جامع المسائل، مرکز پاسخگویی به احکام شرعی و مسائل فقهی

مسئلہ 199 : اگر قند يا شکر نجس ہوجائے تو دھونے سے پاک نہيں ہوگي.

مسئلہ 200 : نجس زمین پر چلنے سے اگر انسان کا پاؤں یا جوتے کا تلا نجس ہوجائے تو پاک زمین پر چلنے یاپاک زمین پر پاؤں رگڑنے سے پاک ہوجاتا ہے بشرطیکہ زمین پاک اور خشک ہو اور عین نجاست زائل ہوجائے اور زمین مٹی، پتھر، اینٹوں یاسمینٹ وغیرہ کا فرش ہونا چاہئےلیکن فرش، چٹائی، سبزہ پر چلنے سے پیر کے اور جوتے کے نجس تلے پاک نہیں ہوتے۔

مسئلہ 208 : زمین اور چھت چند شرائط کے ساتھ سورج کی تپش سے پاک ہوتے ہیں:اول : نجس چیزمیں سرایت کرنے والی رطوبت ہو، لہذا اگر خشک ہو تو پہلے تر کردیں تاکہ آفتاب کے ذریعہ خشک ہو۔دوم : عین نجاست کے پہلے دور کردینا چاہئے۔سوم : آفتاب کی روشنی براہ راست اس پر پڑے یہ نہ ہو کہ بادل وغیرہ کے پیچھے سے آفتاب کی روشنی پڑے ہاں اگر بادل اتنا باریک ہو کہ آفتاب کی روشنی کو روک نہ سکے تو کوئی حرج نہیں ہے لیکن اگر سورج کی روشنی شیشے کے پیچھے سے پڑے تو بھی کوئی حرج نہیں ہے۔چہارم : نجس چیز آفتاب کی تپش سے خشک ہو لیکن اگر ہوا یا کسی اور گرمی کی وجہ سے خشک ہو تو کافی نہیں ہے۔ ہاں دوسری چیز اتنی کم ہو کہ لوگ کہیں کہ آفتاب کی حرارت سے خشک ہوئی ہے تو کافی ہے۔

مسئلہ 209 : آفتاب کي روشني بناء بر احتياط واجب نجس چٹائي، درخت، گھانس کو پاک نہيں کرتي.

مسئلہ 213 : نجس لکڑي کا کوئلہ نجس ہے اسي طرح نجس مٹي کا کوزہ يا اينٹ بھي نجس ہے.

مسئلہ 214 : اگر نجس چيز کے بارے ميں شک کريں کہ اس کا استحالہ ہوگيا ہے کہ نہيں تو نجس ہے.

مسئلہ 216 : نجس انگور سے بنی ہوئی شراب سرکہ ہوجانے سے پاک نہیں ہوتی۔ حتی اگر باہر سے کوئی نجاست شراب میں پڑجائے تو سرکہ ہوجانے کے بعد بھی اس سے اجتناب واجب ہے، اسی طرح نجس انگور، کشمش یا خرما سے جو سرکہ بنایا جائے وہ نجس ہے۔

مسئلہ 217 : اگر انگور کو اس کے گچھوں سميت سرکہ ميں ڈال ديں اور وہ عموما سرکہ ہونے سے پہلے شراب ہوجائے اس کے بعد سرکہ ہوجائے تو پاک ہے ليکن اگر کھيرا، بيگن اور اس کے مانند کوئي چيز ڈاليں تو احتياط واجب يہ ہے کہ اس سے اجتناب کريں.

مسئلہ 226 : اسلام لاتے وقت کافر کے جسم پر جو کپڑا ہے بناء بر احتياط واجب وہ پاک نہيں ہوگا.

مسئلہ 227۔ کافر اگر زبان سے کلمہ نہ پڑھے لیکن دل سے اس کے معنی پر ایمان رکھتا ہو تو مسلمان ہے لیکن اگر زبان سے تو کلمہ پڑھے مگر معلوم ہو کہ یہ دل سے ایمان نہیں رکھتا تو بناء بر احتیاط واجب اس سے اجتناب کرنا چاہئے۔

مسئلہ 229 : اگر شراب سرکہ بن جائے توجہاں تک شراب یا انگور جوش کھاتے ہوئے برتن میں لگا ہے وہ بھی ضمنا پاک ہوجائے گا اور اگر ڈھکّن تک رطوبت پہونچی ہے تو سرکہ بننے کے بعد وہ ڈھکّن بھی پاک ہوجائے گا۔ لیکن اگر جوش کھاتے وقت برتن سے نکل کر اس کی پشت پر لگ جائے تو سرکہ ہونے کے بعد برتن کی پشت پاک نہیں ہوگی۔

مسئلہ 230 : کفار کے نابالغ بچے اپنے باپ کے مسلمان ہوتے ہي پاک ہوجاتے ہيں.