مسئلہ1940:قرض ميں مقدار اور مدت و جنس کو معين اور واضع ہونا چاہئے اور قرض دينے والا اور لينے والا دونوں بالغ و عاقل ہوں لا ابالي نہ ہوں اپنے مال ميں تصرف کا حق رکھتے ہوں اور اس کام کو قصد و ارادے سے انجام دين، مذاق، جبر و غيرہ نہ ہو.
مسئلہ 1941:اگر قرض کي قرارداد ميں واپسي کي مدت معين ہو تو قرض دينے والا اس مدت سے پہلے مطالبہ نہيں کرسکتا ليکن اگر مدت معين نہ ہو تو جس وقت چاہے مطالبہ کرسکتاہے.
مسئلہ 1942:اگر قرض کي واپسي کي مدت معين ہو اور قرض لينے والا اس وقت سے پہلے اپنا قرض واپس کرنا چاہے تو قرض دينے والا قبول کرنے پر مجبور نہيں ہے ليکن اگر مدت کي تعين محض مقروض کے ساتھ رعايت کيلئے کي گئي ہو اور وہ وقت سے پہلے اپنا قرض واپس کرنا چاہے تو قرض دينے والے کو قبول کرنا ہوگا.
مسئلہ 1943:اگر قرض دينے والا اپنے قرض کو طے شدہ وقت پر واپس مانگے تو قرض دار کو فورا قرض ادا کردينا چاہئے اس ميں تاخير گناہ ہے ليکن اگر قرض دار کے پاس مکان (جس ميں وہ رہتاہے( اور اثاث البيت (گھير ملو سامان) اور ضروريات مکان اور جن چيزوں کي اس کو ضرورت ہو ان کے علاوہ کچھ نہ ہو تو قرض دينے والے کو صبر کرنا چاہئے اور قرض دار کو اس بات پر مجبور نہيں کرنا چاہئے کہ وہ اپني ضرورت کي چيزوں کو بيچ دے ليکن اسکے ساتھ مقروض کو بھي چاہئے کہ قرض ادا کرنے کے لئے کوئي ملازمت يا جائز ذريعہ ي امدني تلاش کرکے اس کا قر ض ادا کرے.
مسئلہ 1944: جو مقروض شخص قرض دينے والے تک رسائي نہ حاصل کرسکتا ہو اور اس کے ملنے کے ملنے کي اميد بھي نہ ہو تو احتياط واجب ہے کہ حاکم شرع (قاضي) سے اجازت لے کر مقدار قرض کو کسي فقير کے حوالے کردے فقير چاہے سيد ہو يا غير سيد.
مسئلہ 1945:اگر ميت کاتر کہ واجب کفن، دفن، قرض سے زيادہ نہ ہو تو ترکہ کو ان ہي چيزوں (کفن، دفن، قرض) ميں صرف کردينا چاہئے ورثاء کو کچھ بھي نہيں ملے گا.
مسئلہ 1946: سونے يا چاندي کے رائج الوقت يا غير رائج الوقت سکوں کو اگر قرض لے اور بعد ميں ان کي قيمت کم ہوجائے يا زيادہ ہوجائے تو اس کو اتني ہي مقدار واپس کرني ہوگي جتني لي ہے چاہے قيمت زيادہ ہوگئي ہو يا کم ہوگئي ہو.
مسئلہ 1947:اگر ادائيگي قرض کا وقت اجائے اور قرض لي ہوئي چيز بعينہ موجود ہو اور قرض دينے والا اسي کو مانگ رہا ہو جب بھي ضروري نہيں ہے کہ اسي کو ديدے اگر چہ احتياط مستحب يہي ہے کہ وہي ديدے.
مسئلہ 1948: اگر قرض دينے والا شرط کرے کہ جتنا دے رہاہوں اس سے زيادہ لوں گا تو وہ سود ہے اور حرام ہے خواہ چيز کو قرض دے رہاہے وہ وزن و پيمانے سے خريد و فروخت ہوتي ہو يا عدد سے بلکہ اگر يہ طے کرليں کہ قرض لينے والا اس کے لئے کوئي کام انجام دے يا جو جنس لے رہاہے اس کے علاوہ دوسري جنس بھي دينا ہوگا يا طلاي نساختہ دے کر شرط کرے کہ اتناہي طلائے ساختہ واپس کرنا ہوگا تو يہ سب سودہے اور حرام ہے البتہ مقروض اپني طرف سے کچھ زيادہ ديدے بغير کسي شرط کے تو جائز ہئے بلکہ مستحب ہے.
مسئلہ1949: سود کا لينا دينا دونوں حرام ہے سود پر قرض دينے والا اور لينے والا اس کا مالک نہيں ہو تا اور نہ اس ميں تصرف جائزہے البتہ اگر ايسا ہو کہ قرارداد ميں سودکي شرط نہ بھي ہوتي اور وہ زيادہ نہ بھي ديتا تب بھي مالک راضي تھا کہ اس ميں تصرف کرے تو تصرف کرنا جائزہے.
مسئلہ1950:اگر گيہوں يا کسي اور چيز کا سودي بيج قرض لے کر کھيتي کرے تو اس کھيت سے جو بھي پيدا وار ہو مالک کي ہوگي قرض لينے والے کي تہ ہوگي.
مسئلہ 1951:اگر لباس خريد کر اس کي قيمت ميں سود پرلي ہوئي رقم دے يا جو رقم سودي مال سے مخلوط ہو اس کو مالک لباس کو ديدے تو اگر خريد تے وقت ہي اس کي نيت يہ رہي ہو کہ اس قسم کي رقم اس کودے گاتب تو اس لباس کا پہننا اس ميں نماز پڑھنا محل اشکال ہے ليکن اگر خريد تے وقت يہ نيت نہ رہي بلکہ بعد مين ايسا ارادہ کرليا ہو تب کوئي حرج نہيں ہے ليکن مال حرام دے کر وہ برئي الذمہ نہيں ہوگا.
