مسئلہ 1089 : اگر نماز احتياط پڑھنے سے پہلے يا د آجائے کہ ميں نے جو نماز پڑھي ہے وہ صحيح ہے تو پھر نماز احتياط کي ضرورت نہيں ہے اور اگر نماز احتياط پڑھتے ہوئے ياد آئے تو اس کو اختيار ہے جي چاہے نماز احتياط کو توڑ دے يا جي چاہے تو مکمل کرے.
مسئلہ 1090 : اگر نماز احتیاط شروع کرنے سے پہلے یاد آجائے کہ نماز کی رکعتیں کم تھیں مثلا چار رکعت کے بجائے صرف تین ہی رکعت پڑھی ہے اور ابھی کوئی ایسا کام نہیں کیا جس سے نماز باطل ہوجاتی ہے تو جتنی مقدار کم ہے اس کو پورا کرلے اور بے جا سلام کی وجہ سے بنا بر احتياط واجب دو سجدہ سہو بجا لائے اور اگر کوئی ایسا کام کرچکا ہے جس سے نماز باطل ہوجاتی ہے تو نماز کا اعادہ کرے۔
مسئلہ 1091 : اگر نماز احتياط پڑھنے کے بعد ياد آجائے کہ نماز کي کمي بالکل نماز احتياط کے برابر تھي(مثلا تين و چار ميں شک کي وجہ سے ايک رکعت نماز احتياط پڑھي ہو اور نماز احتياط کے بعد ياد آئے کہ ميري اصلي نماز تين ہي رکعت تھي)تو اس کي نماز صحيح ہے ليکن اگر يہ معلوم ہو کہ نماز کي کمي نماز احتياط سے کم تھي تو بنا بر احتياط واجب بلافاصلہ نماز کي کمي کو پورا کرے اور اصل نماز کا اعادہ بھي کرےاور اگر يہ معلوم ہو کہ اصل نماز کي کمي احتياط سے زيادہ تھي اور اس نے نماز احتياط کے بعد کوئي ايسا کام نہيں کيا جس سے نماز باطل ہوجاتي ہے تو احتياط واجب ہے کہ اس کمي کو پورا کرے اور اصل نماز کا بھي اعادہ کرے.
مسئلہ 1093 : نماز احتياط ميں رکن يا غير رکن اجزاء کي کمي يا زيادتي اور اجزاء کے بجالانے ميں شک(ان سب)کا حکم دوسري واجبي نمازوں کي طرح ہے.
مسئلہ 1095 : بھولے سے نماز احتياط ميں اگر اجزاء کي کمي يا زيادتي ہوجائے تو اس کے لئے سجدہ سہو واجب نہيں ہے.
مسئلہ 1096 : اگر نماز احتياط ميں تشہد ياسجدہ کو بھول جائے تو احتياط واجب يہ ہے کہ سلام کے بعد اس کي قضا بجالائے.
مسئلہ 1097 : اگر سجدہ يا تشہد کي قضا، يا سجدہ سہو نمازي پر واجب ہو اور عين اسي وقت نماز احتياط بھي اس پر واجب ہو تو پہلے نماز احتياط پڑھني چاہئے اس کے بعد سجدہ يا تشہد کي قضا کرے اور اس کے بعد سجدہ سہو بجالائے.
مسئلہ 1098 : روزانہ کی پنجگانہ نمازوں کے لئے شک، سہو، ظن کے جو احکام بیان کئے گئے ہیں وہ تمام دیگر واجب نمازوں میں بھی جاری ہوتے ہیں مثلا اگر نماز آیات میں شک ہو کہ ایک رکعت پڑھی یا دو رکعت ، تو چونکہ اس کاشک دو رکعتی نماز میں ہے اس لئے نماز باطل ہے اسی طرح دیگر شک و سہو وظن کے احکام ۔
مسئلہ 1101: اگر نماز ميں چند کلمے يا چند جملے اس طرح کہے کہ نماز گزار کي صورت سے خارج نہ ہو اور وہ سب ايک ہي شمار کئے جائيں تو سب کے لئے دو سجدہ سہو کافي ہے.
مسئلہ 1103 : اگر واجب سجدہ سہو کو عمدا نماز کے سلام کے بعد نہ بجا لائے تو گناہگار ہے اورجتنی بھی جلدی ہوسکے بجالائے لیکن اس سے نماز باطل نہیں ہوتی۔
مسئلہ 1104 : اگر يہ شک ہو کہ کوئي ايسا کام انجام ديا ہے يا نہيں کہ جس سے سجدہ سہو واجب ہوجائے تو اس پر کوئي چيز واجب نہيں ہے اور اگر شک ہو کہ اس پر دو سجدہ سہو واجب ہوئے ہيں ياچار تو صرف دو سجدہ سہو کا بجالانا کافي ہے.
مسئلہ 1107: اگر کوئي نماز کے ايک ياکئي سجدوں کو بھول جائے تو نماز کے بعد قضا کرے (ليکن اگر ايک ہي رکعت کے دو سجدے بھول جائے تو نماز باطل ہے) اسي طرح اگر تشہد کو بھول گيا ہے تو بلا فاصلہ نماز کے بعد اس کي قضا کرے اور تشہد و سجدہ کي قضا کرنے کے علاوہ بنابرا حتياط واجب ہر ايک کے لئے دو سجدہ سہو بجالا ئے (ليکن جيسا کہ پہلے بيان کيا گيا ہے تشہد سجدہ سہو بھولے ہوئے تشہد کي جگہ کافي ہوجاتا ہے).
