Sürmə çəkmək, gözəl saat və eynək taxmaq
Sürmə sürtmək, qaş aldırmaq, əqiq üzük, saat, gözəl tibbi eynək qadınlar üçün örtülməsi vacib olan zinət hesablanırmı?
Zahirən qadağan olunmuş zinətlərdən deyil.
Axırıncı təşəhhüdün olması gümanı ilə iqtida etmək
Bir kəs imam camaatı təşəhhüd halında görüb onun axırıncı rükətdə olduğuna güman ya elm əldə etsə, savab qazanmaq üçün iqtida edib otursa, sonra imamın birinci təşəhhüddə olduğu aşkara çıxsa, onun vəzifəsi nədir?
Ehtiyat budur ki, namazını imamla birgə tamamlayıb, sonradan yenidən qılsın.
İmamın qiraətinin səhihliyində olunan şəkk
Əgər bir şəxs, imam camaatın qiraətinin onun mərcəyi-təqlidinin fitvasına uyğun olmasında şəkk etsə, ona iqtida edə bilərmi? Əgər bu caizdirsə, namazı ehtiyat olaraq təkrarən qılmaq lazımdırmı?
Nə qədər ki, əksinə yəqininiz yoxdur, iqtida etmək caizdir və namazı ehtiyat olaraq təkrar qılmaq lazım deyil.
Kəbindən və cinsi yaxınlıqdan sonra sər (epilepsiya) xəstəliyi olduğunu başa düşmək
Oğlumu bir qızla daimi şəkildə evləndirmişəm, toy şənlikləri də keçirilib. İndi məlum olub ki, qız neçə illərdir ki, sər xəstəliyinə tutulmuşdur. Qızın özü və həkimi də bunu təsdiq etmişlər. Lakin ata-anası bu məsələni deməmiş və gizli saxlamışlar. Hətta qız deyir ki, mən demək istəyirdim, amma ata-anam buna mane oldular. Bu halda nikahın və mehriyyənin hökmü necədir? - Sər xəstəliyi, epilepsiya, ürəyi getmə, bihuş olma.
Sər xəstəliyi nikah əqdini pozma ixtiyarına səbəb olmur. Qıza talaq vermək istəsələr, əgər yaxınlıq etmişlərsə, mehriyyənin hamısını ödəməlidirlər.
Camaat namazının sırasında üstünlük haqqı
Bir kəs camaat namazı qılmaq üçün canamazını məsciddə qoyub bayıra çıxmış və camaat namazı başlamışdır, amma o şəxs qayıtmamışdır. Bu halda camaat namazı başlanan kimi onun o məkandakı haqqı aradan gedirmi? Başqası onun yerini tuta bilərmi?
Ehtiyat budur ki, birinci rükətin rukusuna kimi ona möhlət versinlər, qayıtmasa, artıq haqqı var.
Əhli-sünnətlə evlənmək
Sünni kişilərin şiə qızlarla evlənməyi caizdirmi? Şiə kişinin sünni qızla evlənməsi necə?
İnhiraf (əqidədən, məzhəbdən dönmək) qorxusu olmasa, maneəsi yoxdur. Lakin əqidə cəhətdən inhiraf (azma) ehtimalı olsa, caiz deyil.
Məcus
Məcus Əhli-kitabdan sayılır?
Məcuslar Əhli-kitabın hökmündədirlər.
Qazının elm əsasında verdiyi hökmün əsası
. İslam respublikasının möhtərəm qazılarının (hakimlərinin) elm (yəqin) əsasında verdikləri hökmlər, nəticə və hökm baxımından iqrar və etiraf əsasında çıxarılan qərar kimidir, yoxsa sübut və dəlil əsasında çıxarılan qərar kimidir, və ya üçüncü yol var ki, heç biri kimi olmayacaqdır?
Hər bir şəraitdə o şəraitin sübut və dəlilinə tabe olmaq lazımdır. Məsələn, hufeyrədən (daşqalaq çalasından) qaçmaq məsələsində dəlil və sübutlar qazının elminə (məlumatına) şamil olmur və cəza qanunu qüvvədən düşmür.
Kafirlərə və əhli-kitaba Quran satmaq
Kafirlərə və ya Əhli-kitaba Quran satmaq, xüsusilə də onların təhqir, hörmətsizlik etmək fikirləri olmadığını, Əksinə, mütaliə üçün aldıqlarını biliriksə, caizdirmi?
Bunun təsir edəcəyinə ümid olsa və hörmətsizliyə səbəb olmasa, caizdir.
