مرکز پاسخگویی به احکام شرعی و مسائل فقهی

مسئلہ 729 : عورتوں کے لئے مصنوعی بالوں اور پوشیدہ زینتوں(جیسے ہاتھ کے کڑے اور گلے کا ہار)کو بھی چھپانا واجب ہے-

مسئلہ 728 : نماز احتیاط، بھولے ہوئے سجدہ یا تشہد کے وقت بھی نماز کی طرح اپنے کو چھپانا چاہئے۔

مسئلہ 730 : اگر نماز پڑھنے ميں معلوم ہوجائے کہ جس چيز کا چھپانا واجب ہے وہ ظاہر ہے تو فورا چھپالے بشرطيکہ ايسا کام نہ کرے جس سے نماز کي صورت بگڑ جائے اور اگر اس کے چھپانے ميں کافي وقفہ لگ جائے تو احتياط واجب ہے کہ اپنے کوچھپا کر نماز ختم کرکے دوبارہ پڑھے.

مسئلہ 731 : اگر نماز کے بعد معلوم ہو کہ مقدار واجب کو نماز کي حالت ميں نہيں چھپايا تھا تو اس کي نماز صحيح ہے.

مسئلہ 732 : نماز میں اپنے کو درخت کے پتوں اور گھاس سے چھپایا جا سکتا ہے لیکن احتیاط مستحب ہے کہ ان چیزوں کو اس وقت استعمال کرے جب کوئی دوسری چیز نہ ہو۔

null

مسئلہ 734 : اگر کوئی ننگا ہے اور نماز میں بدن کو چھپانے کے لئے اس کے پاس کچھ نہیں ہے لیکن احتمال ہے کہ آخر وقت تک کچھ مل جائے گا تو احتیاط واجب یہی ہے کہ نماز میں تاخیر کردے اگر کچھ نہ ملے اور کوئی اس کودیکھ رہا ہو تو بیٹھ کر نماز پڑھے اور اس طرح اپنی شرمگاہ کو چھپائے اور اگر کوئی نہیں دیکھ رہا ہے تو کھڑے ہو کر نماز پڑھے اور بناء بر احتیاط واجب شرمگاہ کو ہاتھوں سے چھپالے اور رکوع و سجود اشاروں سے کرے۔ سجدہ کے لئے تھوڑا سا سر کو جھکا لے۔

مسئلہ 737 : اگر لا علمی میں نجس بدن یا لباس میں نماز پڑھے اور بعد میں نجس ہونے کاعلم ہو تو اس کی نماز صحیح ہے لیکن اگر پہلے نجاست کا علم تھا پھر بھول گیا اور نجاست کے ساتھ نماز پڑھ لی تو نماز کا اعادہ کرے چاہے نماز پڑھتے میں یاد آجائے یا نماز کے بعد یاد آئے اور اگر نماز کا وقت گزر گیا ہے تو قضاء کرے۔

مسئلہ 740 : اگر نجس لباس يا بدن کو پاک کرے اور يقين ہوجائے کہ پاک ہو گيا پھر نماز پڑھے اور نماز کے بعد معلوم ہو کہ ابھي پاک نہيں ہوا تو اس کي نماز صحيح ہے البتہ بعد کي نمازوں کے لئے پاک کرنا ضروري ہے.

مسئلہ 741 : اگراپنے لباس ميں خون ديکھے اوريقين کرے کہ درہم سے کم ہے يا ايسے زخم يا پھوڑے کا ہے جس کا خون نماز ميں کوئي حرج نہيں رکھتا اور نماز پڑھ لے بعد ميں پتہ چلے کہ خون درہم سے زيادہ تھا ياوہ خون زخم اورپھوڑے کا نہيں تھا تو اس کي نماز صحيح ہے.

مسئلہ 743 : جس کے پاس صرف ایک لباس ہو اور اس کا لباس اور بدن دونوں نجس ہوجائیں اور پانی بھی اتنا ہی ہو کہ صرف ایک کوپاک کیاجا سکتا ہو تو احتیاط واجب ہے کہ بدن کو پاک کرے اور نجس لباس میں نماز پڑھے ۔

مسئلہ 751 : نمازی کے پاس مردار کے اجزاء میں سے کوئی چیز نہ ہو خواہ وہ چیز لباس کی صورت میں نہ ہو۔ صرف وہ اجزاء جو روح نہیں رکھتے ان کے ہمراہ رکھنے میں کوئی حرج نہیں ہے جیسے بال، اون وغیرہ مثلا حلال گوشت مردار کے بال اور اون سے تیار کردہ لباس میں نماز پڑھی جا سکتی ہے۔