مسئلہ 204 : پیر اور جوتوں کے کنارے جو آلودہ زمین پر چلنے سے نجس ہوجاتے ہیں وہ بھی اگرزمین تک پہنچتے ہوں تو پاک ہوجائیں گے لیکن وہ لوگ جو ہتھیلی اور گھٹنوں کے سہارے راستہ طے کرتے ہیں ان کی ہتھیلی اور گھٹنوں کا پاک ہونا محل اشکال ہے۔ اسی طرح مصنوعی پیروں، عصا کے نیچے کا حصہ، چارپایوں کے کھر (یا ٹاپ)گاڑی، وغیرہ کے پہیوں کا پاک ہونا بھی محل اشکال ہے۔
مسئلہ 205 : نجاست کے وہ چھوٹے ذرات جو پانی کے علاوہ کسی چیز سے پاک نہیں ہوتے اگر جوتے کےتلوں یا پیر کے تلووں میں باقی رہ جائیں تو کوئی حرج نہیں ہے۔ اسی طرح رنگ و بو کے باقی رہ جانے میں بھی کوئی حرج نہیں ہے۔
null
مسئلہ 210 : اگر شک ہو کہ نجس زمين آفتاب کے ذريعہ خشک ہوئي ہے يانہيں، يا سورج کي تپش ميں کوئي چيز مانع ہوئي ہے کہ نہيں! يا عين نجاست کو پہلے دور کيا تھا يا نہيں تو وہ زمين نجس ہے.
مسئلہ 211 : اگر آفتاب نجس زمين کے ايک حصہ پر پڑے اور اس کو خشک کردے تو صرف وہي حصہ پاک ہوگا.
مسئلہ 218 : کھانے ميں جو کشمش و خرما ڈالتے ہيں اس کا کھانا حلال ہے چاہے اس ميں جوش بھي آچکا ہو.
مسئلہ 220 : اگر کچے انگور کے خوشوں کے درمیان انگور کے دانے بھی ہوں اور ان سب کا پانی اس طرح لیا جائے کہ آبخورہ [کچے انگور کا پانی ]کہا جانے لگے تو جوش کھا جانے سے نجس یا حرام نہیں ہوتا۔
مسئلہ 221 : جس چيز کے بارے ميں معلوم نہ ہو کہ ناپختہ انگور ہے يا انگور تو اگر آگ پر جوش کھا جائے تو حرام نہيں ہوتا.
مسئلہ 222 : جو شیرہ بازار سے خریدتے ہیں اور جانتے ہیں کہ بیچنے والاان مسائل سے آگاہ ہے تو وہ پاک و حلال ہے تفحص و جستجو لازم نہیں ہے۔
مسئلہ 224 : اگر مچھر کا خون نکلے اور معلوم نہ ہو کہ يہ خود مچھر کا خون ہے يا انسان کا ہے جس کو اس نے ابھي تازہ چوسا ہے تو پاک ہے ليکن اگر معلوم ہو کہ ابھي وہ خون مچھر کے بدن کاجزء نہيں بنا ہے تو نجس ہے.
مسئلہ231 : جس پتھر پر ميت کوغسل ديتے ہيں اور جس کپڑے سے ميت کي شرمگاہ کوڈھانپتے ہيں اور ميت کوغسل دينے والے کے ہاتھ يہ سب غسل تمام ہونے کے بعد پاک ہوجاتے ہيں.
مسئلہ 232 : لباس وغيرہ کو اگر قليل پاني سے پاک کريں اور معمول کے مطابق اتنا نچوڑ ديں کہ غسالہ خارج ہوجائے تو کپڑے ميں باقي رہ جانے والا پاني پاک ہے.
