قاتل کو دیت دینے پر مجبور کرنا
اگر ولی دم قتل عمد میں دیت کا مطالبہ کرے اور قاتل اس کی ادائیگی پر حاضر نہ ہو، کیا اس کو دیت کی ادائیگی پر مجبور کرسکتے ہیں؟
قتل عمد میں دیت فقط توافق طرفین سے قابل وصول ہے اور قاتل کو مجبور نہیں کیا جاسکتا۔
کولہے پر چوٹ لگنا اور گوشت کا کُٹ جانا
قانونی ڈاکٹر کی رپورٹ میں یہ جملہ آیا ہے ”جنایت کولہے کے گوشت کے کٹ جانے کا سبب ہوئی ہے “ کیا مذکورہ صدمہ دیت کا باعث ہوگا یا ارش کا کیا کسی بھی چیز کا نہیں؟
جواب: اگر جنایت کا اثر اسی عضو پر تھا تو نہ دیت ہے اور نہ ارش لیکن اگر عضو میں یا ہڈی میں تبدیلی ہر چند وہ ایک مدت کے لئے ہو تو اس کے لئے ارش ہے ۔
حق فسخ کو دریافت کرنا
ایک شخص دوسرے شخص سے باغ خریدتا ہے اور اس کی آدھی قیمت ادا کر دیتا ہے جبکہ آدھی قیمت کو سرکاری دفتر میں بیعنامہ کراتے وقت پر کوکول کر دیتا ہے نیز دونوں حضرت شرط لگاتے ہیں کہ دونوں میں سے جو شخص بھی پشیمان ہو گیا اور معاملہ سے پھر گیا وہ دس لاکھ تومان دوسرے کو دیگا چند روز کے بعد بیچنے والا پشیمان جاتا ہے اور معاملہ کو فسخ کردیتا ہے کیا ایسے فسخ کرنا صحیح ہے ؟
جواب : اس کا فسخ کرنا صحیح ہے اور اسے دس لاکھ تومان خریدار کو دینا چاہئے
اس شخص کا محجور (ممنوع التصرف) ہونا جو غیر معقول کام انجام دیتا ہے
ایک شخص ہے وہ غیر معقول کام کرتا ہے مثال کے طور پر اپنا پیسہ جوہاریوں کو دے دیتا ہے اور ان سے فقط بے کار سے چیک لینے پر اکتفا کر لیتا ہے ، یا اس کے بیوی بچوں کو گھر کی ضرورت ہونے کے باوجود ، گھرکو دوسروں کے حوالے کر دیتا ہے :الف) کیا اس کو اس طرح کی دخالت اور تصرف کرنے سے روکا جاسکتاہے ؛ اس مشکل کے بارے میں شریعت کا کیا نظریہ ہے ؟ ب) کیا اس کے بچے عدالت میںشکایت ( رپوٹ ) کرنے کا حق رکھتے ہیں۔ج)۔کیا حاکم شرع اور ولی فقیہ کا نمائندہ خود بخود (شکایت نہ کرنے کی صورت میں) ابتداء ہی سے اقدامات کر سکتے ہیں ؟
مفروضہ ،مسئلہ میں ، اس طرح کا شخص ، سفیہ ( سادہ لوح ) ہے اور اپنے مال میں ڈائرکٹ مداخلت کرنے کا حق نہیں رکھتا۔ب : شکایت کرنے کا حق رکھتے ہیں۔حاکم شرع اور وہ لوگ جنہیں حاکم شرع کی طرف سے اس طرح کے کاموں کے لئے اجازت دی گئی ہے ، اس طرح کے موقعوں پر جیسے ذکر کیا گیا ہے مداخلت کر سکتے ہیں ۔
زوجہ کی پہلے شوہر سے بیٹیاں
اگر کوئی ایسی بیوہ عورت جس کے یہاں اس کے مرحوم شوہر سے بیٹے بیٹیاں ہوں ، دوسرے شخص سے شادی کرلے کیا اس کا دوسرا شوہر اس کے سابقہ شوہر کے بیٹے بیٹیوں کے لئے محرم ہیں ؟
شادی کے بعد دوسرا شوہر اس کی بیٹیوں کے لئے محرم ہے لیکن بیٹوں کی بہ نسبت محرم ہونے کا تو مفہوم نہیں ہے ۔
مطلّقہ زوجہ کی سکونت کے حق پر قرض خواہوں کا مقدم ہونا
اگر شوہر اپنی زوجہ کو اس گھر میں طلاق دے جو قرض سے علیحدہ نہیں یعنی وہ مکان بھی قرض میںشامل ہے اور اور طلاق کے بعد حاکم اس کے ممنوع التصرف ہونے کا حکم صادر کرے تو کیا اس مکان میں رجعی مطلّقہ کے رہنے کا حق، قرض خواہوں کے حق پر مقدم ہوگا؟
قرضداروں کا حق مقدم ہے ۔
شوہر کی نظر میں گواہوں کو عادل ہونا
کیا طلاق میں گواہوں کا شوہر کی نظر میں عادل ہونا کافی ہے ؟
جواب:۔جی ہاں ، شوہر کی نظر میں گواہوں کا عادل ہونا کافی ہے جب تک کہ اس کے بر خلاف یقین نہ ہو جائے .
