مرکز پاسخگویی به احکام شرعی و مسائل فقهی

مسئلہ 523 : اگر معلوم ہو کہ ولي راضي ہے ليکن زبان سے صريحي طور پر نہيں کہا تو بس ظاہر حال سے اگر اس کي اجازت کا اندازہ ہوجاتا ہے تو وہي کافي ہے.

مسئلہ 541 : مسلمان ميت کو تين کپڑوں ميں کفن دينا واجب ہے ايک لنگ دوسرا پيراہن(قميض) تيسرے سرتا سري(چادر).

مسئلہ 542 : لنگ ايسي ہو کہ ناف سے زانو تک تمام اطراف بدن کو چھپا سکے اور بہتر يہ ہے کہ سينہ سے پيروں تک پہونچ جائے اور بناء بر احتياط واجب قميص کاندھے سے آدھي پنڈلي تک تمام بدن کو چھپا سکنے والي ہو اور چادر بناء براحتياط واجب اتني لمبي ہو کہ سر اور پيروں کي طرف سے باندھنا ممکن ہو اور چوڑائي اتني ہو کہ ايک طرف کا حصہ دوسري طرف ڈالا جاسکے.

مسئلہ 543 : واجب اور مستحب کفن رفا(دونوں)کو ميت کے مال سے ليا جاسکتا ہے چاہے ميت کے ورثاء ميں نابالغ بھي موجود ہوں ليکن عرف سے زائد مقدار کو نابالغ کے حق سے نہيں ليا جاسکتا مگر يہ کہ اس نے وصت کردي ہو تو ايسي صورت ميں زايد کو تيسرے حصے سے ليا جاسکتا ہے.

مسئلہ 545 : عورت کا کفن شوہر کے ذمہ ہے چاہے عورت خود مالدار ہو جس عورت کو طلاق رجعي دي گئي ہے اگر وہ عدت تمام ہونے سے پہلے مرجائے تو اس کابھي کفن شوہر کے ذمہ ہوگا.

مسئلہ 544 : کفن کي مقدار واجب اور ديگر واجبات مثلا غسل، حنوط، دفن کے اخراجات کو اصل مال سے ليا جائے گا اس ميںکسي وصيت کي ضرورت نہيں ہے اور اگر ميت کے پاس مال نہيں ہے تو يہ اخراجات بيت المال سے کئے جائيں گے.

مسئلہ 547 : احتياط واجب ہے کہ کفن کے تينوں ٹکڑے اتنے موٹے ہوں کہ ميت کا بدن دکھائي نہ دے.

مسئلہ 548 : غصبي کپڑے ميں کفن دينا جائز نہيں ہے چاہے کفن کے لئے کوئي دوسري چيز مہيا نہ ہوسکے اور اگر ميت کو غصبي کفن ديا گيا ہو اور اس کا مالک راضي نہ ہو تو ميت کے بدن سے اس کفن کا اتار لينا واجب ہے چاہے اس کودفن بھي کرچکے ہوں اور يہ ذمہ داري اس شخص کي ہے س نے يہ کام کيا ہے اسي طرح مردار کي کھال اور نجس چيز ميں بھي کفن دينا جائز نہيں ہے اور احتياط واجب يہ ہے کہ خالص ريشمي کپڑے اور سونے کي تاروں سے بنے ہوئے کپڑے اور اس لباس ميں جس کو حرام گوشت جانور کي اون اور بال سے بنايا گيا ہو کفن نہ ديں ہاں اگر مجبور ہوں تو اور بات ہے.

مسئلہ 549 : جانوروں کي کھال ميں کفن دينا چاہے وہ حلال گوشت حيوان کي ہو مجبوري کے علاوہ محل اشکال ہے البتہ حلال گوشت حيوان کے اون اور بال سے بنے ہوئے لباس ميں کفن دينے ميں کوئي حرج نہيں ہے اگر چہ احتياط مستحب يہي ہے کہ اس کو بھي ترک کرديں.

مسئلہ 550 : اگر کفن کسي بيروني نجاست سے يا خود ميت کي نجاست سے نجس ہوجائے تو اس کو دھو ڈاليں يا اگر کفن برباد نہ ہوتا ہو تو اس کو کاٹ ديں اور اگر يہ سب ممکن نہ ہو اور بدل سکتے ہوں تو کفن کو بدل دينا چاہئے.

مسئلہ 551 : حج يا عمرے کا احرام باندھے ہوئے اگر کوئي مرجائے تو دوسروں کي طرح اس کو بھي کفن ديں اور اس کے سر اور چہرے کو چھپانے ميں کوئي حرج نہيں ہے.

مسئلہ 552 : غسل تمام ہونے کے بعد ميت کو حنوط کرنا واجب ہے يعني سجدہ کے ساتوں مقامات : پيشاني، دونوں ہتھيلياں، دونوں گھٹنے، دونوں پيروں کے انگوٹھے پر کافور کا ملنا اور احتياط يہ ہے کہ تھوڑا(تھورا) کافور ان اعضا پر ڈال ديں کافور کو پاک، مباح، تازہ اور خوشبو دار ہونا چاہئے.