مرکز پاسخگویی به احکام شرعی و مسائل فقهی

مسئلہ 531 : اسقاط شدہ بچہ اگرچار ماہ يا اس سے زيادہ کا ہو تو اس کو بھي غسل دينا چاہئے اور اگر اس سے کم ہو تو بناء براحتياط واجب بغير غسل کے ايک کپڑے ميں لپيٹ کر دفن کرديں.

مسئلہ 539 : ميت کو غسل دينے کے لئے مزدوري لينا جائز نہيں ہے البتہ مقدمات کے لئے مثلا اس کو پاک کرنے کے لئے اور اسي قسم کے کاموں کے لئے اجرت لينے ميں اشکال نہيں ہے.

مسئلہ 540 : اگر پاني نہ ملے يا ميت کا بدن ايسا ہو کہ اس کو غسل نہ ديا جاسکتا ہو يا کسي بھي مجبوري کي وجہ سے اگرغسل نہ ديا جاسکتا ہو تو ميت کو ہر غسل کے بدلے ايک تيمم ديں اس طرح کہ تيمم دينے والا ميت کے روبرو بيٹھے اور اپنے ہاتھوں کو زمين پر مارے اور ميت کے چہرے اور ہتھيليوں کي پشت پرہاتھ پھيرے.

مسئلہ 533 : مرد تين سال سے کم عمر کي بچي کو غسل دے سکتا ہے اور عورت تين سال سے کم عمر بچہ کوغسل دے سکتي ہے.

مسئلہ 534 : اگر مرد کي ميت کو غسل دينے کے لئے کوئي مرد نہ مل سکے تو جو عورتيں اس کي محرم ہيں اس مرد کو غسل دے سکتي ہيں اسي طرح اگر عورت کي ميت کو غسل دينے کے لئے عورت نہ مل سکے تو اس عورت کے محرم مرد اس کو غسل دے سکتے ہيں البتہ بہتر يہ ہے کہ لباس کے اوپر سے غسل ديں.

مسئلہ 535 : اگر مرد کي ميت کو مرد يا عورت کي ميت کو عورت غسل دے تو شرمگاہ کے علاوہ اس کے پورے بدن کو برہنہ کرسکتے ہيں.

مسئلہ 536 : ميت کي شرمگاہ پر نگاہ کرنا حرام ہے ليکن اس سے غسل باطل نہيں ہوتا.

مسئلہ 538 : غسل ميت کا طريقہ غسل جنابت کي طرح ہے اور احتياط يہ ہے کہ جب تک غسل ترتيبي ممکن ہو ارتماسي نہ ديں البتہ غسل ترتيبي ميں يہ جائز ہے کہ بدن کے تينوں حصوں کو ترتيب سے پاني ميں ڈبو ديں اور اگر عورت حالت حيض ميں يا مرد حالت جناب ميں مرجائے تو وہي غسل ميت کافي ہے.

مسئلہ 507 : محتضر يعني جو شخص جان کني کے عالم ميں ہو بناء براحتياط واجب اس کو اس طرح چت لٹانا چاہئے کہ دونوں پيروں کے تلوے روبقبلہ ہوں چاہے مرنے والا مرد ہو يا عورت، بڑا ہو يا چھوٹا اور اگر مکمل طور سے اس طرح لٹانا ممکن نہ ہو تو بناء بر احتياط واجب جتنا ممکن ہو اتنا ہي اس قاعدہ پر عمل کريں اور اگر بالکل ممکن نہ ہو تو روبقبلہ بٹھا ديں اور اگريہ بھي ممکن نہ ہو تو داہني کروٹ يا بائيں کروٹ روبقبلہ لٹاديں.

مسئلہ 515 : مستحب ہے کہ مرنے کے بعد ميت کے منہ کو بند کرديا جائے تاکہ وہ کھلا نہ رہے آنکھوں کو اور ٹھڈي کو باندھ ديں، ہاتھ پاؤں کو سيدھا کرديں، ميت پر ايک چادر ڈال ديں، تشيع جنازہ کے لئے مومنين کو خبر کرديں، دفن ميں جلدي کريں، البتہ اگر موت کا يقين نہ ہو توجب تک موت کا يقين نہ ہوجائے صبر کريں.

مسئلہ 508 : بناء براحتیاط واجب محتضر کو اس طرح چت لٹانا چاہئے کہ دونوں پیروں کے تلوے روبقبلہ ہوں چاہے مرنے والا مرد ہو یا عورت، بڑا ہو یا چھوٹا اور اگر مکمل طور سے اس طرح لٹانا ممکن نہ ہو تو بناء بر احتیاط واجب جتنا ممکن ہو اتنا ہی اس قاعدہ پر عمل کریں اور اگر بالکل ممکن نہ ہو تو روبقبلہ بٹھا دیں اور اگریہ بھی ممکن نہ ہو تو داہنی کروٹ یا بائیں کروٹ روبقبلہ لٹادیں۔

مسئلہ 509 : محتضر کو روبقبلہ لٹانا ہر مسلمان پر واجب ہے اس کے ولي سے اجازت لينا لازم نہيں ہے.