مسئلہ 870 : اگر اصل نماز تو خدا کے لئے پڑھے لیکن ریا کاری کے لئے مسجد میں یا اول وقت یا جماعت کے ساتھ پڑھے تو اس کی نماز باطل ہے لیکن اگر ریا کاری مقصود نہیں ہے بلکہ اول وقت یا مسجد میں پڑھنے سے اس کے لئے زیادہ ہے تو کوئی اشکال نہیں ہے۔
مسئلہ 872 : اللہ اکبر کو بھی نماز کے دوسرے اذکار مثلا حمد و سورہ کی طرح صحیح عربی میں کہنا چاہئے۔ غلط عربی یااس کا ترجمہ کافی نہیں ہے۔
مسئلہ874۔ تکبیرةالاحرام ،حمدسورہ اورنمازکے دوسرے اذکارکو اس طرح اداکرے کہ اگرکوئی رکاوٹ نہ ہوتوکم سے کم خودسن لے۔
مسئلہ877۔ تکبیرةالاحرام کہتے وقت اور دیگر تکبیروں کو ادا کرتے ہوئے ہاتھوں کو کانوں تک اٹھانا مستحب ہے ۔
مسئلہ 8: اگر یہ گمان ہوکہ مجتہد کا فتوی بدل گیا ہے تو پہلے فتوے پر عمل کر سکتا ہے اور تحقیق کرنا ضروری نہیں ہے۔
مسئلہ 97: جوکھال ہونٹ ،سر اور انسان کے بدن کے دوسرے حصوں سے جدا ہو جاتی ہے پاک ہے لیکن اگر اس کو زبردستی نوچ کر الگ کریں تو بناء بر احتیاط واجب اس سے اجتناب کرنا چاہئے۔
مسئلہ 96۔ جن اجزاء میں روح ہوتی ہے اگران کوزندہ انسان یاحیوان کے بدن سے جداکیاجائے تونجس ہیں،چاہے تھوڑاساگوشت ہو۔
مسئلہ269۔ ہاتھوں کودھونے کے بعد وضو کے پانی کی تری جو ہاتھ میں رہ گئی ہے اسی سے سرکے اگلے حصہ کا مسح کرنا چاہئے اور احتیاط واجب هے که (مسح) داہنے ہاتھ سے ہو اور بهتر یه هے که اوپر سے نیچے کی طرف ہاتھ کھینچے ویسے نیچے سے اوپر کی طرف کھینچنے میں بھی اشکال نهیں هے
مسئلہ 413: اگر مستحاضہ نماز کے بعد اپنی جانچ کرے اور خون نہ دیکھے تو اپنے اسی وضو کے ساتھ دوسری نماز پڑھ سکتی ہے چاہے کچھ دیر بعد اس کو دوبارہ خون آجائے۔ ليکن اگر نمازوں کو لگاتار (بغير فاصله کے) پڑھ رهي هو اور خون آنے کا یقین نہ ہو تو تحقيق اور جانچ کي ضرورت نهيں هے۔
مسئلہ 614 : اگر یہ اطمینان ہو کہ معین فاصلے سے زیادہ دوری پر پانی موجود ہے اور نماز کا وقت بھی تنگ نہیں ہے تو اگرخلاف معمول(ضرورت سے زیادہ) مشقت نہ ہو تو پانی کی تلاش میں وہاں تک جانا چاہئے لیکن اگر صرف احتمال ہو یا گمان ہو کہ معین فاصلے سے زیادہ دوری پر پانی موجود ہے تو جستجو لازم نہیں ہے۔
مسئلہ 615 : جس شخص پر اطمینان ہو اس کو پانی کی تلاش کے لئے بھیجا جاسکتا ہے اسی طر ح کئی آدمیوں کی طرف سے اگر ایک آدمی(جو مورد اطمینان ہو) چلا جائے تو کافی ہے۔
مسئلہ 616 : اگر نماز کے وقت سے پہلے پانی تلاش کرچکا ہے اور پانی نہیں ملاہے اور وہ نماز کے وقت تک اسی جگہ رہے تو نماز کا وقت آنے کے بعد دوبارہ تلاش لازم نہیں ہے۔ البتہ اگرجگہ کی صورت حال بدل گئی ہو تو دوبارہ تلاش کرنا چاہئے اسی طرح اگر ایک نماز کے لئے پانی تلاش کرچکا ہے تو جب تک صورت حال بدل نہ جائے دوسری نمازوں کے لئے پانی کی تلاش لازم نہیں ہے۔
