مسئلہ 556 : احتیاط واجب یہ ہے کہ میت کو مشک، عنبر اور دوسری عطریات سے معطر نہ کریں حتی کہ حنوط کے لئے کافور کے ساتھ کوئی دوسری خوشبو نہ ملائی جائے۔
موضوع
شماره مسئله
مسئلہ557 : اگر غسل و حنوط دونوں کے لئے کافور کافی نہ ہو تو بناء بر احتیاط واجب غسل کے لئے مقدم کردیں اور اگر کافور ساتوں اعضاء کے لئے کفایت نہ کرے تو پیشانی کو مقدم کریں۔
مسئلہ 558 : کافور کے ساتھ تھوڑی سے خاک شفا کا ملادینا بہتر ہے لیکن اتنی زیادہ بھی نہ ہو کہ کافور، کافور ہی نہ رہے۔
مسئلہ 559 : دو تر وتازہ لکڑیوں کا میت کے ہمراہ قبر میں رکھنا مستحب ہے خواہ کفن کے اندر ہو یا باہر۔
مسئلہ 561 : نماز میت غسل، حنوط و کفن کے بعد پڑھنی چاہئے اگر اس سے پہلے یا اس کے درمیان پڑھی جائے تو نماز باطل ہے چاہے بھول کر ہو یا مسئلہ نہ جاننے کی وجہ سے ہو۔
مسئلہ 562 : نماز میت میں نہ تو وضو، غسل اور تیمم کی شرط ہے اور نہ بدن و لباس کے پاک ہونے کی البتہ احتیاط مستحب ہے کہ دوسری نمازوں میں جن امور کی رعایت کی جاتی ہے اس میں بھی کی جائے۔
مسئلہ 563 : نماز میت کو قبلے کی طرف چہرہ کرکے پڑھنا واجب ہے اسی طرح بناء بر احتیاط واجب میت کو نمازی کے سامنے اس طرح چت لٹائیں کہ میت کا سرنمازی کے داہنی طرف اور پیر بائیں طرف رہیں۔
مسئلہ 564 : نمازی کی جگہ میت سے اونچی یا نیچی نہ ہو ہاں تھوڑی سی اونچائی یا نیچائی میں کوئی حرج نہیں ہے اسی طرح نمازی کو میت سے دور نہیں ہونا چاہئے ہاں جماعت سے پڑھنے والے اگر دور ہوں تو کوئی حرج نہیں ہے بس صف سے اتصال ہونا چاہئے۔
مسئلہ 565 : نمازی میت کے سامنے کھڑا ہوکوئی پردہ یا دیوار حائل نہ ہو البتہ میت اگر تابوت میں رکھی ہو تو کوئی اشکال نہیں ہے۔
مسئلہ 566 : نماز میت کھڑے ہو کر قصد قربت کی نیت سے پڑھنی چاہئے، نیت کے وقت میت کو معین کرنا چاہئے مثلا میں اس میت پر نماز پڑھتا ہوں قربة الی اللہ اور اگر کوئی ایسانہ ہو جو کھڑے ہو کر میت پر نماز پڑھ سکے تو بیٹھ کر پڑھے۔
مسئلہ 567 : اگر میت نے کسی معین شخص کے لئے وصیت کردی ہو کہ فلاں شخص میری نماز جنازہ پڑھے تو اس کی وصیت پر عمل کرنا واجب ہے اور ولی سے اجازت لینا بھی ضروری نہیں ہے ہاں احتیاط مستحب ہے کہ اجازت لے لی جائے۔
مسئلہ 568 : کسی میت پر چند مرتبہ نماز پڑھنی مکروہ ہے بلکہ اگر ایک ہی آدمی چند مرتبہ پڑھے تو محل اشکال ہے لیکن اگر میت اہل علم او رمتقی و پرہیزگار انسان کی ہو تو مکروہ نہیں ہے۔
