مسئلہ1040: جو کام نمازی کے خضوع و خشوع کو ختم کردے وہ مکروہ ہے۔ مثلا داهنے، بائیں دیکھنا (اور اگر چہرہ کو بہت گھمائے تو نماز میں اشکال ہے) اسی طرح ڈاڑھی یااپنے ہاتھوں سے کھیلنا انگلیوں کوایک دوسرے میں پھنسانا، تھوکنا، انگوٹھی کی تحریردیکھنا مکروہ ہے،اسی طرح حمد و سورہ و ذکر پڑھتے ہوئے کسی کی بات سننے کے لئے چپ ہوجانا،اسی طرح پیشاب، پاخانہ روک کر یا نیندکی حالت میں یا تنگ وچست لباس پهن کر نماز مکروہ ہے.
مسئلہ980۔ اگرانسان خودآیت سجدہ کوپڑھے اوراسی حالت میں کسی سے سنے تو ایک سجدہ کافی ہے۔
مسئلہ981۔ نمازکےسجدے کے علاوہ اگرسجدے کی حالت میں ہو اور آیت سجدہ پڑھے یاسنے توسجدہ سے سر اٹھا کر دوبارہ سجدہ کرے۔
مسئلہ982۔ اگرآیت سجدہ ٹیپ سے یاریڈیوسے سنے تو احتیاط واجب یه هے سجدہ کرے۔
مسئلہ983۔ بناء براحتیاط واجب قرآن کے واجب سجدوں میں بھی پیشانی ایسی چیزپررکھے جس پرسجدہ جائزہے،اسی طرح شرمگاه چھپانے اور غصبی نه هونے کی بھی رعایت کرے لیکن وہ تمام شرائط جونماز میں واجب ہیں اس میں واجب نہیں ہیں۔
مسئلہ882۔ اگربھولے سے قیام کی حالت میں حمدوسورہ کے لئے بدن کوحرکت دے یاکسی طرف جھک جائے تونمازباطل نہیں ہے لیکن اگرتکبیرةالاحرام کہتے ہوئے یاقیام متصل بہ رکوع کے وقت ہوتوبناء براحتیاط واجب نمازکوتمام کرکے دوبارہ پڑھے۔
مسئلہ884۔ اگر پیروں کوضرورت سے زیادہ پھیلا دے کہ کھڑے ہونے کی شکل سے خارج ہوجائے تو اس کی نمازباطل ہےلیکن اگر مجبوری کی وجہ سے ہو تو نماز باطل نہیں ہے۔
مسئله 886 : نمازکے واجب ذکراداکرتے ہوئے بھی بدن ساکن ہوناچاہئے، بلکہ مستحبی ذکروں میں بھی کہ جن کي جگه نماز ميں معين هے اس بات کی رعایت کی جائےالبتہ اگر رعایت نہ کرے تو اس کي نماز صحيح هے ليکن اس نے خلاف شرع کام کيا هے ۔
مسئلہ 1998: امانت رکھوانے والا جب چاہے اپني امانت واپس لے سکتاہے اور امانت رکھنے والا جب چاہے امانت کو واپس کرسکتا ہے.
مسئلہ2003: اگر امانت رکھوانے والا مال کي حفاظت کے لئے ايک جگہ معين کرے اور امانت دار سے نہ کہے کہ اس کو دوسري جگہ نہ لے جانا اب اگر امانت دار کو احتمال ہو کہ مال وہاں تلف ہوجائے گا تو اس کو چاہئے مال کو محفوظ ترين جگہ منتقل کرےاب اگر مال کو منتقل نہ کرے پہلي ہي جگہ رہنے دے اور تلف ہوجائے تو ضامن ہے.
مسئلہ 2008: اگر مرنے والے صاحب مال کے کئي وارث ہوں تو امانت دار کا فريضہ ہے کہ امانت تمام وارثوں کو واپس کرے يا اس شخص کودے جو سب کا وکيل ہو بنابرايں ديگر وارثوں کي اجازت کے بغير کسي ايک وارث کو اگر امانت واپس کرے تو دوسروں کے حصوں کا ضامن ہے.
مسئلہ 2044 باپ کي پھوپي ، خالہ، دادا کي پھوپھي، خالہ، ماں کي پھوپھي، خالہ ناني کي پھوپھي خالہ اور ان سے اور پر والياں بھي انسان کي محرم ہيں.
