Dirhəm və dinar əvəzinə mal-qara
Ekspertlərə, habelə qızıl-gümüş alğı-satqısı ilə məşğul olanlara şəri dirhəm və dinar haqda müraciət etməklə onun qiyməti və dəyəri barəsində araşdırmalar heç bir nəticə vermədi. Sual budur ki, 1000 dinarı və ya 10000 dirhəmi 1000 baş qoyun və ya 200 baş qaramal, yaxud da 100 baş dəvə ilə müqayisəli şəkildə dəyərləndirib, onu mövcud vahidlə, məsələn, qoyun və ya dəvə ilə ödəmək caizdirmi?
Adi və orta səviyyəli 200 dəst paltarın qiymətini hesablayıb vermək olar. Çünki “hullə” libas mənasındadır və onun Yəmən malı olması da şərt deyil. Habelə, dirhəm və dinarın əvəzinə qoyun, inək və dəvədən də istifadə etmək olar.
Haram aylarda qətlin diyəsi
Ehtiyatsızlıq üzündən baş verən qətl hadisəsində diyə hansı şəkildə ödənilmədir? Qəsdən adam öldürmə hadisəsi Məhərrəm ayında baş versə və ölənin vəlisi (qan sahibi) qisasın ləğv olunmasına və yerinə diyə verilməsinə razılıq versə, diyə necə ödənilməlidir?
Haram aylarda ehtiyatsızlıq üzündən adam öldürmə hadisəsində diyənin üçdə biri ona əlavə olunur. Lakin qəsdən adam öldürmə hadisəsində isə tərəflərin razılaşdığı məbləğ meyar tutulmalıdır.
İki müctəhidə təqlid
Ehtiyata əməl etmək istəyən şəxs misal üçün bey (alqı-satqı) məsələlərinin ehtiyatlarını bir mərcəyi-təqliddən, namaz məsələlərinin ehtiyatlarını isə digər mərcəyi-təqliddən ala bilərmi?
Əgər məqsədiniz, ehtiyat yolunu hər ikisi fəqahətdə bərabər olan iki müctəhiddən almaqdırsa, eybi yoxdur.
Ehtiyata əməl etməkdə vəfat etmiş müctəhidlərin nəzərləri
Ehtiyata əməl edən şəxs vəfat etmiş müctəhidlərdən verilmiş hökmləri də nəzərə almalıdır?
Əgər məqsəd mütləq ehtiyatdırsa, gərək bütün nəzəriyyələrə baxsın. Lakin məqsədi mərcəiyyət ehtimalı verilən müctəhidlər arasında ehtiyatdırsa, təkcə diri olan alimlərin nəzərlərini öyrənmək, onun üçün kifayətdir.
Yoxsul ata və ananın nəfəqəsi
Ehtiyacı olan ata və ananın xərclərini təmin etmək onların oğlanlarının öhdəsindədirmi? Yoxsa qazancı olan qızlarının da öhdəsindədir?
Bu cəhətdən oğlanla qız arasında heç bir fərq yoxdur. Ata və ananın xərclərini ödəmək onların hər ikisinə vacibdir.
Xümsü verilməmiş libasda ehram
Ehram paltarını zəkatı və ya xümsü verilməmiş puldan almışlarsa, onunla bağlanan ehram səhihdirmi?
Onunla ehram bağlamaq haramdır.
Tikili süni bədən üzvlərindən istifadə
Ehram halında tikilmiş dəri parça ilə bədənə bağlanan süni ayaq və əllərdən istifadə etməyin kəffarəsi varmı?
Eybi yoxdur və kəffarəsi də yoxdur.
Tikili süni bədən üzvlərindən istifadə
Ehram halında tikilmiş dəri parça ilə bədənə bağlanan süni ayaq və əllərdən istifadə etməyin kəffarəsi varmı?
Eybi yoxdur və kəffarəsi də yoxdur.
Tikili süni bədən üzvlərindən istifadə
Ehram halında tikilmiş dəri parça ilə bədənə bağlanan süni ayaq və əllərdən istifadə etməyin kəffarəsi varmı?
Eybi yoxdur və kəffarəsi də yoxdur.
Bakirə və qeyri-bakirənin mehriyyəsinin hökmü
Düxulun kamil mehriyəyə və düxul etməməyin mehriyənin yarısına səbəb olması məsələsində bakirə qızla digər qadınlar arasında fərq varmı?
Bakirə ilə qeyri-bakirə arasında heç bir fərq yoxdur.
Azyaşlı uşağın vəlisini and içdirmək
Dünyadan getmiş bir şəxsin bir neçə az yaşlı (səğir) varisi var. Mərhumun bacısı iddia edir ki, mərhumun filan torpaq sahəsi mənimdir. Lakin mərhumun varisləri bir sənəd təqdim edirlər ki, orada bacısının həmin torpaqları qardaşına bağışladığı deyilir. Lakin bacısı bu sənədi qəbul etmir və and içməyə hazırdır. Az yaşlının tərəfindən qarşı tərəfə and içdirmək olarmı?
Onlar şəri hakimin yanına gedib, öz sənədlərini təqdim etməlidirlər. Əgər and içmək lazım olsa, azyaşlının vəlisi (himayə edən, qəyyum) onların haqqını müdafiə etmək üçün and içə bilər.