مسئلہ 1457: مہينہ کي پہلي تاريخ جنتر يوں اور نجوميوں کے حساب سے ثابت نہيں ہوتي.چاہے وہ لوگ اہل اطلاع و دقت نظر کے مالک ہوں البتہ اگر ان کے کہنے سے يقين ہوجائے تو يقين پر عمل کرسکتا ہے اسي طرح چاند کا اونچا ہونا، دير ميں غروب ہو نا اس بات کي دليل نہيں ہے کہ سابقہ رات چاندرات تھي.
مسئلہ ۱۴۵۸: اگر کسی شہر میں مہینے کی پہلی تاریخ ثابت ہوجائے تو اس کے نزدیک والے شہروں میں بھی چاندمان لیاجائے گا یا اگر شہر دور ہیں مگر افق ایک ہی ہو تب بھی چاند ثابت ہوجائے گا اسی طرح اگر مشرقی شہروں میں چاند دیکھا جائے تو جو شہر مغرب میں ہیں ان کے لئے بھی پہلی تاریخ ثابت ہوجائے گی (مثلا مشہد میں چاند ثابت ہوجائے تو تہران والوں کے لئے کافی ہے لیکن اگر تہران میں چاند دکھائی دے تو یہ مشہد والوں کے لئے کافی نہ ہوگا۔
مسئلہ 1459: اگر اول ماہ رمضان ثابت نہ ہو تو روزہ واجب نہيں ہے ليکن اگر بعد ميں ثابت ہوجائے کہ جس دن روزہ نہيں رکھا تھا وہ پہلي رمضان تھي تو بعد ميں قضا واجب ہے.
مسئلہ ۱۴۶۰: جس دن کے بارے میں شک ہو کہ آج آخری رمضان ہے یا پہلی شوال ہے تو روزہ رکھنا چاہئے لیکن اگر دن میں ثابت ہوجائے کہ آج پہلی شوال ہے تو روزہ توڑدے چاہے مغرب کے قریب ہی ہو۔
مسئلہ ۱۴۶۱: قیدی کو اگر ماہ رمضان کا یقین نہ ہو سکے تو اپنے گمان پر عمل کرے اور جس مہینہ کے لئے زیادہ احتمال ہو کہ یہ رمضان ہے اس میں روزہ رکھے اور اگر گمان حاصل نہ ہو تو جس ماہ میں بھی روزہ رکھے صحیح ہے۔ لیکن اگر قید لمبی ہو تو احتیاط واجب ہے کہ دوسرے سال اسی ماہ میں روزہ رکھے جس میں پہلے سال رکھا تھا۔
مسئلہ ۱۴۶۴: جس کو معلوم ہو روزہ اس کے لئے نقصان دہ ہے تو وہ روزہ نہ رکھے اور اگر رکھے تو صحیح نہیں ہے۔ اسی طرح اگر یقین تو نہ ہو لیکن قابل توجہ احتمال ہو کہ روزہ نقصان دہ ہے تب بھی روزہ نہ رکھے خواہ یہ احتمال شخصی تجربہ سے حاصل ہو یا ڈاکٹر کہنے سے۔
مسئلہ ۱۴۶۷: جس دن کے بارے میں شک ہو کہ آخری شعبان ہے پہلی رمضان اگر کوئی روزہ رکھنا چاہے تو آخری شعبان کی نیت سے روزہ رکھے اور اگر پہلی رمضان کی نیت سے رکھے تو حرام اور باطل ہے۔
مسئلہ ۱۴۶۳: عورت کے مستحبی روزہ رکھنے سے اگر شوہر کا حق بر باد ہوتا ہو تو شوہر کی اجازت کے بغیر روزہ نہیں رکھ سکتی بلکہ اگر شوہر کا حق ضائع نہ بھی ہوتا ہوتب بھی احتیاط واجب ہے کہ شوہر کی اجازت کے بغیر مستحبی روزہ نہ رکھے۔ اسی طرح اولاد کا مستحبی روزہ اگر ماں باپ کی اذیت کا سبب ہو تو جائز نہیں ہے۔ لیکن ماں باپ سے روزہ کا اجازت لینا واجب نہیں ہے۔
مسئلہ ۱۴۷۱: مستحبی روزہ رکھنے کے لئے یہ واجب نہیں ہے کہ اسے پورا کرے بلکہ جس وقت چاہے توڑسکتا ہے بلکہ اگر کوئی مومن بھائی کھانے کی دعوت دے تو اس کی دعوت کوقبول کرنا اور دن میں کھا لینا مستحب ہے۔
مسئلہ ۱۴۷۳: روزہ دار کے لئے مستحب ہے کہ روزہ افطار کرنے سے پہلے مغرب و عشاء کی نماز پڑھ لے۔ لیکن اگر حضور قلب کے ساتھ نہ پڑھ سکتا ہو یا کوئی شخص افطار کے لئے اس کا انتظار کر رہاہو۔ تو بہتر ہے کہ پہلے افطار کرے لیکن بس اتنا افطار کرے کہ جس کے بعد نماز کو اس کے فضیلت کے وقت میں پڑھ سکے۔
مسئلہ ۱۴۷۴: خمس سا ت چیزوں پر واجب ہوتا ہے۔۱۔۔۔کار روبار کے منافع۔۲۔۔معادن (کا نیں)۔۳۔۔ خزانے۔۴۔۔ حلال مال جو حرام مال میں مخلوط ہوجائے۔۵۔۔۔در یا میں غوطہ خوری کے ذریعہ حاصل ہونے وا لے جواہرات ۔۶۔۔۔ جنگ کا مال غنیمت۔۷۔۔۔ جوز مین مسلمان سے کا فرذ می خریدے (بناء بر احتیاط واجب)
مسئلہ ۱۴۷۴: خمس سا ت چیزوں پر واجب ہوتا ہے۔۱۔۔۔کار روبار کے منافع۔۲۔۔معادن (کا نیں)۔۳۔۔ خزانے۔۴۔۔ حلال مال جو حرام مال میں مخلوط ہوجائے۔۵۔۔۔در یا میں غوطہ خوری کے ذریعہ حاصل ہونے وا لے جواہرات ۔۶۔۔۔ جنگ کا مال غنیمت۔۷۔۔۔ جوز مین مسلمان سے کا فرذ می خریدے (بناء بر احتیاط واجب)
