جامع المسائل، مرکز پاسخگویی به احکام شرعی و مسائل فقهی

مسئلہ1242 : اگر امام و ماموم میں یا خود مامومین میں ایک یا چند قدم کا فاصلہ اس طرح ہو کہ اس کو جماعت کہیں تو کوئی حرج نہیں ہے اس لئے اگر ایسے ایک یا دو آدمیوں کا فاصلہ ہوجائے جو نماز نہیں پڑھ رہے ہیں تو کوئی حرج نہیں ہے۔ لیکن مستحب یہی ہے کہ صفیں مکمل طور سے متصل ہوں۔

مسئلہ 1245 : اگر ماموم امام سے آگے کھڑا ہو خواہ ابتدائے جماعت میں یا اثنائے جماعت میں تو اس کی نماز باطل ہے اور احتیاط واجب یہ ہے کہ برابر بھی کھڑا نہ ہو بلکہ امام سے تھوڑا ساپیچھے کھڑا ہو اور پوری نماز میں اس کی۔ یعنی پیچھے رہنے کی۔ رعایت ضروری ہے۔ یہاں تک کہ رکوع و سجود میں پیچھے ہی رہے۔

مسئلہ 1241 : اگر ماموم کے قیام کی جگہ امام کے قیام کی جگہ سے اونچی ہو تو کوئی حرج نہیں ہے لیکن اگر امام مسجد کے صحن میں ہو اور کچھ مامومین بالکنی یاچھت پر اور ایسا لگ رہا ہو کہ اس کو جماعت نہ کہہ سکیں تو صحیح نہیں ہے مثلا امام پہلے طبقہ پر ہو اور مامومین اس کے اوپر والے طبقات میں ہوں جو جماعت سے دور ہیں۔

اول : حائل کا نہ ہونا۔ یعنی امام ، ماموم اور اسی طرح خود مامومین میں ایک دوسرے کو دیکھنے سے کوئی چیز مانع نہ ہو۔ یہاں تک کہ شیشہ کا حائل ہونا بھی اشکال رکھتا ہے۔ ہاں ماموم عورت ہو تو اس کے اور مردوں کے درمیان حائل کے ہونے میں کوئی حرج نہیں ہے۔مسئلہ 1237 : اگر ا مام محراب میں ہو اور کوئی اس کے پیچھے اقتدا نہ کئے ہوئے ہو تو جو لوگ محراب کے دونوں طرف کھڑے ہیں اور محراب کی دیوارکی وجہ سے امام کو نہیں دیکھ سکتے ہیں وہ لوگ امام کی اقتدا نہیں کرسکتے۔ بلکہ اگر امام کے پیچھےکوئی اقتدا بھی کئے ہو تو جو لوگ اس کے دونوں طرف کھڑے ہیں اور محراب کی دیوار وجہ سے امام کو نہیں دیکھ سکتے ان کی جماعت میں اشکال ہے البتہ جو صفیں ان کے پیچھے ہیں ان کی نماز صحیح ہے اسی طرح اگر صفیں مسجد کے دروازے تک پہونچ جائیں یا اس سے باہر نکل جائیں۔

مسئلہ 1243 : امام جب تکبیر کہہ کر نماز میں داخل ہو تو اگر اگلی صفیں آمادہ نماز ہوں تو سب ہی تکبیر کہہ کر نماز میں داخل ہوسکتے ہیں، یہ ضروری نہیں ہے کہ جب تک اگلی صفوں والے نماز میں داخل نہ ہوجائیں لوگ انتظار کرتے رہیں، بلکه بهتر يه هے که انتظارنه کرے۔

مسئلہ 1244 : اگر یہ معلوم ہو کہ اگلی صفوں میں سے کسی ایک صف کی نماز باطل ہے تو اگر آگے کی صف حائل ہو تو بعد والی صفوں کے لوگ اقتدا نہیں کرسکتے۔

مسئلہ ۱۲۴۶ : اگر ماموم کو معلوم ہو کہ امام کی نماز یقینا باطل ہے مثلا وہ جانتا ہے کہ امام بے وضو ہےتو اس کی اقتداء نہیں کرسکتا چاہے امام متوجہ نہ بھی ہو۔ لیکن اگر ماموم کو نماز کے بعد پتہ چلے کہ امام عادل نہیں تھا یا خدا نخواستہ کافر تھا یا اس کی نماز باطل تھی تو ماموم کی نماز صحیح ہے۔

مسئلہ ۱۲۴۷ : اثنائے نماز میں اگر ماموم کو شک ہوجائے کہ جماعت کی نیت کی تھی یا نہیں تو اگر ایسی حالت میں ہو کہ اطمینان ہوجائے کہ جماعت میں مشغول ہے تو نماز کو جماعت کے ساتھ تمام کرے لیکن اگر اطمینان پیدا نہ ہو تو نماز کو فرادی کی نیت سے تمام کرے۔

مسئلہ ۱۲۴۸ : بغیر کسی عذر کے جماعت سے علیحدہ نہیں ہوسکتا اور نہ فرادی کی نیت کرسکتا ہے ، چاہے ابتدا سے اس کا ارادہ رہا ہو یا اثنائے نماز میں یہ ارادہ ہوگیا ہو۔

جس وقت امام رکوع میں ہو اگر اس وقت امام کی اقتدا کرکے رکوع میں چلا جائے اور رکوع میں امام سے ملحق ہوجائے تو اس کی نماز صحیح ہے۔ چاہے امام نے ذکر رکوع کو پڑھ لیا ہو یانہ پڑھا ہو ۔ اور یہ اس کی پہلی رکعت شمار ہوگی ۔ لیکن اگر رکوع میں امام سے ملحق نہ ہوسکے تو فرادی کی نیت کرلے۔ اور بنابر احتیاط واجب نماز کا اعادہ بھی کرے اور یہی حکم ہے جب شک ہو کہ امام کے ساتھ رکوع میں ملحق ہوا یا نہیں۔

مسئلہ ۱۲۵۴ : اگر اول نماز یا حمد و سورہ کے درمیان اقتداء کرے اور امام کے ساتھ رکوع میں نہ پہونچے تو اس کی جماعت صحیح نہیں ہے ہاں اگر کوئی عذر ہو تو صحیح ہے۔

مسئلہ ۱۲۵۵ : اگرجماعت میں اس وقت پہونچے جب امام ، نماز کا آخری تشہد پڑھ رہا ہو ، اور ثواب جماعت حاصل کرنا چاہے تو نیت کرکے تکبیرة الاحرام کہے اور بیٹھ جائے اورامام کے ساتھ تشہد میں شریک ہوجائے لیکن سلام نہ پڑھے چپ چاپ بیٹھا رہے یہاں تک کہ امام کا سلام تمام ہوجائے اس کے بعد کھڑے ہو کر اپنی نماز پڑھے یعنی حمد و سورہ وغیرہ پڑھے اور اس کو اپنی پہلی رکعت قراردے۔