Nikah bağlanandan sonra ərinin müsəlman olmadığını başa düşmək
Qadın evlənəndən sonra ərinin müsəlman olmadığını başa düşsə, hökmü nədir?
Onunla yaşaya bilməz və nikahı batildir.
Şəriət məsələlərinə laqeyd olan qızla ailə həyatı qurmaq
Zahirdə müsəlman olan, lakin namaz qılmayan qızla evlənmək, kafirlə evlənmək kimidirmi?
Bu növ nikah caizdir, lakin tədricən onu vacib əməlləri yerinə yetirməyə dəvət etmək lazımdır.
Qeyri-seyid kişinin seyid qadınla evlənməsi
Seyid olmayan şəxsin seyidə qadınla evlənməsi caizdirmi? Çünki bəzi şəxslər bu qənaətdədirlər ki, nikahda həmtay olmaq şərtdir, seyidə və qeyri-seyid bir-birinə tay deyillər. Bundan əlavə dava-dalaş olacağına ehtimal verilsə, məsələnin hökmü nədir?
Caizdir və Məsum imamların (ə) zamanında belə hallar çox baş vermişdir. Lakin dava-dalaş təhlükəsi olsa, bu işdən çəkinin.
Ərli olan qadınla zina
Bir qız öz nikah günlərində bir nəfərlə zina etmişdir. Hal-hazırda əqdinin necəliyi məlum olmayan əri ona talaq vermiş və talaqdan sonra zina edən şəxs bu qızla nikah bağlamışdır. Bu nikah şəri baxımdan düzdürmü?
Birinci nikah razılıqla kəsilibsə və səhih olubsa, belə ki, zina ərli arvadla baş veribsə, o qız zina edənə əbədi haramdır (ehtiyat vacibə əsasən).
Livat edənin həddi-buluğa çatmasında olan şəkk
Bir şəxs bir oğlan uşağı ilə livat etmişdir. Lakin şəkki var ki, bu əməli edəndə həddi-buluğa çatmışdı, ya yox. O oğlan uşağının bacısı, qızı və ya anası ilə evlənməsi caizdirmi?
Əgər livat işini edənin həddi-buluğa çatmasında şübhə varsa, həmin oğlan uşağının bacısı, anası və ya qızı ona haram olmur.
İddədə olan qadınla evlənmək
Bir kişi şəri məsələni bilməməzlik üzündən iddədə olan qadınla daimi və ya müvəqqəti şəkildə evlənmişdirsə, bu qadın ona əbədi haram olurmu? Bilərəkdən olan halda hökmün necə olacağını da bəyan edin.
İki halda əbədi haram olur. Biri budur ki, bilməməzlik üzündən olsa belə evlənib duxul etsin, ikincisi də budur ki, bilərəkdən evlənsin, hətta duxul etməsə də belə.
Bir şəxsin talağını verdiyi qadınının başqa ərdən dünyaya gətirdiyi qız
Əgər Zeyd həyat yoldaşına talaq versə, o qadın talaq və iddədən sonra digər adamla ailə həyatı qursa və bu nikahdan bir qız uşağı dünyaya gəlsə, o qız nikah yaşına çatandan sonra Zeyd onunla evlənə bilərmi?
İnsanın həyat yoldaşının digər ərdən olan qızı ona məhrəmdir (o qadına düxul şərti ilə). Burada nikahdan öncə və talaqdan sonra dünyaya gələn qızlar arasında fərq yoxdur.
Arvadın anası və ərin atası
Bir şəxs öz həyat yoldaşının vəfatından sonra yenidən evlənmiş və onun birinci qaynanası da ikinci dəfə ərə getmişdir. O, hələ də öz birinci qaynanası ilə məhrəmdirmi? Talaq halında necə? Əgər bir şəxsin oğlu ölsə və gəlini ikinci dəfə ərə getsə və ya gəlini talaq alıb başqası ilə evlənsə, yenə də birinci qayınatasına məhrəmdirmi?
Qaynana hər bir halda məhrəmdir. Gəlin də hər bir şəkildə qayınatasına məhrəmdir.
Gəlin və kürəkən
Bir şəxs öz həyat yoldaşının vəfatından sonra yenidən evlənmiş və onun birinci qaynanası da ikinci dəfə ərə getmişdir. O, hələ də öz birinci qaynanası ilə məhrəmdirmi? Talaq halında necə? Əgər bir şəxsin oğlu ölsə və gəlini ikinci dəfə ərə getsə və ya gəlini talaq alıb başqası ilə evlənsə, yenə də birinci qayınatasına məhrəmdirmi?
Qaynana hər bir halda məhrəmdir. Gəlin də hər bir şəkildə qayınatasına məhrəmdir.
Kişinin yaxınlıq etdiyi qadının qızları
Bir kişi bir qadını qısa müddət ərzində siğə etmişdir. Müddət sona çatandan sonra, kişi ilə siğə olunmuş qadının qızı arasında olan məhrəmlik öz yerindədir, – istər qadın sağ olsun, istərsə də vəfat etmiş olsun – belə isə o qadının qızının qızına da, habelə nə qədər aşağı gəlsə, məhrəmliyi öz yerində qalırmı?
Əgər o qadınla yaxınlıq etmişdirsə, o qadının qızları mütləq şəkildə ona haramdırlar.
Müvəqqəti əqdin iddəsində baş verən zina
Müvəqqəti nikahın iddəsi zamanı zinanın hökmü nədir? Əbədi haramlığa səbəb olurmu? İmamın (r) bu barədə fitvası nədir?
Müt’ənin iddəsi zamanın zina şübhəsiz ki, haramdır. Lakin o qadının əbədi haramlığına səbəb olmur. Buna görə də iddə sona çatandan sonra nikah siğəsinin oxunmasının eybi yoxdur. İmamın “Təhrirul-vəsilə”-də və “Tozihul-məsail”-dəki fitvası da belədir.
