مسئلہ 147 : زمين، کپڑا يا اس کي مانند کوئي چيز اگر رطوبت رکھتي ہو اور نجس چيز اس سے متصل ہوجائے تو وہ ہي حصہ نجس ہوگا باقي پاک رہے گا البتہ اگر رطوبت اتني زيادہ ہو کہ ايک جگہ سے دوسري جگہ سرايت کرجاتي ہو تو سب نجس ہوجائے گي يہي صورت لکڑي، کھيرا، خربوزہ، دہي وغيرہ کي بھي ہے کہ اگر رطوبت بہت زيادہ نہ ہوئي تو صرف وہي جگہ نجس ہوگي جہاں پر نجاست لگي ہے.
مسئلہ 167: اگرصاحب اليد يعني جس کے اختيار ميں وہ چيز ہے کسي چيز کے نجس ياپاک ہونے کے بارے ميں خبر دے تو قبول کرنا چاہئے چاہے وہ عادل ہو يا نہ ہو بشرطيکہ بالغ ہو لہذانابالغ کا اس بارے ميں خبر دينا قابل قبول نہيں ہے البتہ اگر اس کي اطلاع پر اطمينان ہوجائے تو قبول کرلينا چاہئے.
مسئلہ 148 : اگر مکھي يا کوئي ايسي ہي چيز نجس چيز پر بيٹھ جائے جو گيلي ہو اس کے بعد پاک چيز پر بيٹھے تو پاک چيز نجس نہيں ہوگي کيوں کہ يہ احتمال ہے کہ اس قسم کے حشرات کے پاوںرطوبت کو اخذ نہ کرتے ہوں ليکن اگر معلوم ہوجائے کہ مکھي اپنے ساتھ نجاست لے گئي ہے اور وہ نجاست سرايت کرگئي ہے تو نجس ہو جائے گي.
مسئلہ 149 : بدن کا وہ حصہ جس پر پسينہ ہو اگر وہ نجس ہوجائے تو پسينہ جہاں جہاں سرايت کرے گا وہ حصہ نجس ہوتا جائے گا.
مسئلہ ۱۵۰ : گلے یا ناک سے جو سودا، بلغم، صفرا باہر آتے ہیں اگر وہ غلیظ ہوں اور اس میں کسی جگہ ذرا سا خون بھی ہو تو وہی جگہ نجس ہے اور اگر وہ بہنے والا ہو تو سب نجس ہے۔
مسئلہ ۱۵۱ : اگر کسی ایسے برتن کو جس کے نیچے سوراخ ہو نجس زمین پر رکھ دیں تو اگر پانی تیزی کے ساتھ اس سے نکل رہا ہو تو برتن کا اندرونی حصہ نجس نہیں ہوگا۔
مسئلہ ۱۵۲ : اگر کوئي چيز جيسے سوئي بدن کے اندر کسي نجاست (جيسے خون) سے لگ جائے تو اگر باهر نکالتے وقت خون سے سني هوئي نه هو تو نجس نهيں هے. اسي طرح سے بلغم يا تھوک اگر منھ يا ناک کے اندر خون سے مل جائے تو نجس نهيں هونگے۔
مسئلہ 153 : اگر کوئي چيز نجس ہوجائے مثلاہاتھ پر پيشاب لگ جائے تو اگر گيلے ہاتھ سے کسي پاک چيز کو پکڑيں تو وہ چيز بھي نجس ہوجائے گي.
مسئلہ 155 :نجس چيز بيچنے ياعارية (ادھار) دينے ميں کوئي حرج نہيں ہے اور اطلاع دينا بھي ضروري نہيں ہے ليکن اگر يہ معلوم ہو کہ خريدار اس کو کھانے پينے نماز يااس جيسي چيزوں ميں استعمال کرے گا تو ايسي صورت ميں احتياط واجب يہ ہے کہ مطلع کردے اسي طرح اگر ادھار لينے والے کے يہاں نجس ہوجائے تو پلٹاتے وقت ايسي صورت ہي ميں بتانا ضروري ہے.
مسئلہ 157 : اگر ميزبان کھاتے وقت متوجہ ہوجائے کہ کھانا نجس ہے تو بناء بر احتياط مہمانوں کو بتا دينا چاہئے ليکن اگر کوئي ايک مہمان اس بات کي طرف متوجہ ہوجائے تواس کے لئے ضروري نہيں ہے کہ دوسروں کو بتائے بلکہ صرف خود اس کواجتناب کرنا چاہئے.
مسئلہ ۱۶۱ : کافر کے ہاتھ میں قرآن دینا اگر بے احترامی کا باعث ہو تو حرام ہے اور اگر اس کی ہدایت یا اسلام کی تبلیغ کے لئے ہو تو جائز ہے بلکہ کبھی واجب ہے۔
مسئلہ 163 : قرآن کے ورق کا پاک کرنا صرف اسي شخص کافريضہ نہيں ہے جس نےاس کو نجس کيا ہے بلکہ جس کے بھي علم ميں ہو اسي کا فريضہ ہے کہ پاک کرے اور اگر ايک شخص بھي اس فريضہ کو انجام ديدے تودوسروں سے ساقط ہوجائے گا? ليکن اگر قرآن دوسرے کي ملکيت ہے اور دھونے سے ختم ہوجائے گا يا خراب ہوجائے گا تو جس نے اس کو نجس کيا ہے اس کو چاہئے کہ مالک کے خسارہ کو ادا کرے.
