مرکز پاسخگویی به احکام شرعی و مسائل فقهی

مسئلہ 2322 ہمارے زمانے ميں جو ادارے يا انجمنيں بنائي جاتي ہيں اور ان کو رجڑڈ کراياجاتا ہے اور اس ميں جو تنخواہ ہيں (و غيرہ) معين ہوتي ہيں ان کي ملکيت ميں کوئي بھي چيز دي جاسکتي اور اس صورت ميں انجمن يا ادارہ کے شرائط کے مطابق اس ميں تصرف کياجائے گا اس قسم کے اداروں کے اموال بعض اعتبار سے وقف کے مشابہ ہيں مگر وقف نہيں ہيں بلکہ ان کا مالک ادارہ ہي ہے اور اگر اس ادارہ کا کوئي باني يا ادارہ کرنے والوں ميں سے کوئي شخص مرجائے تو اس کے وارث کو اس ميں سے کچھ نہ ملے گا ہاں اگر دستور العمل ميں ہے تو دياجائے گا اور يہي حکم ان اداروں اور انجمنوں کا بھي ہے جو عقلاء کي شرائط پر تشکيل تو دئيے جاچکے ہيں مگر ابھي رجڑڈ نہيں ہوسکے ہيں.

مسئلہ 2305: جس چيز کو وقف کياجاتاہے وہ وقف کرنے والے کي ملکيت سے نکل جاتي ہے نہ تو وقف کرنے والا اور نہ دوسرا کوئي اس کو بيچ سکتاہے نہ ہي کسي کو بخش سکتاہے اور نہ کوئي اس کا وارث ہوسکتاہے ہاں مسئلہ 1786 کے مطابق بعض حالات ميں اس کو بيچا جاسکتاہے.

مسئلہ 2306: وقف کا صيغہ عربي اور کسي بھي دوسري زبان ميں جاري کياجاسکتا ہے مثلا اگر کوئي صرف اتنا کہدے کہ ميں نے اپنے گھر کو فلاں مقصد کے لئے وقف کرديا تو کافي ہے قبول کي بھي ضرورت نہيں ہے چاہے وقف خاص ہو يا وقف عام اگر چہ وقف عام ميں حاکم شرع کا قبول کرنا مستحب ہے اور جن لوگوں کے لئے وقف کياگياہے وقف کياگياہے وقف خاص ميں وہ لوگ قبول کريں.

مسئلہ 2307: معاطاتي وقف بھي صحيح ہے مثلا مسلمانوں کے لئے وقف کي نيت سے مسجد بناکر مسلمانوں کے اختيار ميں ديدي جائے تب بھي کافي ہے چاہے صيغہ لفظي نہ بھي پڑھاجائے.

مسئلہ 2308: اگر کسي جائيداد کو وقف کے لئے معين کرے اور صيغہ جاري کرنے سے پہلے يا جن کے لئے وقف کياہے ان کي تحويل ميں دينے سے پہلے پشيمان ہوجائے يا مرجائے تو وقف صحيح نہيں ہے.

مسئلہ 2309: جو شخص وقف کرے بنابر احتياط واجب صيغہ جاري کرنے کے وقت سے لے کر ہميشہ کے لئے وقف کرے اور ارگ يہ کہے: ميرے مرنے کے بعد ميرا يہ مال وقف ہے تو اس ميں اشکال ہے يا اگر کہے اب سے دس سال تک کے لئے وقف ہے تب بھي اشکال ہے بلکہ وقف، ہميشہ کے لئے اور صيغہ جاري کرنے کے وقت سے ہوتاہے.

مسئلہ 2310:وقف اس وقت صحيح ہوتاہے جب وقف شدہ مال کو خود ان لوگوں کے تصرف ميں ديد يا جائے جس کے لئے وقف کياگياہے يا ان کے وکيل يا ولي کے حوالہ کردياجائے البتہ عمومي وقف کے جگہيں جيسے مساجد و مدارس و غيرہ ميں قبضہ ميں دينا شرط نہيں ہے اگر چہ احتياط مستحب يہي ہے کہ صيغہ جاري کرنے کے بعد ان لوگوں کے حوالہ کرديا جائے جس کے لئے وقف کياگياہے تا کہ وقف کامل ہوجائے.

