مسئلہ 1182 : مسافر کو چارجگہوں پر اختيار ہے چاہے پوري نماز پڑھے يا قصر پڑھے.1 مسجد الحرام.2 مسجد رسول.3 مسجد کوفہ.4 حرم حضرت سيد الشہداء .ويسے ان تمام مقامات پر بہتر ہے کہ پوري نماز پڑھے رسول خدا اور آئمہ ہدي کے زمانہ ميں جو مسجد الحرام تھي يا اس کے بعد اس ميں جو اضافے کئے گئے ہيں يا آئندہ کئے جائيں گے ان ميں کوئي فرق نہيں ہے(سب ہي مسجد الحرام کے حکم ميں ہيں)يہي صورت مسجد کوفہ اور حرم سيد الشہداء کي بھي ہے.
مسئلہ774۔چھ مقامات پر اگرنمازی کالباس یابدن نجس ہوتواس کی نمازصحیح ہے :1۔ زخم یاجراحت یاپھوڑے کی وجہ سے نمازی کالباس یابدن خون آلودہ ہو۔2۔اگر لباس یا بدن پرلگا ہوا خون ایک درہم سے کم ہو (درہم تقریباانگشت شہادت کے ایک پورے کے برابرہوتاہے)۔3۔ موزہ، ٹوپی ، ازاربند جیسی چھوٹی چیزیں نجس ہوں۔4۔ کوئی نجس چیز ساتھ میں ہو۔ 5۔ بچہ کی پرورش کرنے والی عورت کالباس .6۔ جب آدمی نجس بدن یالباس سے نمازپڑھنے پرمجبور ہو جيسے کسي ايسي جگه نجس گيا هے که اس کا لباس نجس هے اور بدل نهيں سکتا يا اس کو پاک کرنے کے لئے وقت تنگ هے اس مقام پر از باب ضرورت نماز نجس لباس ميں صحيح هے۔
مسئلہ 1206 : اگر کوئی دوسرا شخص قضا نمازوں اور روزوں کو ادا کردے تو بڑے بیٹے سے ساقط ہیں۔
مسئلہ 1041 : بناء بر احتیا ط ، واجب نماز کا توڑنا جائز نہیں ہے ۔ البتہ قابل توجہ مالی یا بدنی نقصان سے بچنے کے لئے نماز کے توڑ دینے میں کوئی حرج نہیں ہے مثلا نمازی کی جان یا ایسی شخص کی جان خطرے میں پڑجائے جس کابچانا واجب ہے اورنمازتوڑے بغیروہ ٹل نہ سکتاہوتونمازکا توڑ دینا جائزہے اسی طرح جس مال کی حفاظت واجب ہے اس کے بچانے کے لئے بھی نمازتوڑی جاسکتی ہے، لیکن ایک مختصرسے مال کے لئے جس کی کوئی اہمیت نہ ہونماز کوتوڑنامکروہ ہے۔
مسئلہ 1283 : جن صورتوں ميں ماموم کو پلٹنا چاہئے اگر عمدا نہ پلٹے تو اس کي نماز ميں اشکال ہے.
مسئلہ 787 : چوتھا مقام جہاں پرنماز میں نجاست بخشی گئی ہے یہ ہے کہ اگر رومال یا ایسا نجس لباس جس سے شرمگاہ کو چھپایا جاسکتا ہے نمازی کی جیب میں ہو تو اس کی نماز صحیح ہے۔ اسی طرح ساری نجس چیزیں لیکن احتیاط مستحب ہے کہ ان سے اجتناب کیا جائے۔
مسئلہ 2346:قرض ، حج واجب، خمس، زکات جيسي چيزوں کو اصل ترکہ سے نکالاجائے گا چاہے ميت نے وصيت نہ بھي کي ہو اس کے بعد اگر ترکہ بچتاہے اور ميت نے ثلث يا اس سے کم وصيت بھي کي ہو اس کو فلاں جگہ پر خرچ کياجائے تو اس کے مطابق عمل کياجائے گا اور اگر وصيت نہ کي ہو تو ثلث مال ميت کا نہ ہوگا بلکہ سب ورثہ کا ہوجائيگا.
مسئلہ 965 : سجدے کے وقت پيشاني زمين پر ہو يا ان چيزوں پر ہو جو زمين سے اگتي ہيں جيسے لکڑي اور درختوں کے پتے ليکن وہ چيزيں جو کھانے اور پہننے کے کام آتي ہيں ان پر سجدہ جائز نہيں ہے چاہے وہ زمين سے اگتي ہوں اور اسي طرح دھاتوں مثلا سونا، چاندي پر سجدہ کرنا باطل ہے البتہ معدني پتھروں پر جيسے سنگ مر مر، سنگ سفيد، سنگ سياہ بلکہ عقيق پر بھي سجدہ کرنے ميں کوئي اشکال نہيں ہے.
مسئلہ 209 : آفتاب کي روشني بناء بر احتياط واجب نجس چٹائي، درخت، گھانس کو پاک نہيں کرتي.
مسئلہ 204 : پیر اور جوتوں کے کنارے جو آلودہ زمین پر چلنے سے نجس ہوجاتے ہیں وہ بھی اگرزمین تک پہنچتے ہوں تو پاک ہوجائیں گے لیکن وہ لوگ جو ہتھیلی اور گھٹنوں کے سہارے راستہ طے کرتے ہیں ان کی ہتھیلی اور گھٹنوں کا پاک ہونا محل اشکال ہے۔ اسی طرح مصنوعی پیروں، عصا کے نیچے کا حصہ، چارپایوں کے کھر (یا ٹاپ)گاڑی، وغیرہ کے پہیوں کا پاک ہونا بھی محل اشکال ہے۔
مسئلہ ۲۴۹ : جس چیز کو برتن نہ کہاجائے جیسے کپ کا دستہ، شمشیر کا غلاف وغیرہ یہ اگر سونے،چاندی کے ہوں تو کوئی حرج نہیں ہے۔ لیکن احتیاط واجب کی بناء بر سونے یا چاندی کے عطردان، سرمہ دانی وغیرہ سے اجتناب کرنا چاہئے۔
مسئلہ 438 : جو چيزيں حائضہ پر حرام ہيں ان کي تفصيل يہ ہے :1 تمام وہ عبادتيں جن ميں وضو، غسل يا تيمم کي ضرورت ہوتي ہے جيسے نماز، روزہ، طواف، ليکن جن عبادتوں ميں طہارت کي شرط نہيں ہے ان کو بجالا سکتي ہے جيسے نماز ميت2 تمام وہ چيزيں جو مجنب پر حرام ہيں اور ان کا ذکر جنابت کے احکام ميں کيا جاچکا ہے3 ہمبستري کرنا جو مرد اور عورت دونوں کے لئے حرام ہے4 طلاق بھي اس حالت ميں باطل ہے اور بے اثر ہے.
