Naməhrəm qadının gülüş səsinə qulaq asmaq
Fəsada səbəb olmazsa, naməhrəm qadının gülüş səslərinə qulaq asmağın hökmü nədir? Habelə, fəsadı olan halda hökmü nədir?
Xüsusi bir fəsadla nəticələnməsə, maneəsi yoxdur.
Naməhrəmlər arasında təhsil almaq
Bəzən oğlan tələbə qız tələbələrin arasında və ya əksinə, qız oğlanlar arasında dərs oxuyur. Bu şəkildə dərs oxumaq caizdirmi?
Əgər haram işə səbəb olmazsa, eybi yoxdur. Lakin yaxşı olar ki, İslam ölkələrinin rəhbərləri qız və oğlan tələbələrin təhsil aldıqları elm ocaqlarını bir-birindən ayırmaq üçün proqramlar tərtib etsinlər.
Tamaşada müsəlman qadın və kişilərin bir-birinə qarışması
Tarixi səhnələri nümayiş etmək üçün aşiqanə və ehtirası coşduran, təhrik edən söhbətlərlə yanaşı, müsəlman qadın və kişilərin qarışıq halda kafirlərin rolunda oynamaları caizdirmi?
İbrətamiz hədəflər üçün kafirlərin rolunu oynamağın maneəsi yoxdur. Lakin təhrik edici danışıqlar və ehtirası coşduran söhbətlər etmək caiz deyil.
Naməhrəmi müayinə etmək üçün müəllimin göstərişinə əməl etmək
Şəriətin vacib əməllərinə laqeyd və etinasız olan, qız tələbələr olan yerdə xəstə qadınların müayinəsini oğlan tələbələrə tapşıran bir müəllimin göstərişlərinə tabe olmağın hökmü nədir? Habelə, bu müəllimin göstərişlərindən boyun qaçırmağın özünü kafi və qeyri-kafi qiymətlərdə göstərməsi də mümkündür.
Zəruri olmayan belə bir halda ağlabatan bir şəkildə boyun qaçırmalıdır. Amma qadınların müayinəsi tibbi təhsilin təkmilləşməsi üçün lazım olarsa (qadınların həyatının xilas olunmasına səbəb olan elm və biliklər), bu halda caizdir.
Kişilərin qadınlara məxsus paltar tikmələri
Kişi dərzinin qadın paltarı tikməsinin hökmü nədir?
Fiziki toxunmaq və digər haram əməlləri tələb etməzsə, eybi yoxdur.
Naməhrəmlə təklikdə olmaq
Harama batmayacağına əmin olsa, naməhrəm qadınla xəlvətdə olmaq caizdirmi? Naməhrəm ilə xəlvətdə olmağın hüdudları nə qədərdir?
Əgər adətən heç kəsin gedib gəlmədiyi bir məkandadırlarsa, “naməhrəm qadınla xəlvət yerdə olmaq” sayılır. Naməhrəm qadınla xəlvətdə olmaq, hətta günaha düşməyəcəklərini düşünsələr belə, işkallıdır
Kişilərin qadınlara məxsus paltar tikmələri
Kişi dərzinin qadın paltarı tikməsinin hökmü nədir?
Fiziki toxunmaq və digər haram əməlləri tələb etməzsə, eybi yoxdur.
Manto geymək
Manto geyinməyin hökmü nədir? Manto zinət paltarlarından sayılırmı?
Zinət paltarlarını geyinməyin işkalı var. Lakin adi mantolar zinət üçün deyil. Hərçənd çadra daha məhfuz və daha yaxşıdır, lakin üz və əllərdən (biləkdən aşağı) başqa bədəni bütövlükdə örtən paltar kifayətdir.
Qadınların kişiyə məxsus paltar geymələri və əksinə
Qadının kişiyə məxsus paltar geyməsi, habelə əksinə-işkalı var - dedikdə, hansı paltar nəzərdə tutulur? İzah edin.
Camaat arasında “qadın paltarıdır”- deyilən paltar nəzərdə tutulur. (Lakin fəsada gətirib çıxarmasa, bu iş haram deyil.)
Kişilərin evdə qadına məxsus əşyalardan istifadə etməsi
Kişilərin evdə qadın çəkələklərini və əksinə qadınların kişi çəkələklərini geyməsinin eybi var?
Eybi yoxdur. Belə ki, evdə hər birinin məxsus paltarlarını digəri geyərsə və fəsadla nəticələnməzsə eybi yoxdur. Lakin fəsad yaradan hallarda haramdır.
Kişilərin qızıldan bəzək əşyası kimi istifadə etməsi
Ailələrin çoxu yanlış adət əsasında öz kürəkənlərinə qızıldan düzəldilmiş üzük, saat və ya boyunbağı bağışlayırlar, onlar da ondan istifadə edirlər və nəticədə bu işin çirkinliyi aradan gedir (günah olması adiləşir). Xahiş edirik ki, kişilərin üzük və digər bəzək əşyalarından istifadə etməsi barəsində, habelə onu kürəkənə və cavanlara hədiyyə vermək, eləcə də bu pis və haram işin müqəddiməsinin, yəni onun düzəldilməsi və alğı-satqısı barəsində öz mübarək nəzərinizi bildirəsiniz. Aydın şəkildə buyurun ki, cavanlar və cəmiyyətin digər sinifləri öz şəri vəzifələrini bilsinlər.
Kişilər üçün qızıl bəzək əşyası mütləq şəkildə (namaz və qeyri hallarda) haramdır. Müsəlmanlar və Əhli-beyt (ə) məktəbinin davamçıları o böyük insanların buyurduğu göstərişlərə tabe olmaqla bu işdən çəkinməlidirlər, hədiyyə və qeyri-hədiyyə, kürəkən və qeyri-kürəkən arasında heç bir fərq yoxdur. Bunların düzəldilməsi və satışı da yalnız kişilərin istifadəsinə məxsus olsa, işkallıdır. Əgər bu bəzək əşyası xaç şəklində olsa, onu salmağın, düzəltməyin və alğı-satqısının iki qat artıq günahı vardır.
Kişilərə məxsus bəzək əşyalarını alğı-satqısı
Kişilər üçün qızıl bəzək əşyalarının – üzük, boyunbağı və bilərzik kimi – alğı-satqısının hökmü nədir?
Əgər bu kimi qızıl əşyaları adətən kişilərdən qeyri halda istifadə olunmursa, caiz deyil.
Qadınların mənzildən kənarda ətirdən istifadə etmələri
Qadının ətirlənib evdən çıxması caizdirmi?
Müxtəlif hədislərdə bu əməli etmək qadağan olunmuşdur. Bəzi hədislərin zahiri mənasından isə bu işin haram olması başa düşülür.
Zinət və bəzəyi örtmək
Qadının bəzəyi olsa (əlində nişan halqası və ya üzük olsa, yaxud da üzünü bəzəmiş olsa), üz və əllərini örtməsi vacibdirmi?
Halqa və üzük taxmasının maneəsi yoxdur, lakin bəzənməsi işkallıdır.
Sürmə çəkmək, gözəl saat və eynək taxmaq
Sürmə sürtmək, qaş aldırmaq, əqiq üzük, saat, gözəl tibbi eynək qadınlar üçün örtülməsi vacib olan zinət hesablanırmı?
Zahirən qadağan olunmuş zinətlərdən deyil.