مسئلہ 2311:وقف کرنے والے کو بالغ ، عاقل ہونے کے ساتھ خود مختار اور قاصد (قصد کرنے والا)، ہونا چاہئے اور شرعا اپنے مال ميں حق تصرف بھي رکھتاہولہذا لاابالي اور وہ مقروض افراد جسکو کو حاکم شرع نے اس کے مال ميں تصرف کرنے سے روک دياہو اگر ايسے لوگ اپنے مال کو وقف کريں تو صحيح نہيں ہے.

مسئلہ 2311 جو لوگ ابھي پيدا نہ ہوئے ہوں ان کے لئے وقف کرنا صحيح نہيں ہے البتہ اگر ايسے اشخاص کے لئے وقفل کياجائے جن ميں کچھ لوگ تو پيدا ہوچکے ہوں اور کچھ ابھي پيدا نہ ہوئے ہوں تو وقف صحيح ہے جيسے موجودہ لڑکے کي اور ائندہ نسل کے لئے تو جولوگ بعد ميں پيداہوں گے وہ بھي اس وقف ميں شريک ہوں گے.

مسئلہ 2313:اگر کوئي شخص کسي چيز کو اپنے لئے وقف کرے مثلا ايک جائيداد وقف کرے کہ اس کا نفع اس کو ملتار ہے يا اس کے مرنے کے بعد اس کے مقبرہ پرصرف کياجائے ، تو صحيح نہيں ہے ليکن اگر کسي مدرسہ يا زمين کو مثلا طلاب کے لئے وقف کرے اور خود بھي لما لبعلم ہو تو وہ خود بھي دوسرے طالب علموں کي طرح اس سے فائدہ حاصل کرسکتا ہے.

مسئلہ 2314:جو مال وقف کياہے اگر اس کا متولي معين کرے تو اس کو معاہدہ کے مطالعہ عمل کرنا ہوگا اور اگر وقف کرنے والا متولي معين نہ کرے اور وہ وقف عام وقف ہو (جيسے مدرسہ و مسجد) تو متولي معين کرنا حاکم شرع کا وظيفہ اور اگر وہ وقف خاص ہو، جيسے اولاد کے لئے وقف ہو، تو جو امور مصلحت وقف سے متعلق ہوں اور بعد والے طبقات سے مربوط ہوں ان کے بارے ميں احتياط يہ ہے کہ موجودہ نسل اور حاکم شرع ايک دوسرے سے موافقت کرکے متولي معين کرےں اور اگر ايسے امور ہوں جو صرف موجودہ طبقہ کے منافع سے مربوط ہوں تو اس کا اختيار خود ان لوگوں کو ہے بشرطيکہ وہ بالغ ہوں اور اگر نابالغ ہوں تو ان کے ولي کے اختيار ميں ہے.

مسئلہ 2315:وقف خاص کا متولي اگر جائيداد کو کرايہ پر دينے کے بعد مرجائے اور کرايہ پر مصلحت وقف و ايندہ طبقات کي مصلحت کا لحاظ رکھاگيا ہو تو کرايہ باطل نہيں ہوگا ليکن اگر وقف خاص کا متولي نہ ہو اور پہلے طبقہ والوں نے کرايہ پردياہو اور کرايہ کي مدت کے در ميان ميں يہ لوگ مرجائيں تو ايندہ کے لئے کرايہ کو باقي رکھنا بعد والے طبقہ کي اجازت کے بغير محل اشکال ہے اور اگر کرايہ دار نے پورا کرايہ پہلے ہي ديديا ہو تو پہلے طبقہ کے مرنے کے بعد کا جو کرايہ ہوتاہے اس کو واپس لے کر بعد والے طبقہ کو ديد يا جائے گا اس شرط کے ساتھ کہ بعد والے طبقہ نے کرايہ کي اجازت دي ہو.