torpaqda ağac əkir, yaxud oğlan atasının torpağında icazəsiz və ya atasının icazəsi ilə ağac əkir, yaxud da əkinçi, kəndli və ya işçi və birinin xadimi torpaq sahibinin yerində ağac əkir. Şəri baxımdan bu ağaclar onlardan hansınındır?
Ağac onun sahibinin və onu yerə əkənin malıdır. Lakin torpaq sahibinin icazəsi ilə olmamışdırsa, onun icarə haqqı almağa və ya ağacı kökündən çıxarıb sahibinə verməyə haqqı var.
Razılığa gəlinən meyriyyədən qeyrisinin əsasında kəbin oxumaq
Bir qıza bildirilmişdir ki, sizin mehriyyəniz 15000 Hindistan rupisidir və qız da bu mehriyyəyə razı olmuşdur. Lakin kəbin kağızında 10000 yazılmışdır. Vəkil kəbin kağızını oxuyandan sonra, qeyd olunmuş mehriyyə əsasında kəbin siğənini icra etdi. Bu mehriyyə (daimi nikah) səhihdirmi?
Ehtiyat budur ki, kəbin siğəsini razılaşdırılmış mehriyyə əsasında təkrarən icra etsinlər.
Xəstələr üçün ehram libasının nəcis olması
Mənim onurğa beynim kəsildiyinə və sidiyi saxlaya bilmədiyimə görə və ... bədən və ehram paltarımı pak saxlaya bilmirəm. Vəzifəm nədir?
Nə qədər ki, bacarırsınız qoruyun və məşəqqətə səbəb olan qədərin eybi yoxdur.
Mütəvəllinin təqlid etdiyi mərcəyi-təqlidin nəzərinin irəli olması
Əgər vəqf edən və ya mülkiyyətə keçirən şəxs bir müctəhidə, məscidin işlərini icra edənlərin (rəhbər heyət) hər biri isə digər müctəhidə təqlid edirlərsə, belə ki, bu iki müctəhid arasında yuxarıdakı məsələlərdə fikir (nəzər) ayrılığı mövcuddursa, onlardan hansının nəzərinə əməl olunmalıdır?
Məscidin mütəvəllisinin və məscid işlərini icra edənlərin təqlid etdikləri müctəhidin nəzəri şərtdir.
Boğaz çirkini (bəlğəm) udmaq
Boğaz çirkini udmaq orucu batil edirmi?
Ağız boşluğuna daxil olmasa, yaxud ixtiyarsız udulsa, maneəsi yoxdur.
Naməhrəmin bədəninə qəsdən toxunmaq
Bir şəxs təvaf halında qadın bədəni ilə təmasda olmağın (ona toxunmağın) haramlığını bilə-bilə, şəhvət üzündən bir qadının bədəninə toxunsa və bu təmasdan ləzzət alsa, təvafında işkal yaranırmı? Onun vəzifəsi nədir? (Bu məsələdə) Müstəhəb təvafla vacib təvafın fərqi varmı?
Təvafa xələl gətirmir. Əgər paltarın üstündən toxunsa kəffarəsi yoxdur. Lakin günah etməsi qətidir.
Müztəribə qadının təvafda vəzifəsi
Müztəribə qadının təvafda vəzifəsi nədir?
O, müztəribə qadının namazdakı vəzifəsinə əməl etməlidir ki, aşağıdakılardan ibarətdir: “Müztəribə” bir neçə ay qan görüb, amma müəyyən adət tapmayan qadına deyilir, əgər on gün və ya bundan az qan görsə hamısı heyzdir. Əgər on gündən artıq qan görsə, heyz nişanəsi olan günlər üç gündən az, on gündən çox olmasa heyz sayılır. Bütün qanlar eyni şəkildə olarsa qadın qohumlarının adəti üzrə hərəkət etməlidir. (Əgər qohumlarının hamısının və ya böyük əksəriyyətinin adəti eyni cürdürsə.) Qohumların adəti fərqli olsa, ehtiyat budur ki, qadın adət müddətini yeddi gün təyin etsin.
Seyidlərin səhminin məişət avadanlığı ilə dəyişdirilməsi
Xüms pulunu malla dəyişmək, o cümlədən geyim və məişət avadanlığı alıb seyidlərə vermək olarmı? Xüsusilə də seyid, seyid səhmi almaqdan çox narahat olarsa?
Xüms pulunu başqa mala çevirmək ehtiyata görə, caiz deyil. Yalnız seyidlərin özləri şəxsən bunu istədikləri hallar müstəsnadır. Yeri gəlmişkən, pulu “seyid səhmi” adı ilə onlara verməyiniz lazım (vacib) deyil ki, narahat olsunlar. Bunu onlara hədiyyə şəklində də çatdıra bilərsiniz.
İmam səhmindən müdafiə vəsaitlərinin alınması
Bir kəs düşmənləri tərəfindən təhlükədə olduğunu görsə, İmam (əleyhis-salam)-ın səhmindən və sair şəri maliyyatlardan silah və döyüş sursatı ala bilərmi?
Şəri hakimin və ya nümayəndəsinin icazəsi ilə caizdir.
Xüms ilinin əsnasında dünyadan gedən şəxs
Xüms ili İsfənd ayının sonunda olan şəxs, İsfənd ayının ortalarında dünyasını dəyişərsə, onun qoyub getdiyi, irs adı ilə yerdə qalmış və ötən ilin 11,5 ayına aid olan vəsaitə xüms düşürmü? Habelə mərhumə öz köhnə xalçasını, 25000 tümən qiymətində olan döşəməyə salınmamış yeni bir xalça ilə dəyişmişdir. Bu xalçanın qiymətinə xüms düşürmü?
O ilin gəlirinə xüms düşür. Lakin xalçaya ehtiyac duyulursa xümsü yoxdur.
Təvafı təharətsiz (qüsl, dəstəmaz) halda yerinə yetirmək
Bir kəs təməttö ümrəsində və ya müfrədə ümrədə təqsirdən sonra ehramdan çıxmışdır. İkinci ehramdan bir neçə gün qabaq başa düşmüşdür ki, təvaf və namazında təharəti olmamışdır. Bu halda yenidən ehram paltarı geyinməlidir, yoxsa təvaf və onun namazını adi paltarla təkrarən yerinə yetirməsi caizdir?
Ehram paltarı geyinmək vacib deyil. Ehtiyat budur ki, səy və təqsiri də yenidən yerinə yetirsin.
Digər vəqf olunan əmlakları tapmaq üçün vəqflərdən istifadə
Ölkə səviyyəsində saysız-hesabsız vəqf olunmuş əmlaklar vardır ki, ya tanınmaz qalmaqdadır, ya da dağılıb aradan getmişdir. Sözü gedən bu vəqf əmlaklarının hər iki qismi tapılıb abad edilərsə, İslam ölkəsi üçün çox böyük gəlirlər yarada bilər. Bu halda mövcud olan vəqf əmlaklarının gəlirlərindən istifadə üsulunda cüzi dəyişikliklər etməklə sözü gedən (tanınmamış qalan) vəqf əmlaklarını tapmaq istiqamətində, tədbir görmək olarmı?
Ümumi xərclər üçün olan vəqflərdən istifadə etmək olar.