Yenidən ərə getdiyi təqdirdə ananın azyaşlı uşağı saxlaması
Bir oğlan uşağı olan şəhid arvadı neçə illər keçəndən sonra ərə getmişdir. Şəhidin atası deyir ki, mən bir vəli olaraq nəvəmin yad evdə qalmasına icazə vermirəm. Çünki bu uşağın hal-hazırda 5 yaşı var və onu tərbiyə edib qayğısına qalmaq və böyütmək mənin vəzifəmdir. Anası da deyir ki, mən bir ana kimi onun qayğısına qalacağam. Şəriət baxımından onlardan hansı irəlidir?
Uşağı həddi-buluğa çatana qədər saxlamaq və onun qayğısına qalmaqla bağlı, hətta ərə getsə belə, anası babasından irəlidir. Lakin onun əmlakına qəyyumluq cəhətindən isə babası irəlidir və ananın uşağın əmlakına heç bir vilayəti yoxdur.
Kişinin cinsi acizliyi
Əgər bir kişinin evlənməzdən öncə cinsi acizliyi olsa və qadın toy mərasimindən sonra bunu başa düşsə, lakin dərhal nikahı pozmasa və ərindən ayrılmasa, bu halda qadın talaqsız ərə gedə bilərmi?
Belə hallarda qadın şəri hakimə müraciət etməlidir, hakim kişiyə bir il möhlət verir. Əgər sağalsa, nikah öz qüvvəsindədir. Əks halda qadın nikahı fəsx edə bilər və talağa da ehtiyac yoxdur. Kişi bundan (fəsxdən) sonra sağalsa belə, yeni nikah oxunmadan o qadına qayıtması mümkün deyil.
Evin işlərini yerinə yetirməsi şərti
Gələcək həyat yoldaşının evin adi işlərini yerinə yetirməsi şərt olunarsa, bu şərt səhihdirmi? Bu şərtə əməl etmədiyi halda hökmü nədir?
Şərt etdikləri təqdirdə bu şərtin icra olunması vacibdir. Şərti pozarsa, ehtiyat budur ki, qadın onun qiymətini ödəsin.
Vəty olunmuş heyvanı ayırd etmək üçün püşk atılması
Bir qoyunla yaxınlıq edilsə və o, sair qoyunların içində olub hansı birisi olduğu dəqiq məlum olmasa, onun üçün bu şəkildə püşk atmaq caizdirmi: məsələn, qoyunların üstünə birdən yüzə qədər nömrə yapışdırsın, sonra birdən yüzə kimi rəqəmlər yazılan kağızları zənbilin içərisinə atsın, bu kağızlardan birini götürsün, qoyunların üzərinə yapışdırılmış nömrələrlə tətbiq etsin və o qoyunu kəsib ətini yandırsın?
Hədisdə deyilənlərə əsasən, qoyunları iki dəstəyə bölməli və bu iki dəstədən birini püşk yolu ilə ayırmalı, sonra yenidən püşk düşəni iki dəstəyə bölməli və bir qoyun qalana kimi bu yolla əməl etməlidir. Lakin yazdığınız şəkildə də püşk atmanın eybi yoxdur. Çünki, hədisdə deyilənlər püşk atmanın bir növünü bəyan edir.
Jelatinin hökmü
Jelatin- esid (qələvi) və bəzi kimyəvi maddələrin təsirindən sonra xas mərhələlərdən keçmiş donuz və ya inəyin sümük və dərisindən hazırlanmış maddəyə deyilir. Hazırlanma baxımından sümük və dərini müxtəlif liflərdən toxunmuş parçaya təşbeh etmək olar ki, yun liflər onlardan ayrılır. Bu maddə yeyinti sənayesində, təbabətdə, fotoqrafiyada, yapışqan hazırlanmasında işlənir. Hal-hazırda bu maddənin istehsalçıları qərb dövlətləridir. Onlar dünyanın bu maddəyə olan tələbatını ödəyirlər. Bütün bunları nəzərə almaqla:1) Jelatinin dəri və sümükdən alınma üsuluna nəzər salsaq, bunu bir növ istihalə saya bilərikmi?2) Ölkənin tələbatı hal-hazırda xarici və xüsusilə də qərb ölkələrindən təmin olunduğunu habelə bu məhsulun xammalını nəzərə alsaq, ondan istifadə etməyin nə hökmü vardır?
Şübhəli hallarda belə ki, onun hansı maddədən hazırlandığını bilmiriksə hökmü halal və pakdır. Bu barədə araşdırma aparmaq da lazım deyil. 2) Əgər onun haram və nəcis maddədən alındığına yəqinimiz olsa istihalə ona şamil olmur. Lakin onu pak və halal olması üçün başqa yol mümkündür.
