جامع المسائل، مرکز پاسخگویی به احکام شرعی و مسائل فقهی

مسئلہ ۔1205 ۔ ماں باپ کی وہ نمازیں اورروزے جو نافرمانی [کرتے ہوئے ]نہ چھوٹی ہوں [یعنی مجبوری یا کسی عذر کی بنا پر چھوٹ گئے ہوں ]اور والدین ان کی قضا کو بجالانے پر قدرت رکھتے ہوں(لیکن انجام نہ دیں) ان کے مرنے کے بعد بڑے بیٹے پر واجب ہیں [بڑے بیٹے سے مراد وہ لڑکا ہے جو ماں باپ کے مرنے کے بعد زندہ اولاد میں سب سے بڑا ہو] بلکہ اگر والدین نے نافرمانی کی وجہ سے نماز، روزے کو ترک کیا ہے تب بھی بنابر احتیاط مستحب بڑے بیٹے پر واجب ہیں اسی طرح جو روزے سفر میں نہ رکھے ہوں چاہے ان کی قضا پر قدرت نہ حاصل ہوئی ہو احتیاط واجب یہی ہے بڑا بیٹا قضا کرے۔

مسئلہ 587 : اگر ماں مرجائے اور پيٹ ميں بچہ زندہ ہو تو فورا ان لوگوں کے ذريعہ جن کا سابق مسئلہ ميں اشارہ کيا گيا ہے جس طرف سے بھي سالم نکل سکتا ہو نکال ليں پھر دوبارہ اس کے پيٹ کو سي ديں اور حتي الامکان يہ کام اہل فن کے زير نگراني انجام دياجائے او راگر اہل فن نہ ہوں تو بائيں پہلو کو چاک کرکے بچہ کو فورا نکال ليں.

مسئلہ 1719: ماہ رمضان سے پہلے فطرہ نہيں ديا جاسکتا اور اگر کسي نہ ديد يا ہے تو عيد کے دن دوبارہ دے اسي طرح احتياط واجب ہے کہ خود ماہ رمضان ميں بھي نہ دے ہاں رمضان يا رمضان سے پہلے فقير کو کچھ قرض دے اور جب اس پر فطرہ واجب ہوجائے تو اپنے تو اپنے قرض کو فطرہ ميں حساب کرسکتا ہے.

مسئلہ ۱۴۰۷: اگر ماہ رمضان میں روزہ دارکئی مرتبہ جماع کرے تو صرف ایک کفارہ واجب ہے اور اگر جماع حرام ہوتو تینوں کفارے لازم ہوں گے۔ اسی طرح اگر ایک دن میں چند مرتبہ روزے کو باطل کرنے والا کام انجام دے [تو صرف ایک کفارہ واجب ہوگا]

مسئلہ ۱۴۴۱: ماہ رمضان میں سفر کرنا حرام نہیں ہے لیکن اگر روزے سے بھاگنے کے لئے ہو تو مکروہ ہے۔

مسئلہ 1325 : اگر کسي کو معلوم نہ ہو يا بھول جائے کہ رمضان ہے اور روزہ نہ رکھے اور ظہر کے بعد متوجہ ہو يا ظہر سے پہلے متوجہ ہو مگر افطار کر چکا ہو تو ماہ رمضان کے احترام ميں مغرب تک روزہ باطل کرنے والے کسي کام کا ارتکاب نہ کرے اور رمضان کے بعد اس کي قضا کرے.

مسئلہ ۱۳۱۹ : نیت کے لئے کوئی معین وقت نہیں ہے بلکہ اذان صبح سے پہلے پہلے جس وقت چاہے نیت کرے۔ بلکہ اگر وہ سحری کے لئے اٹھے اور اس سے پوچھا جائے تمہاراکیا مقصد ہے؟ اور وہ کہدے کہ روزہ رکھنے کا ارادہ ہے ،تو یہی کافی ہے۔

مسئلہ 1329 : رمضان کے علاوہ اگر کوئي دوسرا معين روزہ کسي پر واجب ہو (مثلا نذر کي ہو کہ فلاں معين دن روزہ رکھوں گا) اور وہ عمدا اذان صبح تک نيت نہ کرے تو روزہ باطل ہے ہاں اگر بھولے سے ايسا ہوجائے اور ظہر سے پہلے ياد آجائے تو نيت کرسکتا ہے.

مسئلہ ۱۳۲۲ : اگر کوئی رمضان کے علاوہ کوئی دوسرا روزہ رکھنا چاہتا ہو تو اس کو معین کرنا ہوگا مثلا نیت کرے کہ قضا ، روزہ یا نذر کا روزہ رکھتا ہوں لیکن رمضان میں یہی کافی ہے کہ نیت کرے کہ کل روزہ رکھوں گا۔ بلکہ اگر اسے معلوم نہیں ہے کہ یہ رمضان ہے یا معلوم تھا مگر بھول گیا اور دوسرے کسی روزے کی نیت کرلی تب بھی وہ رمضان کا ہی روزہ شمار ہوگا لیکن اگر عمدا رمضان میں کسی دوسرے روزے کی نیت کرے(جبکہ جانتا ہو کہ رمضان میں کوئی دوسرا روزہ صحیح نہیں ہے) تو اس کا روزہ باطل ہے یعنی نہ وہ رمضان کا روزہ شمار ہوگا اور نہ ہی اس کے علاوہ۔

مسئلہ ۱۴۵۱: جن لوگوں نے بڑھا پے کی وجہ سے روزے نہ رکھے ہوں اگر مناسب زمانہ میں جب ہوا گرم نہ ہو دن بھی چھوٹا ہو وہ ان روزوں کی قضا کرسکتے ہوں تو احتیاط واجب یہ ہے کہ قضا کریں۔

مسئلہ 426: حیض کو “ماہواری ”بھی کہتے ہیں یہ خون وہ ہے جو غالبا ہر ماہ چند دن رحم سے خارج ہوتا ہے اور جب نطفہ منعقد ہوجاتا ہے توب یہی خون بچہ کی غذا بنتا ہے عورت کو جب یہ خون آتا ہے تو اس کو “حائض” کہا جاتا ہے اور شرع مقدس اسلام میں اس بارے میں کچھ احکام ہیں جو آئندہ مسائل میں بیان ہوں گے۔

مسئلہ 2283: جو کام مباح ہو يعني اس کا کرنا نہ کرنا برابر ہو اس کے انجام دينے کي نذر صحيح نہيں ہے البتہ اگر کسي اعتبار سے اس کا انجام دينا يا ترک کرنا بہتر ہو اور اسي اعتبار سے اس کا انجام دينا يا ترک کرنا بہتر ہو اور اسي اعتبار سے نذر کي جائے تو صحيح ہے مثلا نذر کرے ايسي غذا کھا يا کروں گا جس سے عبادات کے لئے طاقت پيدا ہو يا ايسي غذائيں نہيں کھاوں گا جس سے بدن ميں سستي ہوتي ہے اور عبادت نہيں کرسکتا تو يہ نذر صحيح ہے.