Oruc tutmuş insana məkruh olan işlər
Məsələ 1398: Oruc tutan şəxsə bir neçə iş məkruhdur: 1. Gözə dərman tökmək;2. Sürmə çəkmək , əgər dadı, iyi boğaza çatarsa;3. Zəifliyə səbəb olan işləri görmək, qan almaq, hamama getmək kimi; 4. Burunotu çəkmək, əgər boğaza çatacağını bilməsə; amma əgər boğaza çatacağını bilsə caiz deyildir;5. Ətirli bitkiləri iyləmək;6. Ehtiyata görə, qadının suda oturması;(Daha yaxşı oturmamasıdır)7. Ehtiyata görə, qeyri-maye şeylərlə imalə etmək ;(Daha yaxşı budur ki, istifadə etməsin)8. Bədəndəki paltarları islatmaq;9. Diş çəkdirmək, ağızdan qanın gəlməsinə və zəifliyə səbəb olan bütün işlər ;10. Təzə çubuqla dişi fırçalamaq; 11. Məninin çölə gəlməsi qəsdi olmadan həyat yoldaşını öpmək, yaxud şəhvətini təhrik edən hər bir iş görmək. Amma məninin çölə gəlməsi qəsdi ilə olsa, orucu batildir.