جامع المسائل، مرکز پاسخگویی به احکام شرعی و مسائل فقهی

مسئلہ 945 : سجدے میں سات چیزیں زمین پر ہونا چاہئے۔1۔ پیشانی2،3 ۔ دونوں ہاتھوں کی ہتھیلیاں۔4، 5 ۔ دونوں گھٹنے۔6، 7 ۔ دونوں پیروں کے انگوٹھوں کے سرے۔اور اگر کوئی جان بوجھ کر ان ساتوں اعضاء میں سے کسی ایک کو زمین پر نہ رکھے تو اس کا سجدہ باطل ہے۔ اور اگرپیشانی کو بھولے سے زمین پر نہ رکھے تب بھی سجدہ باطل ہے لیکن اگر پیشانی تو زمین پر ہو مگر کسی دوسرے عضو کو بھولے سے زمین پر نہ رکھے تو سجدہ صحیح ہے۔

مسئلہ 947 : سجدہ میں بھی ذکر واجب کی ادائیگی کی حد تک بدن ساکن ہونا چاہئے ۔ مستحب ذکر کرتے ہوئے بھی بدن ساکن ہونا چاہئے۔ بشرطیکہ ذکر کو ذکر سجدہ کے قصد سے کہا ہو۔ اور اگر ذکر مطلق کے عنوان سے(جو نماز میں ہر جگہ جائز ہے)کہے تو حرکت میں بھی کوئی حرج نہیں ہے۔

مسئلہ948 : بدن ساکن ہونے سے پہلے اگر سجدہ شروع کردے تو سجدہ باطل ہے اسی طرح اگر تھوڑا سا ذکر سجدہ سے سر اٹھاتے ہوئے ادا کرے تب بھی سجدہ باطل ہے۔ البتہ اگر بھولے سے ہو تو کوئی حرج نہیں ہے اور اگر سجدہ سے سر اٹھانے سے پہلے متوجہ ہوجائے تو ذکر کو دوبارہ پڑھے۔

مسئلہ 953 : پیشانی ایسی چیز پر رکھے جس پر سجدہ کرنا صحیح ہواور اگر بیچ میں کوئی شے حائل ہو جیسے سرکے بال یا سجدہ گاہ پر اتنی میل ہو کہ پیشانی سجدہ گاہ تک نہ پہنچے تو سجدہ باطل ہے۔ البتہ سجدہ گاہ کا صرف رنگ بدلہ ہو تو کوئی حرج نہیں ہے۔

مسئلہ954 : اگر ہتھیلیوں کو زمین پر نہ رکھ سکے تو ہتھیلیوں کی پشت کو رکھے اور یہ بھی ممکن نہ ہو تو گٹوں کو رکھے اور اگر یہ بھی ممکن نہ ہو تو احتیاط واجب ہے کہ کہنی تک ہاتھ کا جو حصہ رکھ سکے رکھے اور اگر یہ بھی ممکن نہ ہو تو بازو کو زمین پر رکھے۔

مسئلہ 956 : اگر کسي کاانگوٹھا تھوڑا سا کٹا ہو تو باقي کو زمين پر رکھے اور اگر انگوٹھا ہي باقي نہ ہو تو دوسري انگليوں کو زمين پر رکھے اور اگر انگلياں نہ ہوں تو باقي ماندہ پير کا کچھ حصہ زمين پر رکھے.

مسئلہ957 : اگر غير معمولي طريقے سے سجدہ کرے مثلا ليٹ کر ساتوں اعضاء کو زمين پر رکھے تو سجدہ باطل ہے.

مسئلہ 958 : اگر پیشانی پر پھوڑا وغیرہ ہو اور سجدہ گا ہ وغیرہ پر سجدہ نہ کر سکے تو پیشانی کے کنارے کو سجدہ گاہ پر رکھے یا دونوں طرف سجدہ گاہ رکھے اور اس کے بیچ کی جگہ خالی رکھے اور سجدہ گا کو زمین سے اتنا بلند رکھے کہ پھوڑا دونوں سجدہ گاہوں کے بیچ میں آجائے۔ بشرطیکہ ملی ہوئی چار انگلیوں سے زیادہ بلند نہ ہو۔ اور اگر پھوڑا یا زخم پوری پیشانی پر ہو تو پیشانی کے باہر دونوں طرف میں سے کسی ایک طرف سجدہ کریں اور اگر یہ ممکن نہ ہو تو ٹھڈی کو سجدہ گاہ پر رکھیں اور اگر یہ بھی ممکن نہ ہو تو چہرے کے جس حصہ کو ممکن ہو سجدہ گاہ پر رکھیں اور اگر چہرے کے کسی حصے پر سجدہ ممکن نہ ہو تو سجدے کے لئے جتنا جھک سکتا ہو جھک جائے۔

مسئلہ 959: جو شخص پیشانی زمین پرنہ رکھ سکتا اسکو چاہئے کہ جتنا جھک سکتا ہو اتنا تو جھک جائے اور سجدہ گا یا کوئی ایسی چیز جس پر سجدہ صحیح ہو اس کو اونچائی پر رکھ لے تاکہ پیشانی اس تک پہنچ جائے اور اس پر سجدہ کرے۔ ہتھیلیوں، گھٹنوں، پیروں کے انگوٹھوں کو حسب معمول زمین پر رکھے اور اگر جھک نہ سکتا ہو تو سر سے اشارہ کرے یہ بھی ممکن نہ ہو توآنکھوں سے اشارہ کرے یعنی سجدہ کی نیت سے آنکھوں کو بند کرے اور سر اٹھا نے کی نیت سے کھول دے اور ہر صورت میں احتیاط واجب ہے کہ سجدہ گاہ کو اٹھا کر پیشانی پر رکھے اور اگر ان میں کچھ بھی نہیں کر سکتا تو احتیاط واجب یہ ہے کہ اپنے دل میں سجدہ کی نیت کرے۔

مسئلہ 960 : اگر پيشاني سجدہ کي جگہ سے بے اختيار اٹھ کر پھر سجدہ گاہ پر پہونچ جائے تو ايک سجدہ شمار ہوگا چاہے ذکر سجدہ کيا ہو يا نہ کياہو ليکن اگر پيشاني کو اختياري طور سے اٹھايا ہو تو اگر ذکر سے پہلے اور عمدا ہو تو تب اس کي نماز باطل ہے ورنہ کوئي حرج نہيں ہے.

مسئلہ 961 : تقیہ کی صورت میں فرش وغیرہ پر سجدہ کیا جاسکتا ہے۔ یہ ضروری نہیں ہے کہ نماز کے لئے دوسری جگہ جائے تاکہ سجدہ گاہ پر سجدہ کرسکے۔ البتہ اگر وہیں پر پتھر یا [کھجور وغیرہ کے پھنٹوں کی نہ کہ پلاسٹک کی ] چٹائی پر سجدہ کرنا ممکن ہو تو واجب ہے کہ ایسا کرے۔

مسئلہ 962 : کسی ایسی چیز پر سجدہ کرنا کہ جس پر بدن ساکن نہیں رہ سکتا ہو اشکال رکھتا ہے۔ لیکن جیسا کہ ہم نے پہلے بھی کہا ہے اگر کشتی یا ریل وغیرہ میں حالت حرکت میں واجبات نماز کی رعایت کرسکتا ہے تو نماز صحیح ہے اور اگر گدا یا کسی دوسری چیز پر سجدہ کرے کہ ابتداء میں وہ متحرک ہے لیکن بعد میں رک جاتی ہے تو کوئی حرج نہیں ہے۔