مسئلہ597 مسلمان کي قبرکھولناحرام ہے چاہے وہ قبربچے ياديوانہ کي ہو قبر کھولنے سے مراد يہ ہے کہ اس طرح کھولا جائے کہ ميت کا بدن ظاہر ہوجائے ليکن اگر بدن ظاہر نہ ہو تو کھولنے ميں کوئي اشکال نہيں ہے مگر يہ کہ خود کھولنا ذلت و بے احترامي کا باعث ہو (تو حرام ہے).
شهيد کے احکام مسئلہ 603 : مسلمان ميت کو غسل و کفن دينا واجب ہے (جيساکہ گزر چکا) ليکن دو گروہ اس حکم سے مستثني ہيں.اول : جو لوگ اسلام کي راہ ميں ميدان جہاد ميں پيغمبر(ص) امام معصوم(ع) يا ان کے نائب خاص کے ہمراہ قتل کئے جائيں جن کو ”شہداء راہ خدا“ کہا جاتا ہے اسي طرح جو لوگ امام زمانہ (عج) کي غيبت ميں دشمنان اسلام سے دفاع کرتے ہوئے قتل ہوجائيں خواہ مرد ہوں يا عورت بڑے ہوں يا چھوٹے ان لوگوں کے لئے غسل و کفن و حنوط واجب نہيں ہے بلکہ ان لوگوں کو ان ہي کے لباس ميں نماز پڑھ کر دفن کرديا جائے گا.
مسئلہ 521 : اگر کوئي کہے کہ ميں ميت کا وصي يا ولي ہوں يا ميت کے ولي نے مجھے اجازت دي ہے کہ اس کے اعمال بجالاؤں اور ميت کا بدن(بھي)اس کے اختيار ميں ہو تو ميت کے امور کي انجام دہي اس کي اجازت سے ہوني چاہئے.
مسئلہ 522 : اگر ميت اپنے کاموں کے ليے اپنے ولي کے علاوہ کسي اور کو معين کر جائے مثلا وصيت کرجائے کہ فلاں شخص ميري نماز جنازہ پڑھے تو اس پر عمل کرنا واجب ہے ويسے احتياط مستحب ہے کہ ولي سے بھي اجازت لے لي جائے ليکن ميت نے جس شخص کو ان امور کي انجام دہي کے لئے معين کيا ہے ضروري نہيں کہ وہ شخص قبول بھي کرلے اگر چہ قبول کرلے تو بہتر ہے اور اگر قبول کرے تو اس کے مطابق عمل کرے.
مسئلہ 523 : اگر معلوم ہو کہ ولي راضي ہے ليکن زبان سے صريحي طور پر نہيں کہا تو بس ظاہر حال سے اگر اس کي اجازت کا اندازہ ہوجاتا ہے تو وہي کافي ہے.
مسئلہ 541 : مسلمان ميت کو تين کپڑوں ميں کفن دينا واجب ہے ايک لنگ دوسرا پيراہن(قميض) تيسرے سرتا سري(چادر).
مسئلہ 542 : لنگ ايسي ہو کہ ناف سے زانو تک تمام اطراف بدن کو چھپا سکے اور بہتر يہ ہے کہ سينہ سے پيروں تک پہونچ جائے اور بناء بر احتياط واجب قميص کاندھے سے آدھي پنڈلي تک تمام بدن کو چھپا سکنے والي ہو اور چادر بناء براحتياط واجب اتني لمبي ہو کہ سر اور پيروں کي طرف سے باندھنا ممکن ہو اور چوڑائي اتني ہو کہ ايک طرف کا حصہ دوسري طرف ڈالا جاسکے.
مسئلہ 543 : واجب اور مستحب کفن رفا(دونوں)کو ميت کے مال سے ليا جاسکتا ہے چاہے ميت کے ورثاء ميں نابالغ بھي موجود ہوں ليکن عرف سے زائد مقدار کو نابالغ کے حق سے نہيں ليا جاسکتا مگر يہ کہ اس نے وصت کردي ہو تو ايسي صورت ميں زايد کو تيسرے حصے سے ليا جاسکتا ہے.
مسئلہ 545 : عورت کا کفن شوہر کے ذمہ ہے چاہے عورت خود مالدار ہو جس عورت کو طلاق رجعي دي گئي ہے اگر وہ عدت تمام ہونے سے پہلے مرجائے تو اس کابھي کفن شوہر کے ذمہ ہوگا.
مسئلہ 544 : کفن کي مقدار واجب اور ديگر واجبات مثلا غسل، حنوط، دفن کے اخراجات کو اصل مال سے ليا جائے گا اس ميںکسي وصيت کي ضرورت نہيں ہے اور اگر ميت کے پاس مال نہيں ہے تو يہ اخراجات بيت المال سے کئے جائيں گے.
مسئلہ 547 : احتياط واجب ہے کہ کفن کے تينوں ٹکڑے اتنے موٹے ہوں کہ ميت کا بدن دکھائي نہ دے.
مسئلہ 548 : غصبي کپڑے ميں کفن دينا جائز نہيں ہے چاہے کفن کے لئے کوئي دوسري چيز مہيا نہ ہوسکے اور اگر ميت کو غصبي کفن ديا گيا ہو اور اس کا مالک راضي نہ ہو تو ميت کے بدن سے اس کفن کا اتار لينا واجب ہے چاہے اس کودفن بھي کرچکے ہوں اور يہ ذمہ داري اس شخص کي ہے س نے يہ کام کيا ہے اسي طرح مردار کي کھال اور نجس چيز ميں بھي کفن دينا جائز نہيں ہے اور احتياط واجب يہ ہے کہ خالص ريشمي کپڑے اور سونے کي تاروں سے بنے ہوئے کپڑے اور اس لباس ميں جس کو حرام گوشت جانور کي اون اور بال سے بنايا گيا ہو کفن نہ ديں ہاں اگر مجبور ہوں تو اور بات ہے.
