Vəzifəli hərbçinin təzir etməsi
Hərbi qüvvələrin vəzifəli işçisi cinayət törətmiş bir şəxsə sillə vura bilərmi?
Şəri hakimin icazəsi olmadan təzir etmək caiz deyil.
İdxal olunan sosiska
Xarici ölkələrdə idxal edilən sosiskaların hökmü nədir? Onlar haramdır, yoxsa halal?
İslam qaydaları ilə başı kəsilməyən heyvanların ətindən istifadə olunan yeyinti məhsulları haramdır.
Bir məscidin vəsaitini digər məscidə vermək
İki məscid bir-birinin yanında inşa edilmişdir və onların arasında bir həyət vardır ki, onların heç birinə aid deyil. Bu iki məscidin birinin avadanlıqlarını digəri üçün istifadə etmək olarmı? Məsələn, məscidlərdən birinin xalçasını digərinə aparmaq olarmı?
Caiz deyil. Yalnız bu halda olar ki, bu avadanlığın ümumi şəkildə vəqf olunması məlum olsun.
Üzrlü olan üçün gecə rəmyi-cəmərat etmək
Mənim kimilər üçün gündüz rəmyi-cəmərat etmək mümkün deyil. Biz gecələr rəmy edə bilərikmi? Cavabın müsbət olmasını fərz etsək, mənimlə birgə olanlar da gecə rəmyi-cəmərat edə bilərlərmi?
Gecə rəmyi-cəmərat edə bilərsiniz. Lakin sizinlə birlikdə olanlar üçün (gündüz rəmy etmək) mümkündürsə, gündüz rəmy etsinlər.
Namazda səhih qiraət dedikdə məqsəd
“Namazın zikri və qiraəti səhih oxunmalıdır” - deyəndə məqsəd nədir?
Düz tələffüz etmək o həddə lazımdır ki, ərəb onu səhih ərəb dilində bilsin. Lakin təcvid alimlərinin qeyd etdikləri dəqiq nöqtələri gözləmək lazım (vacib) deyil.
Namaz qılanın cibində oğurlanmış əşya olsa, namazı batildirmi?
Namaz qılanın cibində oğurlanmış əşya olsa, namazı batildirmi?
Onun namazının eybi yoxdur, lakin bunu etməsə (bu halda namaz qılmasa) daha yaxşıdır.
Hüzuri-qəlb olmadığına görə namazı yenidən qılmaq
İnsan namazında hüzuri-qəlb və diqqətli olmadığına görə onu yenidən qıla bilərmi?
Əgər namazında zahirən bir nöqsan olmasa, yenidən qılmasın, təqibatla (çatmamazlıqlarını) bərpa etsin.
Vəqf və ya mülkiyyətə keçirərkən hədiyyə verənin niyyəti
Onların (məscidə) vəqf olunduğunu, yoxsa mülkiyyətə keçirildiyini ayırd etmək üçün, hər birini xüsusi bir söz və ya cümlə ilə dilə gətirmək lazımdırmı? Yoxsa hədiyyə edənin niyyəti təklikdə kifayətdir?
Niyyət kifayətdir və əməllə muatat xarakterli olacaqdır.
Ərin talaqdan öncə cinsi yaxınlıq iddiası
Xül’i talaq baş vermişdir, lakin ər iddia edir ki, talaqdan öncə arvadımla yaxınlıq etmişəm, talaq verilən zaman da orada iki adil şahid olmamış, yalnız zahiri baxımdan səlahiyyətli olan mömin insanların şahidliyi ilə talaq oxunmuşdur. Belə bir talaq səhihdirmi?
Sözü gedən talağın hər bir halda səhihliyinə hökm olunur. Ona görə ki, sualda fərz olunanlara əsasən ərin talaqdan öncə yaxınlıq iddiası məqbul deyil. Onun öz etirafına görə şahidlər zahiri baxımdan adil olmuşlar. Biz batinlərə əsasən əməl etməyə vəzifəli deyilik. Buna görə də bu talağın heç bir eybi yoxdur. Yalnız bir halda eybi ola bilər ki, o, öz iddiasını şəri dəlillərlə sübuta yetirmiş olsun.
Dua yazmaqla gəlir əldə etmək
Dua yazmaq və bunun müqabilində qazanc və ya hədiyyə adı ilə pul almaq caizdirmi?
Əgər məsumlardan nəql olunmuş məşru (şəriət qanunlarına uyğun) dualar olsa, maneəsi yoxdur. Lakin peşəkar xurafatçı dua yazmaq caiz deyil.
Boğaz çirkini (bəlğəm) udmaq
Boğaz çirkini udmaq orucu batil edirmi?
Ağız boşluğuna daxil olmasa, yaxud ixtiyarsız udulsa, maneəsi yoxdur.
Həyat yoldaşını təhqir etmək
Qadının ərini və əksinə təhqir etməsinin hökmü nədir?
Heç bir kəsin, hətta ərlə arvadın belə, biri-birini təhqir etməyə haqqı yoxdur,
