جامع المسائل، مرکز پاسخگویی به احکام شرعی و مسائل فقهی

مسئلہ 489 : حالت نفاس میں عورت سے ہمبستر ہونا حرام ہے اور اگر شوہر ہمبستری کرے تو احتیاط مستحب ہے کہ جس طرح حائض کے لئے بیان کیا گیا اسی طرح کفارہ دے اور حالت نفاس میں طلاق بھی باطل ہے۔

مسئلہ 490 : خون نفاس سے پاک ہونے کے بعد عورت کو غسل کرکے اپنی عبادتوں کو انجام دینا چاہئے اور ولادت کے بعد دس دن کے اندر اگر دوبارہ خون دیکھے تو جن دنوں میں خون دیکھا ہےاور درمیان میں پاک رہی ہے اگر وہ سب دس روز یا اس سے کم ہیں تو سب کا سب نفاس ہے اور بیچ میں جن دنون میں پاک رہی ہے اس کی عبادت بھی صحیح ہے۔

مسئلہ 494 : بہت سی عورتوں کو وضع حمل کے ایک ماہ یا اس سے بھی زیادہ دنوں تک خون آتا ہے ایسی عورتوں کی اگر حیض میں عادت معین ہو تو اپنی عادت کی تعداد کے مطابق اتنے دنوں تک نفاس قرار دیں اس کے بعد دس دن تک استحاضہ کا حکم ہے پھر دس دن گزرنے کے بعد اگر حیض کی عادت کے دنوں میں خون آیا ہو تو احکام حائض پر عمل کریں۔ چاہے اس میں حیض کی علامات ہوں یا نہ ہوں اور اگر حیض کی عادت کے دنوں کے دنوں میں نہ ہو تواستحاضہ ہے۔ لیکن اگر خون میں حیض کی علامات پائی جاتی ہوں(توحیض ہے)۔

مسئلہ 495 : جن عورتوں کو وضع حمل کے بعد ايک ماہ يا اس سے زيادہ مدت تک خون آتا رہتا ہے اگر ان کي ماہواري کي عادت نہيں ہے تو اول کے دس دن نفاس ہيں اور اس کے بعد کے دس دن استحاضہ ہيں اس کے بعد کے خون ميں حيض کي علامت ہے تو حيض ورنہ وہ بھي.

مسئلہ 486 : خون نفاس ميں احتياط واجب يہ ہے کہ بچہ کي خلقت پوري ہوچکي ہو بناء بر يں اگر جما ہوا خون رحم سے خارج ہو او ريہ معلوم ہو کہ اگر يہ رحم ميں رتا تو انسان بنتا تو اس عورت کو چاہئے کہ پاک عورتوں والے اعمال بجالائے اور جن چيزوں کو حائض ترک کرتي ہے ان کو ترک کرے.

مسئلہ 496 : اگر مردہ انسان کو ٹھنڈا ہونے کے بعد اور غسل سے پہلے کوئی مس کرے(یعنی اس کے بدن کا کوئی حصہ میت کے بدن سے چھو جائے)تو اس پر مس میت کاغسل واجب ہوجاتا ہے خواہ بااختیار مس کیا ہو یا بے اختیار ، انتہا یہ ہے کہ اگر کسی کا ناخن بھی میت کے ناخن سے مس ہوجائے تو غسل واجب ہے۔

مسئلہ 497 : ايسے مردہ کو چھونے سے جس کا تمام بدن سرد نہ ہوا ہو غسل واجب نہيں ہوتا چاہے وہ جگہ سرد ہوچکي ہو جس کو چھوا ہے اسي طرح ميت کو تينوں غسل دئيے جانے کے بعد چھونے سے غسل واجب نہيں ہوتا.

مسئلہ 498 : اگر اپنے بالوں کو ميت کے بدن سے مس کرے يا اپنے ہاتھ کو ميت کے بالوں سے مس کرے تو احتياط واجب ہے کہ غسل کرے.

مسئلہ 499 : اگر چار ماہ سے کم اسقاط شدہ بچہ کو کوئي مس کرے تو بناء براحتياط مستحب غسل کرے اور اگر چار ماہ کا مکمل ہوچکا ہو يا اس سے زيادہ کا ہے تو اس پرغسل واجب ہے.

مسئلہ 500 : اگر چار ماہ يا اس سے زيادہ کا بچہ مردہ پيدا ہو تو بناء براحتياط واجب ماں کو غسل مس ميت کرنا چاہئے.

مسئلہ 501 : اگر ماں کے مرنے کے بعد کوئي بچہ دنيا ميں آئے تو احتياط واجب ہے وہ بالغ ہونے کے بعد غسل مس ميت کرے.

مسئلہ 502 : اگر نابالغ یا دیوانہ بچہ میت کو مس کرے تو بالغ اور عاقل ہونے کے بعد اس پرغسل مس میت واجب ہے اور اگر سمجھ دار بچہ غسل کرے تو اس کا غسل صحیح ہے۔