غیر مجتہد شخص کے لئے منصب قضاوت پر فائز ہونا
جہاں پر کوئی جامع الشرائط مجتہد نہ ہو کیا وہاں پر غیر مجتہد شخص منصب قضاوت پر فائز ہو سکتا ہے ؟
جواب :اگر اس شہر میں کوئی جامع الشرائط مجتہد نہ ہو تو اس صورت میں ایسے باعلم حضرات سے جو قضاوت اور حقوقی مسائل سے (خواہ تقلید ہی کے ذریعہ ) آشنا ہوں استفادہ کیا جائے
اسقاط حمل کے جواز کے شرایط۔
کیا بچہ سقط کرانا جائز ہے، اگر جائز ہے تو کیا اس پر دیت واجب ہے؟
جواب: ڈاکٹروں کے مطابق اگر ماں کی جان کو خطرہ کا یقین یا احتمال ہو یا شدید ضرر پہچ رہا ہو تو ایسا کرنا جائز ہے ۔ (البتہ جب تک وہ مکمل انسانی شکل میں نہ آ چکا ہو) اور چونکہ دیت واجب ہو جانے کا احتمال ہو سکتا ہے لہذا احتیاط یہ ہے کہ اس بچے کے ورثاء (ماں باپ کے علاوہ) اپنی مرضی سے اسے (دیت) ترک کر دیں۔
قاتل کو دیت دینے سے پہلے خود کشی کرنا
اگر قاتل عمداً اجرائے قصاص سے پہلے خودکشی کرلے، کیا دیت ساقط ہوجاتی ہے؟
دیت اس کے مال سے لی جائے گی۔
کرایہ پر لیکر اس سے زیادہ کرایہ پر دینا
میں نے ایک آدمی کا مکان ، کچھ رقم پر کرایہ پر گھاصل کیا اور پھر اس کو اس سے زیادہ رقم پر کرایہ پر دے دیا ہے اور اس سلسلے میں، میں نے مالک مکان کی رضایت واجازت بھی حاصل کر لی ہے کیا یہ معاملہ صحیح ہے ؟
اس مکان کو اس رقم سے زیادہ پر کرایہ پر دینا کہ جس رقم پرآپ نے کرایہ پر لیا ہے اشکال رکھتا ہے ، مگر یہ کہ آپ کچھ چیزیں اس میں ، زیادہ کردیں، جیسے قالین ، میز ،الماری یا اسی رقم کی دوسری چیزیں وغیرہ۔
غیر محجور شخص کے قرضوں کے معاملات
وہ بلا عوض حقیقی معاملات ، جنہیں غیر محجور ( جو لوگ اپنے مال میں تصرف کا حق رکھتے ہیں ) اور مقروض لوگ اپنے مال میں ، قرض سے بچنے کے لئے انجام دیتے ہیں ، کیا وہ نافذ ہیں ؟
اگر حاکم شرع کے حکم سے محجور ( اس کا تصرف کرنا ممنوع ہے ) نہ کیا گیا ہو تو اس صورت میں اس کا کیا ہوا معاملہ باطل نہیں ہے ، لیکن اس نے حرام کام کیا ہے۔
ایک مسئلہ میں تقلید بدلنا
کیا ایک یا دو مسائل میں تقلید کو بدل سکتا ہے ؟
جن مسائل میں پہلے مجتہد کے فتووں پر عمل نہیں کیا ہے ان فتووں میں دوسرے جائز التقلید مجتہد کی تقلید کرسکتا ہے ۔
ممنوع التصرف کا حکم صادر ہونے کے بعد مقروض کی آمدنی
کیا ممنوع التصرف کا حکم صادر ہونے کے بعد مقروض کے کاروبار کی آمدنی، قرض خواہوں سے متعلق ہوگی؟
جی ہاں، ممنوع التصرف کا حکم صادر ہونے کے بعد، قرض خواہوں سے مربوط ہے ۔
مسجد کی قدیمی چیزوں کا بیچنا اور نئی چیزوں کا خریدنا
مسجد کے اُس مال کو بیچنے کا کیا حکم ہے جس کی اب ضرورت نہ رہی ہو، یا دور حاضر میں ایسے سامان سے استفادہ نہ کیا جاتاہو اور دوسری مساجد میں بھی اسی وجہ سے استفادہ کے قابل نہ ہو (جیسے پُرانا فرش، تیل سے چلنے والے ہیٹر)؟
مفروضہ سوال میں ایسے سامان کوبیچنا اور اس کے بدلے ضرورت کا سامان لینے میں کوئی ممانعت نہیں ہے؛ لیکن اولویت مشابہ سامان کو ہے (جیسے پُرانے فرش کی جگہ نیا فرش خریدنا) ۔
