جامع المسائل، مرکز پاسخگویی به احکام شرعی و مسائل فقهی

مسئلہ 703: نماز شب بہت ہی اہم نوافل میں سے ہے روایات اسلامی اور قرآن میں اس کی بہت تاکید کی گئی ہے۔روح کی صفائی، قلب کی طہارت، انسانی نفوس کی تربیت اور حل مشکلات کے لئے بہت ہی زیادہ موثر ہے ۔ دعا کی مشہور کتابوں میں اس کے آداب ذکر کئے گئے ہیں خصوصا نافلہ وتر کی قنوت کے لئے۔ ان آداب کی رعایت اچھی بات ہے لیکن ان آداب کے بغیر بھی معمولی نمازوں کی طرح نماز شب کو پڑھا جا سکتا ہے ۔ اگر کوئی کسی مجبوری کی بناء پررات کے آخری حصہ میں نہیں اٹھ سکتا تو سونے سے پہلے پڑھ لے۔