نر او رمادہ ميں کوئي فرق نہيں ہے
مسئلہ 1633 : گائے ، بھيڑ ، اونٹ جب اپنے نصاب کو پہو پخ جائيں تو ان کي زکوة واجب ہے چاہے سب نرہوں يا سب مادہ ہو ں يا بعض نرہو ں اور بعض مادہ ہوں .
مسئلہ 1633 : گائے ، بھيڑ ، اونٹ جب اپنے نصاب کو پہو پخ جائيں تو ان کي زکوة واجب ہے چاہے سب نرہوں يا سب مادہ ہو ں يا بعض نرہو ں اور بعض مادہ ہوں .
مسئلہ 1166 : کسی بھی جگہ دس دن ٹھہرنے والے مسافر کو اختیار ہے کہ چند جگہوں پر رہنے کا ارادہ کرے بشرطیکہ ان جگہوں کا فاصلہ کم ہو (مثلا ایک دو کیلو میٹر یا کچھ زیادہ) اور کہا جائے کہ یہ مسافر نہیں ہے اسی طرح بڑے اور چھوٹے شہروں میں کوئی فرق نہیں ہے۔ یعنی شہر بڑے ہوں یا چھوٹے، مسافر کے احکام کے سلسلہ میں ان میں کوئی فرق نہیں ہے۔
مسئلہ 2067 چار ماہ سے زيادہ بيوي سے ہم بستري کو ترک نہيں کيا جاسکتا بلکہ اگر عورت جوان ہو اور اس مدت ميں خطرہ ہو کہ گناہ ميں مبتلا ہوسکتي ہے تو احتياط واجب ہے کہ وہ طريقہ اختيار کرے جس سے وہ گناہ ميں مبتلا نہ ہوسکے.
مسئلہ 123 : شراب اور ہر وہ سيال چيز جو انسان کو مست کردے بناء براحتياط واجب نجس ہے ليکن بھنگ و حشيش جو نشہ آور ہے ليکن ذاتا بہنے والي نہيں ہے وہ پاک ہے چاہے پاني ملاکر اس کو سيال بناليں (پھر بھي پاک ہے) ليکن اس کا استعمال بہرحال حرام ہے.
مسئلہ 142 : طہارت و نجاست سے مربوط مسائل کے علاوہ بھي بدن، لباس، مکان، سواري بلکہ پوري زندگي ميں نظافت و پاکيزگي کاخيال رکھنا مستحب ہے جس طرح کہ رسول اکرم صلي اللہ عليہ وآلہ وسلم اور ائمہ عليہم السلام اس بات کا بہت خيال رکھتے تھے.
مسئلہ 484 : بچہ کے پہلے ہی جزءکے بطن مادر سے باہر آتے ہی جو خون بھی آئے وہ ”نفاس“ہے اور اس حالت میں عورت کو نفساء کہتے ہیں : اس لئے بچہ کے پیدا ہونے سے پہلے جو خون آئے وہ نفاس نہیں ہے۔
مسئلہ 490 : خون نفاس سے پاک ہونے کے بعد عورت کو غسل کرکے اپنی عبادتوں کو انجام دینا چاہئے اور ولادت کے بعد دس دن کے اندر اگر دوبارہ خون دیکھے تو جن دنوں میں خون دیکھا ہےاور درمیان میں پاک رہی ہے اگر وہ سب دس روز یا اس سے کم ہیں تو سب کا سب نفاس ہے اور بیچ میں جن دنون میں پاک رہی ہے اس کی عبادت بھی صحیح ہے۔
مسئلہ 491 : اگر عورت بظاہر نفاس سے پاک ہوجائے مگر احتمال ہو کہ اندر خون ہوسکتا ہے تو تھوڑی سی روئی اندر داخل کرکے چیک کرے اگر پاک ہو تو غسل کرکے اپنی عبادتوں کو انجام دے۔
مسئلہ 485 : يہ بھي ممکن ہے کہ نفاس ايک لحظہ سے زيادہ نہ آئے ليکن دس دن سے بہرحال زيادہ نہيں ہوتا.
مسئلہ 486 : خون نفاس ميں احتياط واجب يہ ہے کہ بچہ کي خلقت پوري ہوچکي ہو بناء بر يں اگر جما ہوا خون رحم سے خارج ہو او ريہ معلوم ہو کہ اگر يہ رحم ميں رتا تو انسان بنتا تو اس عورت کو چاہئے کہ پاک عورتوں والے اعمال بجالائے اور جن چيزوں کو حائض ترک کرتي ہے ان کو ترک کرے.
مسئلہ 487 : اگر شک ہو کہ کوئی چیز ساقط ہوئی ہے یا نہیں یا جو کچھ ضائع ہوا ہے اگر وہ رہ جاتا تو انسان بنتا یا نہیں تو جو خون نکلے وہ نفاس نہیں ہے اور جستجو کرنا بھی لازم نہیں ہے۔
مسئلہ 1796:اگر کسي چيز کو نقد بيچا جائے تو بيچنے والا معاملہ کے بعد رقم کا اور خريد نے والا جنس کا مطالبہ کرسکتاہے اور اپنے قبضہ ميں لے سکتا ہے البتہ مکان، زمين اور اس قم کي چيزوں پر قبضہ کا مطلب يہ ہے کہ اس کو خريد نے والے کے اختيار ميں اس طرح ديد يا جائے کہ وہ تصرف کرسکے اور منقولہ چيزوں مثلا قالين لباس و غيرہ پر قبضہ کا مطلب يہ ہے کہ خريدار کے حوالہ اس طرح کردے کہ اس کا جہاں جي چاہے لي جاسکے کوئي روکنے ٹوکنے والا نہ ہو.