مرکز پاسخگویی به احکام شرعی و مسائل فقهی

مسئلہ 668 : جن نمازوں کو تیمم سے پڑھا گیا ہو ان کی قضاء کی ضرورت ہے نہ اعادہ کی لیکن چند مقامات پر بناء برا حتیاط مستحب اپنی نمازوں کا اعادہ کر لیناچاہئے۔1۔ جہاں پانی نہ ہو یا پانی کے استعمال میں کوئی رکاوٹ موجود ہو اور عمدا خود کو جنب کرکے تیمم سے نماز پڑھے۔2۔ جہاں جان بوجھ کر پانی کی تلاش میں نہ جائے اور تنگ وقت میں تیمم سے نماز پڑھے اور بعد میں پتہ چلے کہ اگر تلاش کرتا تو پانی مل جاتا۔3۔ جس کو علم ہو یا گمان ہو کہ پانی نہیں ملے گا پھر بھی اپنے پاس موجود پانی کو ضائع کرکے تیمم سے نماز پڑھی ہو۔

مسئلہ 659 : جس کا وظیفہ تیمم ہو اگر یقین رکھتا ہو یا احتمال ہو کہ آخر وقت تک اس کا عذر باقی رہے گا تو وہ تیمم سے اول وقت میں نماز پڑھ سکتاہے ۔ لیکن اگر یقین رکھتا ہو کہ آخر وقت تک اس کا عذر دور ہوجائے گا تو بناء براحتیاط واجب صبر کرے۔

مسئلہ 695 : نماز ظہر کی فضیلت کا وقت اس وقت تک رہتا ہے جب شاخص کا سایہ اس کے برابر ہوجائے (سایہ سے مراد وہ سایہ ہے جو ظہر کے بعد پیدا ہوتا ہے) او رختم فضیلت ظہر سے جب شاخص کا سایہ شاخص کے دو برابر ہوجائے اس وقت تک فضیلت عصر کا وقت رہتا ہے اور مغرب کا وقت فضیلت غروب سے مغرب کی طرف والی سرخی کے زائل ہوجانے تک رہتا ہے۔ اور نماز عشاء کی فضیلت کا وقت مغرب میں ظاہر ہونے والی سرخی کے زائل ہونے کے بعد سے ایک تہائی رات تک رہتا ہے اور نماز صبح کی فضیلت کے وقت اول طلوع فجر سے ہوا کے روشن ہونے تک ہے۔

مسئلہ 518 : اگر کوئي غسل و کفن و دفن ميں مشغول ہوجائے تو دوسروں پر اقدام کرنا واجب نہيں ہے ليکن اگر وہ اپنے کام کو ادھورا چھوڑ دے تو دوسروں کوتکميل کرنا چاہئے اور اگر شک ہو کہ کسي نے ميت کے امور کو انجام ديا ہے کہ نہيں تو خود اس کو اقدام کرنا چاہئے.

مسئلہ 519 : اگر کسي نے ميت کے غسل و کفن و نماز و دفن کا اقدام کيا ہو او رہميں معلوم نہ ہو کہ صحيح بجالايا ہے کہ نہيں تومان لينا چاہئے کہ صحيح بجالايا ہے اگر يقين ہو کہ باطل بجالايا ہے تو دوبارہ انجام دينا چاہئے.

مسئلہ 544 : کفن کي مقدار واجب اور ديگر واجبات مثلا غسل، حنوط، دفن کے اخراجات کو اصل مال سے ليا جائے گا اس ميںکسي وصيت کي ضرورت نہيں ہے اور اگر ميت کے پاس مال نہيں ہے تو يہ اخراجات بيت المال سے کئے جائيں گے.

مسئلہ 698: اگر نماز عصر پڑھتے ہوئے شک ہوجائے کہ نماز ظہر پڑھی یا نہیں تو نیت کو نماز ظہر کی طرف پلٹا دے اور نماز عصر کو بعد میں پڑھے اسی طرح اگر عشاء کی نماز کے درمیان شک کرے کہ مغرب پڑھی یا نہیں تو اگر چوتھي رکعت کا رکوع کرنے سے پهلے شک کرے تو نيت کو عشا سے مغرب کي طرف پلٹالے۔

مسئلہ 684 : اگر اوپر بيان کئے گئے قواعد کي بناء پر نماز شروع کردے اور اثنائے نماز ميں معلوم ہو جائے کہ ابھي نماز کا وقت نہيں آيا تو اس کي نماز باطل ہے اسي طرح اگر نماز پڑھ لينے کے بعد معلوم ہوکہ پوري نماز وقت سے پہلے پڑھ لي ہے تو نماز کا اعادہ کرے ليکن اگر نماز ہي ميں معلوم ہوجائے يا نماز کے بعد پتہ چلے کہ وقت داخل ہوگيا تھا تو نماز صحيح ہے.

مسئلہ 686 : اگر نماز کے بعد شک ہو کہ نماز کو وقت ميں پڑھا يانہيں تو اس کي نماز صحيح ہے بشرطيکہ نماز شروع کرتے ہوئے وقت سے غافل نہ ر ہا ہو ليکن اگر نماز پڑھتے ميں شک ہو تو اس کي نماز باطل ہے وقت داخل ہونے کے بعد دوبارہ پڑھني چاہئے.

مسئلہ 690 : جو لوگ عذر رکھتے ہوں اور یقین ہو کہ آخر وقت تک عذر برطرف ہوجائے گا ان کے لئے واجب ہے کہ صبر کریں (اول وقت نہ پڑھیں) اور اگر یقین ہو کہ عذر باقی رہے گا تو صبر کرنا واجب نہیں اور اگر احتمال ہو کہ عذر آخر وقت تک برطرف ہوجائے گا تو احتیاط واجب ہے کہ صبر کریں البتہ تیمم کی جگہ پر ایسی صورت حال میں اول وقت میں نماز پڑھ سکتے ہیں۔

مسئلہ 691 : جس کو شکيات و سہويات نماز معلوم نہ ہوں اور احتمال ہو کہ نماز ميں کوئي بات پيش آسکتي ہے تو ان شکيات و سہويات کو ياد کرنے کے لئے نماز کو اول وقت سے مو خر کرسکتا ہے ليکن اگراطمينان ہو کہ بطور کامل ادا کرے گا تو اول وقت نماز پڑھنا جائز ہے.

مسئلہ 692 : اگر نماز پڑھتے ہوئے کوئی ایسا مسئلہ در پیش ہوجائے جس کو نہیں جانتا تو بقصد رجاء احتمال کے دو طرفوں میں سے کسی ایک پر عمل کرے اور نماز کے بعد مسئلہ معلوم کرے اگرنماز باطل ہو تو دوبارہ پڑھے ویسے احتیاط مستحب یہ ہے کہ جس طرف زیادہ احتمال ہو اسی پر عمل کرے۔