وہ چیزیں جن سے وضو باطل ہوجاتا ہے
مسئلہ 344 : آٹھ چیزیں وضو کو باطل کردیتی ہیں۔1۔ پیشاب کا نکلنا۔2۔ پاخانہ کا نکلنا۔3 ۔ وہ ہو ا جوپاخانہ کے مقام سے خارج ہوتی ہے۔4۔ وہ نیند جو عقل پر غالب آجائے اور اس کی وجہ سے نہ آنکھ دیکھے اور نہ کان سنے۔ لیکن اگر آنکھ نہ دیکھے اور کان سنے تو باطل نہیں ہے۔5۔ وہ تمام چیزیں جو عقل کو زائل کردیتی ہیں جیسے مستی، بے ہوشی، دیوانگی(بناء براحتیاط واجب)۔6۔ استحاضہ 7۔ جس کام کے لئے غسل کی ضرورت پڑے جیسے جنابت۔8۔ انسان کی میت کو چھونا۔