مسئلہ 1112 : اگر نمازی کے ذمہ سجدہ یا تشہد کی قضا کے ساتھ سجدہ سہو بھی ہو تو نماز کے بعد پہلے تشہد یا سجدہ کی قضا کرے اس کے بعد سجدہ سہو بجالائے،تشهد کي قضا کے مورد ميں صرف سجده سهو کا بجا لانا کافي اور سجده سهو کا تشهد بھولے هوئے تشهد کي جگه پر کافي هے۔
مسئلہ 1113 : اگر یہ شک ہوجائے کہ میرے ذمہ بھولے ہوئے تشہد یا سجدے کی جو قضا واجب تھی اس کو نماز کے بعد بجالایا کہ نہیں ، چنانچہ اگر نماز کا وقت باقی ہو تو تشہد یا سجدہ کی قضا کرے اور اگر وقت گزر گیا ہے تب بھی بنا برا حتیاط واجب اس کی قضا بجا لائے اور اس کی نماز صحیح ہے۔
مسئلہ 1114 : سجدہ یا تشہد کی قضا کے لئے نماز کے بعد نیت کرکے (اللہ اکبر کہے بغیر یا اور کسی چیز کے اضافہ کے بغیر) سجدہ یا تشہد بجا لائے اور بناء بر احتیاط واجب اس کے بعد سجدہ سہو بجا لائے،بھولے هوئے تشهد کي قضا کے ساتھ سلام بھي پڑھنا چاهئے۔
مسئلہ 1117: اگر سلام سے پہلے یاد آجائے کہ ایک رکعت یا ایک سے زیادہ نماز کے آخر میں نہیں پڑھی تو چاہئے کہ اس کو پڑھے اور نماز صحیح ہے لیکن اگر سلام کے بعد یاد آئے اور وہ ایسا کام کرچکا ہو جس کے کرنے سے نماز باطل ہوجاتی ہے (مثلا قبلہ کی طرف پشت کرنا)خواہ عمدا کیا ہو یا سہوا تو اس کی نماز باطل ہے اور اگر ایسا کام نہیں کیا تو بلا فاصلہ بھولی ہوئی رکعتوں کو بجا لائے اس کی نمازصحیح ہے۔اور احتیاط واجب ہے کہ بے جاسلام کےلئے سجدہ سہو بجا لائے۔
مسئلہ 1129 : جس کا ارادہ آٹھ فرسخ سفر کرنے کا ہو وہ نماز قصر پڑھے چاہے روزانہ تھوڑا تھوڑا سفر کرے لیکن اتنا سفر کرنا ضروری ہے کہ اس کو مسافر کہا جاسکے۔
مسئلہ 1131 : اگر مسافر چار فرسخ تک پہنچنے سے پہلے اپنے سفر کا ارادہ بدل دے یامزید سفر کے بارے میں شک و تردید میں مبتلا ہوجائے تو نماز پوری پڑھے۔ لیکن اگر چار فرسخ کے بعد سفر کا ارادہ بدلے تو نماز قصر پڑھے البتہ اگر ٹہرنے میں اور واپسی میں تردد ہو جائے یا وہیں پر دس دن ٹہرنا چاہے تو نماز قصر نہ پڑھے۔
مسئلہ 1133: اگر مسافراثنائے راہ میں اپنے وطن سے گزرے تو اس کا سفرختم ہوجاتا ہے اسی طرح اگر ٹہرنے کی جگہ پر پہنچ جائے تب بھی سفر منقطع ہوجا تا ہے۔ بلکہ اگر شش و پنج میں مبتلا ہے کہ وطن سے گزرے گا یا کسی جگہ دس دن قیام کرے گا تب بھی اس کی نماز پوری ہے۔
مسئلہ 1132 : اگر ایسی جگہ کا قصد کرے جس کی مسافت آٹھ فرسخ یا اس سے زیادہ ہو اور آٹھ فرسخ سے پہلے تردد کا شکار ہوجائے کہ باقی راستہ جائے یا نہ جائے اور وہاں تھوڑی دیر ٹہر کر طے کر لے کہ باقی راستہ بھی طے کروں گا تو نماز کو قصر کرے اور اگر تردد کی صورت میں تھوڑا راستہ بھی چلا ہو اس کے بعد سفر کے جاری رکھنے کا فیصلہ کیا ہو تو اگر باقی بچا ہوا راستہ اور تردد میں مبتلا ہونے سے پہلے قصد کے ساتھ طے کیا ہوا راستہ دونوں ملا کر آٹھ فرسخ یا زیادہ ہو جاتا ہے تو پھر نماز کو قصر کرے۔
مسئلہ 1139 : سیر و تفریح کی غرض سے یاتبدیلی آب و ہوا کی خاطر سفر جائز ہے بشرطیکہ اسراف نہ ہو اورکسی حرام کام کا سبب نہ ہو اور ایسے سفر میں نماز بھی قصر ہے۔
مسئلہ 1150 : جو شخص صرف شہر کے اندر ڈرائیوری کرتا ہے۔ اگر اتفاقا شہر سے باہر سفر پر جائے او رمسافت آٹھ فرسخ یا اس سے زیادہ ہو تو نماز قصر پڑھے۔ لیکن جو شخص شہر کے اندر اور باہر ڈرائیوری کرتا ہے تو جس وقت شہر سے باہر جائے تو اسے پوری نماز پڑھنی چاہئے۔
مسئلہ 1153 : جس کا پیشہ سفر تو نہیں ہے لیکن کسی شہر یا دیہات میں اس کا مال ہے جس کو لادنے کے لئے پے در پے سفر کرتا ہے تو وہ اپنی نماز قصر پڑھے۔
مسئلہ 1154 : جو شخص اپنے وطن کو چھوڑدے اور اپنے لئے دوسرا وطن انتخاب کرنا چاہتا ہے تو مسافرت میں نماز قصر پڑھے۔ البتہ اگر اس کا سفر طولانی ہوجائے اور خانہ بدوشوں میں شمار ہونے لگے تو پھر پوری پڑھے۔
