Səcdə ayəsini radio və televiziyadan eşitmək
Radio və televiziya vasitəsilə səcdə ayəsini eşitsək, səcdə vacibdirmi?
Quran qiraəti canlı yayımlanırsa, səcdə etmək vacibdir. Canlı olmasa ehtiyatdır.
Namazı düz öyrənə bilməyən qocalar
Namazında çoxlu səhvə yol verən və onları düzəltməyə qadir olmayan qoca qarının namazının hökmü nədir?
Öyrənməyə qadir deyilsə, hansı şəkildə qıla bilirsə, elə də qılsın.
Cümə günü zöhr namazını ucadan qılmaq
Cümə günü zöhr namazının qiraətini ucadan oxumaq caizdir?
Səfərdə olmasa ucadan oxumaq müstəhəbdir. Səfərdə olarsa camaatla qılan halda (ucadan oxumaq) müstəhəbdir, fürada halda isə yox.
“Yovmiddin” ifadəsində “ya” hərfini zəmmə ilə tələffüz etmək
Bir kəs namazda “Həmd” surəsini qiraət edərkən “Maliki yovmiddin” cümləsində “yovm” sözünün, “ya” hərfini zəmmə ilə tələffüz edir. Bir halda ki, onu səhih tələffüz edə də bilərdi, lakin məsələnin hökmünü bilmirdi. Onun namazları səhihdirmi? Yoxsa onları yenidən qəza etməsi lazımdır?
Əgər məqsəd, “ya” hərfinin hərəkəsinin zəmməni xatırlatmasıdırsa, bunun eybi yoxdur. Çünki, belə hallarda ərəblər də bu şəkildə tələffüz edirlər. Amma əgər aşkar şəkildə ona zəmmə versə, müşküldür. Cahili-qasir olduğu təqdirdə isə zərəri (eybi) yoxdur.
Namazda səhih qiraət dedikdə məqsəd
“Namazın zikri və qiraəti səhih oxunmalıdır” - deyəndə məqsəd nədir?
Düz tələffüz etmək o həddə lazımdır ki, ərəb onu səhih ərəb dilində bilsin. Lakin təcvid alimlərinin qeyd etdikləri dəqiq nöqtələri gözləmək lazım (vacib) deyil.
Namazı qeyri-məşhur qiraətlə qılmaq
Namazın qiraətini qiraət formalarının hamısına uyğun yerinə yetirmək olarmı?
Müsəlmanlar içində məşhur qiraət olsa, eybi yoxdur. Bizim zəmanəmizdə Həfsin rəvayətinə müvafiq olan Asimin qiraəti məşhurdur və adi Quranlarda da həmin qiraət mövcuddur, buna görə də digərlərinin qiraətlərindən istifadə etmək işkalsız deyil.
Cümə günü zöhr namazını ucadan qılmaq
Cümə günü zöhr namazının qiraətini ucadan oxumaq caizdir?
Səfərdə olmasa ucadan oxumaq müstəhəbdir. Səfərdə olarsa camaatla qılan halda (ucadan oxumaq) müstəhəbdir, fürada halda isə yox.
Süni (protez) ayaqlarla namazı ayaq üstə qılmaq
Süni ayaqdan istifadə edən əlil qardaşlar bu ayaqlar vasitəsilə namazı ayaq üstə qılırlar. Bəzən ayaqlarının yorulduğundan və ya yaralanmasını ehtimal verərək protez ayağı çıxarıb namazlarını oturan yerdə qılırlar. Belə fərdlərə süni ayaqların köməyi ilə həmişə ayaq üstə namaz qılmaq vacibdirmi? Yoxsa belə hallarda namazı oturan yerdə də qıla bilərlər?
Çətin və məşəqqətli olmasa, əsaya və s. söykənməklə olsa belə namazı ayaq üstündə qılsınlar. Lakin çətin və məşəqqətli olsa və narahatçılığa səbəb olsa, oturan yerdə namaz qılsınlar.
Əlinin (əleyhis-səlam) vilayətinə şəhadəti azanın hissəsi qəsdi ilə demək
Azanda "Əşhədu ənnə Əliyyən vəliyyullah" demək ixtira və bidətdirmi?
Bidət budur ki, azanın hissəsi qəsdi ilə deyilsin. Əgər bu qəsd olmasa, bidət deyil və eybi yoxdur. Şiələr bu məqsədlə demirlər.
Məsciddən verilən azan səsinin çoxaldılması
Məscidin qonşularının etiraz etdikləri və azan səsinin onların narahatçılığına səbəb olmasını bildirdikləri halda, məscidin azan səsini çoxaltmaq, xüsusilə də sübh azanı vaxtı bunu etmək caizdirmi?
Azan səsini adi və normal həddə çoxaltmağın eybi yoxdur və qonşular azan səsinə mane ola bilməzlər.
Azanda Əmirəl-mömininin vilayətinə şəhadət verilməsi
Möminlərin Əmiri, müttəqilərin mövlası Həzrət Əli ibn Əbi Talibin (əleyhis-səlam) vilayətinə şəhadət vermək şiə ictimaiyyətində hansı tarixdən azanda deyilmişdir?
Bəzi hədislərdən belə məlum olur ki, bu iş İmamların (əleyhimus-salam) əsrindən başlamışdır. Lakin o dövrdə özünə ümumi hal almamışdı. Sonradan şiələrin şüarına çevrilmişdir. (Əlavə məlumat üçün nəfis "Müstəmsək" kitabının azan və iqamə hissəsinə baxın.)
Məscid ərazisindən idman fəaliyyətləri üçün istifadə etmək
Məscidin ərazisindən (məsələn, həyət, zirzəmi və s.) dini təlimlərlə (Quran təlimi, əhkam və əqaid) yanaşı, sağlam mədəni fəaliyyətlər üçün tennis stolu gətirməyin hökmü nədir?
Yuxarıda sözü gedən avadanlıqdan məscidin şəbistanında və fəzasında istifadə etmək caiz deyil. Amma əgər məsciddə kitabxana və ya mədəni-maarif fəaliyyətlər üçün salon tikilmişdirsə, bu kimi işlər üçün onun fəzasından istifadə etmək olar.
