Spid xəstəliyinə tutulmuş şəxslərlə evlənmək
Spid xəstəliyinə tutulmuş müsəlman bir şəxs müsəlman bir qızı öz nikahına keçirə bilərmi?
Təhlükə yaradacaq bir halda caiz deyil.
Həyat yoldaşına qeyri-qanuni əlaqədə olması barədə böhtan atmaq
Əgər bir kişi öz arvadına, (başqa bir kişi ilə) qeyri-qanuni əlaqədə olması barədə böhtan atarsa və öz iddiasını ədalətli və səlahiyyətli məhkəmədə sübuta yetirə bilməzsə:1) Öz arvadı ilə yenidən həyatına davam etmək bu kişiyə caizdirmi?2) Qadının öz əri ilə yaşamağına davam etməsi, şəri baxımdan vacibdirmi?3) Belə bir şəraitdə qadın ona talaq verilməsini tələb edə və mehriyə, cehiz və digər əmlakı daxil olmaqla öz haqq-hüququna çata bilərmi?
1) Əgər bu əlaqəni gördüyünü iddia etməsə, heç bir təntənə olmadan onunla həyatına davam edə bilər. Lakin ona atdığı bu böhtana görə qadın, şəriət hakimindən həddi-qəzf (yersiz iddiaya görə cəza) icra etməsini istəyə bilər (onun həddi, yəni cəzası 80 şallaqdır). Yaxud da onu bağışlaya bilər. 2) Bəli, əri ilə yaşamağına davam etməsi lazımdır. 3) Əgər əri talaq verməyə razı olsa, eybi yoxdur.
Əhdə vəfa etmək
Qadına söz verəndə ona əməl etmək vacibdirmi?
Yaxşı olar ki, müsəlman şəxs mümkün olmayan halları çıxmaq şərti ilə həmişə öz verdiyi sözlərə əməl etsin,
Vəfat edəndən sonra dirilən həyat yoldaşının zövciyyət hökmü
Doğuş əsnasında dünyadan gedən qadın, sonradan Allahın pak zatına və İlahi övliyaya təvəssül etməklə dirilərsə, zövciyyəti (ər-arvad münasibəti) öz qüvvəsindədirmi?
Sualda fərz olunanlara görə zövciyyət (ər-arvad münasibəti) öz qüvvəsindədir.
Həyat yoldaşının anasının qayğısına qalmaq şərti
Bir şəxs evlənməzdən öncə qızla söhbət edir və ona deyir ki, sizinlə bir şərtlə evlənirəm ki, mənim qoca anama baxasınız və o da bunu qəbul edir. Lakin evlənəndən sonra qız öz qayınanasına baxmır. Evlənməzdən öncə belə bir şərt qoyularsa, ona əməl etmək vacibdirmi?
Bu şərtə əməl etmək vacib deyil.
Həyat yoldaşını təhqir etmək
Qadının ərini və əksinə təhqir etməsinin hökmü nədir?
Heç bir kəsin, hətta ərlə arvadın belə, biri-birini təhqir etməyə haqqı yoxdur,
Vilayət haqqının kürəkənə keçməsi
Ata kürəkənindən müəyyən qədər pul almaqla öz qızına olan vilayət (qəyyumluq, başçılıq) haqqını kürəkənə verə bilərmi?
Atanın vilayət haqqını kiməsə vermək mümkün deyil, nə pulla, nə də pulsuz.
Kürəkəndən şirbaha almaq
Ana şirbaha (süd pulu, başlıq) ala bilərmi?
Nikah əqdi oxunan zaman əqdin daxilində şərt olaraq qeyd olunarsa, ana bu halda şirbaha ala bilər.
Həyat yoldaşının müstəhəb əməlləri yerinə yetirməyi qadağan etməsi
Əgər qadın yerinə yetirdiyi müstəhəb əməllərin çoxluğundan həddən artıq yorularsa və nəticədə əri ondan lazımi ləzzətləri ala bilməsə, ərinin onu belə müstəhəb əməllərdən çəkindirməyə haqqı varmı? Belə məqamlarda ərə tabe olmaq vacibdirmi?
Kişinin onu çəkindirməyə haqqı yoxdur. Amma cinsi ləzzətlər tamamilə aradan gedərsə, bu halda ərin hüquqlarına maneə törətdiyinə görə, qadın onun icazəsi olmadan nəsə bir müstəhəb əməllə məşğul olmağa haqqı yoxdur.
Bir-birinə bitişik əkizlərin evlənməsi
Bir-birinə bitişmış halda dünyaya gələn iki əkizin evlənmə hökmünü bəyan edin.
Əgər ehtiyata əməl edərək evlənməyə bilsələr və şiddətli məşəqqətə düçar olmasalar, ehtiyat budur ki, evlənmək fikrindən daşınsınlar. Lakin evlənməyə məcburdurlarsa, bu iki qız növbə ilə eyni kişiyə ərə gedə bilərlər. Bu şəkildə ki, kişi onlardan birini öz nikahına keçirsin, talaqdan və iddə bitəndən sonra digərini öz nikahına keçirsin. (Xatırlatmaq lazımdır ki, çoxsaylı talaqlardan irəli gələn problemlərlə üzləşməmək üçün müvəqqəti nikahdan istifadə edə bilərlər.) İki əkiz oğlan barəsində də ehtiyat budur ki, əgər mümkündürsə, evlənməsinlər. Zərurət irəli gələn zaman isə, eyni vaxtda (ikisi üçün) eyni həyat yoldaşını seçmək caiz deyil. Lakin yuxarıda deyilən formada bir qadınla evlənə bilərlər. Hər halda, belə fərdlərin sayı olduqca az olduğuna görə bu şəriət hökmlərinin izahı insanlara təəccüblü gəlsə də, bəhs və mübahisəyə ehtiyac yoxdur.
